СИНМАСИН ЭРКАК

Қизиқ экан эркакчилик ишлари,
Бор ҳаётни турфа ёзу қишлари.
Иши тушса қочаркан танишлари,
Боши эгилмасин, синмасин эркак.

Худо синов солдирмагин бировга,
Топган ошин олдирмагин бировга.
Сира кунин қолдирмагин бировга,
Қадди букилмасин, синмасин эркак.

Иши юрмай кўпайса кам кўстлари,
Кетар икки юзли илон пўстлари...
Чойхонага айтмай қўяр дўстлари,
Қадри тўкилмасин, синмасин эркак.

Пул йўғида ҳамма эшик ёпганда,
Ёрдамини миннат қилиб қопганда.
Керагида фақат танбеҳ топганда,
Сира сиқилмасин, синмасин эркак.

Гоҳ йиқилиб гоҳи турар оёққа,
Чидамайди ёвдан ортта қомоққа.
Ташвиш келса йўқчиликда томоққа,
Дарди тиқилмасин, синмасин эркак.

Ҳамма бирга давр келиб сурганда,
Мақташади омад келиб турганда...
Синовларни сўғмоғида юрган,
Эркак йиқилмасин, синмасин эркак.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟