Stiv Jobsning dizayn haqida aytgan quyidagi fikri bor:

Dizayn – bu shunchaki tashqi ko‘rinish yoki foydalanuvchiga qanday ta’sir qilishi emas. Dizayn – bu mahsulotning qanday ishlashidir.

Jobsning bu yondashuvi Apple mahsulotlarida yaqqol ko‘rinadi. Ularning mahsulotlari murakkab yo‘riqnomalar yoki uzun onboarding jarayonlariga ehtiyoj sezmaydi. Har bir yechimning oddiy va intuitiv bo‘lishi maqsad qilinadi.

Misol uchun, mahsulotda gorizontal menyu mavjud edi va uni vertikal menyu yoki sidebar ko‘rinishiga o‘zgartirildi, deylik. Odatda, kattaroq SaaS mahsulotlarda bunday o‘zgarishlar qiyinchiliklarga olib keladi. Ayniqsa, mahsulotning ishlashi bir nechta maqola va videolarga tayanib qolgan bo‘lsa, dizayndagi har qanday o‘zgarish ushbu materiallarning hammasini yangilashni talab qiladi. Bu nafaqat vaqt va resurslarni sarflaydi, balki foydalanuvchilar uchun ham noqulaylik tug‘diradi.

Yechimni foydalanuvchilarga qanday tushuntiramiz?

❌ Yordamchi maqola yozib yoki info-ikonka yordamida tushuntirishga harakat qilamiz.

✅ Dizaynni soddalashtiramiz va tushunarli qilishga intilamiz.

Xulosa: Dizaynning maqsadi foydalanuvchiga shunchaki yordam berish emas, balki yordamga ehtiyoj qoldirmasdan, uni o‘z-o‘zidan tushunarli qilishdir.

@nodizayn