DIYDORLASHIB TURAYLIK DOʻSTIM
(Xonandalarga tavsiya)

Toʻyib suhbat quraylik doʻstim,
Birga davr suraylik doʻstim.
Koʻrinmaysan, yoʻq boʻlib ketma,
Diydorlashib turaylik doʻstim.

Bu dunyodan charchasak horib,
Gaplashaylik koʻngilni yorib.
Yigʻilishib bir joyga borib,
Diydorlashib turaylik doʻstim.

Oʻtar umr, oʻtar yoz qishlar,
Sira tugab ketmaskan ishlar.
Ahir bir gap boʻlar tashvishlar,
Diydorlashib turaylik doʻstim.

Chetda yurib kelsang yilda san,
Ammo doim nomi tildasan.
Koʻngildasan oʻzing dildasan,
Diydorlashib turaylik doʻstim.

Birga oʻsdik yosh bola edim,
Bir tovoqdan birga osh yedim.
Seni Alloh uchun doʻst dedim,
Diydorlashib turaylik doʻstim.

Mayli jigar haftada oyda,
Farqisi hoʻq qay vaqt, qay joyda.
Mehr koʻzda, oqibat foyda,
Diydorlashib turaylik doʻstim.

Yaxshi yomon yomgʻir qoringa,
Oʻzim dastak boʻlay koringa.
Doim shukr deyman boringa,
Diydorlashib turaylik doʻstim.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟