Telegram Analytics

TGStat хизмати янгиликларидан бохабар бўлиш учун обуна бўл!

TGStat Bot

Telegram'дан чиқмай туриб каналлар статистикасини олиш

TGAlertsBot

Каналингиз репостлари ва эсловлари ҳақида хабар беради.

SearcheeBot

Telegram-каналлар оламидаги сизнинг йўлбошчингиз.

Statistika Saralanganlar

Nodizayn

Kanal geosi va tili: O‘zbekiston, O‘zbekcha

Toifa: Dizayn

Nodir Khalilov kanali. Mahsulot dizayni sohasida 13 yillik tajribaga egaman.
Dizayn va samaradorlik haqida yozaman. Qiziqishlarim va tajribalarim bilan bo’lishaman.
https://linktr.ee/nodirkhv

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Dizayn

Statistika

Postlar filtri

O‘chirilganlarni yashirish

Repostlarni yashirish

Nodizayn

15 Apr, 18:54

"Course collector syndrome" haqida

"Course collector syndrome" — turli xil kurslarda muntazam ravishda o'qish, lekin ularni hayotda qo'llamaslik holati hisoblanadi. Bu jarayon o'rganish uchun materiallar to'plash, ammo ulardan samarali foydalanmaslikni o'z ichiga oladi.

Bu holat ko'pchilikda uchraydi. O'zimda ham bu kabi holat bo'lgan va hozirgacha qandaydir kurslarni sotib olgim keladi. Misol uchun bizga tanish mashhur shaxslar kurs chiqarishsa, darhol sotib olishga shoshilamiz. Ammo, olingan bilimlarni amalda qo'llamasak, ularning hech qanday foydasi bo'lmaydi.

Kurs muallifi sifatida bunday gaplarni yozishim g'alati tuyulishi mumkin, lekin bu haqiqatdir. Misol uchun, Super Dispatch uchun oxirgi marta dizayner pozitsiyasi uchun kandidatlarni intervyu qilayotganimizda bir kandidat Interaction Design Foundation kurslaridan o'tganini, Nielsen Norman Group sertifikatlariga ega ekanini va Reforge kabi nufuzli platformalardagi kurslarni o'qiyotganini ta'kidladi. Ammo, intervyu jarayonida kandidat faqat nazariy bilimlarga ega ekanligi ko'rindi.

Intervyuda 25-30 daqiqa davom etadigan muammo beriladi va uni bajarishda, asosiy e'tibor muammoni chuqur tahlil qilish, to'g'ri savollarni berish va jamoa bilan samarali hamkorlik qila olishga qaratiladi. Nomzod esa tezda yechimga o'tib ketdi. Bu misol orqali, kurslardan faqat amaliy bilim olib, kursdan kursga sakrash samarasiz ekanligi yana bir bor bilindi.

Ko'pincha, muammolarni o'rganish va sohada ishlab, tajriba orttirish kurslardan ko'ra foydaliroq bo'lishi mumkin. “Course collector syndrome” faqat kitob yig'ishga o'xshaydi - ko'plab kitoblarni sotib olasiz, ammo ularni o'qimasligingiz yoki o'qigan holda ham, olgan bilimlarni amalda qo'llamaslik mumkin.

@nodizayn

404 0 7 19

Nodizayn

14 Apr, 17:56

Bayroq ranglari, do'ppi yoki “milliy belgi”

Institutda kompyuter grafikasi va badiiy foto yo'nalishida tahsil olganman. Bir kuni darsga dekan va kafedra mudiri tashrif buyurishdi va prorektor dizaynda tajribasi bor talabalarni chaqirayotganini, katta loyihada qatnashish kerakligini aytdi. Men ham bu ro'yxatda bor ekanman.

Prorektor bizni institutning ba'zilari ishlaydigan va ba'zilari buzuq kompyuterxonasiga yig'di va Alisher Navoiy nomidagi milliy kutubxona ochilish marosimi bo'lib o'tishini aytdi. Marosimda prezident, Islom Karimov qatnashishini va boshqa mamlakatlardan delegatsiya tashrif buyurushini ham eslatib o'tdi.

Bizni chaqirishdan maqsad esa, shu tadbir davomida, qandaydir loyiha mavzusi muhokama qilinishini (nomi “Barkamol avlod buyuk kelajak mevasi” yoki shu kabi juda uzun edi) va har birimiz shu loyiha uchun brend ishlab chiqishimiz kerakligini aytdi.

Qiziq tomoni, men loyiha haqida savol so'rashni boshlashim bilan, prorektorning jahli chiqa boshladi va kafedra mudiriga so'z berdi. Kafedra mudiri esa, har birimiz 24 soat ichida 3 tadan variant tayyorlab kelishimiz kerakligini aytib, bizni darsdan ozod qilishdi.

Ulardan savol so'rab, foydali javob ololmasligimni tushungach, internetdan loyiha haqida izlanib ko'rdim va ertasiga bir nechta yechim bilan keldim. Lekin prorektor meni loyihamga 2-3 soniya tikildida, bo'lmaydi dedi. Nega deb so'rasam, jahl qilib, nega bayroq ranglaridan foydalanmaganimni yoki nega milliy belgilar yo'qligini so'rab, men bilan ishlashni davom ettirmasligini aytdi. Men esa u bilan tortishish foydasizligini tushunib, chiqib ketdim.

Negadir O'zbekturizm logosini ko'rganimda shu voqea esimga tushaveradi. Lekin bu jarayonni O'zbekturizm logosiga aloqasi yo'q.

@nodizayn

428 0 3 26

Nodizayn

12 Apr, 20:36

Intercom VP of Design'i yangi redizayndagi illustratsiyalar AI yordamida emas, rassom tomonidan chizilgani haqida xabar berdi. Lekin u eskizlar Midjourneyda chizilganini ham eslatib o'tdi.

Batafsil:
https://www.linkedin.com/feed/update/urn:li:activity:7184512157944840193/

Emmet Connolly on LinkedIn: Emmet Connolly (@thoughtwax) on X

Among the huge, flattering reaction to the new Intercom brand and website that we launched this week, something unexpected: Over on Twitter, virtually…

508 0 1 6

Nodizayn

11 Apr, 13:33

Kechadan beri LinkedIn va Twitter'ni Intercom ning redizayn qilingan vebsayti “portlatmoqda”.

E'tiborimni jalb qiligani, Intercom to'liq AI-first kompaniya ekanligiga urg'u bermoqda va eng qizig'i, saytda ishlatilgan ko'plab illustratsiyalar AI yordamida generatsiya qilingan.

Avvallari bu kabi illustratsiyalarni dizaynerlar haftalab tayyorlashgan bo'lsa, endi AI yordamida bir necha sekundlarda tayyorlashmoqda.

Manzarali illustratsiyalarni interfeys uchun fon sifatida ishlashi ham chiroyli chiqqan.

AI, AI, AI, AI...

@nodizayn #ai #intercom

2.3k 2 12 13

Nodizayn

11 Apr, 12:14

Har bir yiqilish bizni yanada kuchli qiladi

2022-yilda suzish bo'yicha sarguzashtlarimni boshladim. 2 hafta ichida basseynda 500 metrni to'xtovsiz suzishga muvaffaq bo'ldim. Aynan suzishni boshlashim bilan triatlon musobaqasida qatnashdim: 750 metr ochiq suvda suzish, 20 km velosiped va nihoyat 5 km yugurish kerak edi.

Trenerimga bu masofalarni bosib o'tish imkonim borligini so'raganimda, ularning qat'iy ishonchi meni ilhomlantirdi.

Musobaqa kuni ob-havo kutilmaganda yomonlashdi: kuchli yomg'ir va sovuq. Yana musobaqa suvi toza bo'lmagan Toshkentdagi Yapon bog'ida o'tkazilishi qo'shimcha qiyinchiliklar tug'dirdi. Suvga tushganimdan keyin, 200 metr suzganimda nafasim qisilganini his qildim. Tinchlanishga urindim, lekin buning foydasi bo'lmadi va qutqaruvchilarni yordamga chaqirdim. Natijada, musobaqani yakunlay olmadim va DNF (Did Not Finish) statusini oldim.

Bu tajriba mening ochiq suvda suzish borasidagi kuchsiz tomonlarimni aniqlashga yordam berdi. Ochiq suvda suzish va basseynda suzishning juda katta farqi borligini tushunib yetdim. Bu voqeadan keyin har ikki haftada Chorvoqga ochiq suv havzasida suzishni mashq qilishga qatnashdik va shu yilni o'zida Chorvoqni to'xtamasdan suzib o'tishga erishdim.

Bugun esa, Bosphorus Cross Continental Swim musobaqasida qatnashishga qabul qilinganim haqidagi xabarni oldim.

Istanbulning Bosfor bo'g'ozida yiliga bir marta o'tkaziladigan bu musobaqada, dunyo bo'ylab kelgan 2 mingdan ortiq suzuvchilar Istanbulning Osiyo qismidan Yevropa qismigacha suzib o'tishadi. Bu jarayonda barcha suv kemalari harakati to'xtatiladi.

O'tgan yil bu musobaqaga qo'shila olmagan edim, sababi ro'yxatdan o'tish boshlanishi bilan 1-2 soatda joylar to'lib bo'ladi.

Xulosa: Agar birinchi triatlon musobaqamdagi qiyinchiliklarni boshdan kechirmaganimda, bugungi kabi yirik musobaqalarga qatnashishga jur'at eta olmasdim.

P.S. Bu kanalda dizayn mavzusidan tashqari shaxsiy qiziqish va tajribalarimni ham bo'lishib boraman, shuning uchun dizayn mavzusidan tashqari postlar ham bo'ladi.

@nodizayn

416 0 4 36

Nodizayn

10 Apr, 06:57

Dizaynerlar uchun sun'iy intellekt yordamida ishlaydigan servis — Creatie bilan tanishing.

Servisda promtlar yordamida veb-saytlar, mobil ilovalar va UI elementlari va prototiplarni yaratish mumkin. Bundan tashqari g'oyalar generatsiyasida yordam beradi va hatto konseptni foydalanish qulayligi jihatidan tekshiradi.

List view, card view, playlistlar va boshqa shu kabi tayyor elementlar bilan tezda dizayn yechim tayyorlash mumkin.

@nodizayn #ai

484 0 14 18

Nodizayn

9 Apr, 19:09

ChatGPT endi tizimga kirish (log in) talab qilmasdan ishlatish imkoniyatini taqdim etdi. Bu juda yaxshi foydalanuvchi tajribasining (UX) bir ko'rsatkichidir.

Men uchun eng yaxshi mahsulotlar bu - foydalanuvchidan ma'lumot talab qilmay, ular mahsulotni sinab ko'rish orqali nima olishlarini ko'rishlari va shundan keyin qaror qabul qilishlarini osonlashtiruvchi mahsulotlardir.

@nodizayn #ai

570 0 5 38

Nodizayn

8 Apr, 20:47

Jony Ive yangi AI qurilma dizaynini yaratadimi?

OpenAI bosh direktori Sam Altman va sobiq Apple dizayn rahbari Jony Ive rasman AI qurilma dizaynini yaratish uchun birlashdi, deb xabar beradi The Information.

Qurilma haqida ko'p ma'lumot yo'q, ammo u smartfon kabi ko'rinishda bo'lmaydi. Sam Altman Humane AI kompaniyasi asosiy investorlaridan, shuning uchun u Jony Ive bilan birga shunga o'xshash mahsulot yaratishi mumkin.

Ive va Altman o'rtasidagi hamkorlik haqida birinchi xabarlar o'tgan kuzda paydo bo'lgan, ammo suhbatlar dastlabki bosqichda edi va hech narsa rasmiy emas edi. Endi Ive va Altman nomi keltirilmagan startap katta venchur kapitalistlaridan mablag‘ to'plashmoqda, Ive esa mablag‘ni $1 milliardgacha ko'tarishni maqsad qilgan.

@nodizayn #ai

1.1k 2 1 11

Nodizayn

26 Mar, 06:45

Generativ sun'iy intellekt nafaqat IT sohasidagi ishlarimizni, balki hayotimizdagi ko'plab jarayonlarni soddalashtirishi mumkin.

Keyingi yugurish marafoni uchun, sun'iy intellekt yordamida reja tuzdim. Avval bu ishni TrainingPeaks orqali pullik reja sotib olgan holda yoki YouTube'dan vaqt sarflab reja izlash orqali bajarar edim. ChatGPT esa, faqat yugurish rejasini taklif qilish bilan cheklanib qolmay, yaxshi dam olish va to'g'ri ovqatlanish kabi muhim maslahatlar ham beradi.

@nodizayn #ai

1k 0 3 19

Nodizayn

25 Mar, 18:23

00:16

Video oldindan ko‘rish uchun mavjud emas

Telegram'da ko‘rish

Salom berib qo'yib, keyin uzuuun matn yozadiganlar haqida 🙃

1.3k 1 13 40

Nodizayn

23 Mar, 11:42

Sessiyadan olgan ba'zi xulosalar:

- Generative AI kelgusi yil davomida mahsulot va servislarga katta ta'sir ko'rsatishi kutilmoqda. Figma va Designing with AI o'tkazgan tadqiqotga ko'ra, qatnashchilarning, 37% qismi, generative AI ularning ishiga katta ta'sir ko'rsatishini aytishgan. Lekin bugungi kunda, AI yordamida mahsulot ishlab chiqarayotgan odamlarning faqat 1/3 qismi o'z ishlaridan faxrlanishadi.

- AI mahsulot ishlab chiqarish jarayoniga qo'shilganidan keyin, individual ishlash collaborative ishlashga nisbatan tez o'sayotgani kuzatilgan. ChatGPT kabi dasturlar ko'plab individual tajribalar o'tkazish imkonini beradi. Lekin AI hali collaborative muhitga katta ta'sir qila olmagan.

- AI maydonga kirib kelgach, har xil industriyalar har xil ta'sir ko'rgan, lekin eng katta ta'sirni texnologiya sohasi ko'rsa, sog'liqni saqlash (healthcare) sohasida yaqin yillar ichida katta o'zgarishlar sezilmasligi mumkin.

- Mahsulotlarga turli xil AI imkoniyatlarining qo'shilishi “feature fatigue” kelib chiqish xavfini oshiradi. Mahsulotlar haqiqiy foydalanuvchi muammosini hal qilishi kerak. Faqatgina AI trendga chiqayotgani uchun, AI funksiya qo'shish bilan cheklanmasliklari kerak.

Feature fatigue — foydalanuvchilar mahsulot yoki dasturda juda ko'p funksiyalar mavjud bo'lganida his qiladigan charchoq. Bu holatda, ortiqcha funksiyalar foydalanishni murakkablashtirib, asosiy vazifalarni bajarishni qiyinlashtirishga sabab bo'ladi.

- Generative AI rivojlanishidan qat'iy nazar, strategik fikrlash va soft skill'larning kuchli bo‘lishi muhim bo'lib qolaveradi.

@nodizayn #ai

4.1k 1 14 20

Nodizayn

20 Mar, 19:08

Ayni damda Mia Blume - Designing with AI asoschisi, Zan Gilani - Principal Product Manager, Duolingo va Figma jamoasi “The Coming Wave of AI” nomli onlyan sessiya o'tkazmoqda. Sessiya dizaynerlar uchun foydali bo'ladi deb o'ylayman.

Sessiyaga kirish uchun havola:
👉 The Coming Wave of AI

955 0 6 6

Nodizayn

17 Mar, 23:10

Kichik qadamlar, katta o'zgarishlar

Hayotimizda ba'zan, ulkan rejalarni tuzishdan ko'ra, ayni damda biror narsaga qo'l urishimiz katta o'zgarishlarga yo'l ochishi mumkin. Besh yil muqaddam yugurish sarguzashtini boshlaganimda, to'liq marafon masofasi 42.2 km ekani haqida tushuncham yo'q edi, hatto bunday masofani bosib o'tishni tasavvur ham qila olmasdim.

Yugurishning ilk kunlarida, tempning (pace) qanday ishlashini, triatlon sportining o'zi nimaligini ham bilmagan edim. O'sha paytlarda kelajakda bu sport turlari hayotimning ajralmas qismiga aylanishi haqida o'ylab ham ko'rmaganman.

Biroq, besh yil davomida 42.2 km masofani 8 marta bosib o'tdim bundan tashqari Ironman 70.3 masofasini ikki marta bosib o'tdim (qisqa triatlon va duatlon masofalarini hisoblamadim). Har bir musobaqa menga katta zavq bag'ishladi.

Yugurishni boshlash uchun qimmatbaho jihozlar (aqlli soat va qimmat oyoq kiyimi) sotib olmaganman. Eng muhimi, boshlashga bo'lgan xohish va harakat edi.

Xulosa:

Hayotimizdagi o'zgarishlar ko'pincha kichik qadamlar bilan boshlanadi. Hayotda yangi narsalarni sinab ko'rishdan qo'rqmang. Har qanday yangi tajriba, sizga yangi ko'nikmalar o'rgatishi va sizni yangi marralarga olib chiqishi mumkin.

@nodizayn #noDizayn

1.2k 1 7 43

Nodizayn

16 Mar, 20:59

Tayyor veb mahsulotlar dizaynidan foydalanib tez g'oyalar generatsiyasi uchun HTML to Design plugini'dan foydalanaman. Foydalanishga juda qulay.

Ishlatish bo'yicha to'liq yo'riqnoma:
🌐 Convert any website into Figma design

@nodizayn

1k 0 17 12

Nodizayn

16 Mar, 16:40

Dizayn o'rgatilmaydi yoki dizaynni o'rgatib bo'lmaydi

Elena Sahrova dizayn sohasida 16 yillik tajribasiga qaramay, hali ham dizaynni o'rganayotganini va dizayn qoidalarini amalda qo'llash qiyinligini aytadi.

Lena o'qitish orqali talabalarni faqat o'zlarini rivojlantirishga ilhomlantira olishini tushungan. Dizayn subyektiv bo'lib, har xil insonlar boshqacha qabul qiladi.

P.S.: O'qib qo'yish olgan bilimlarni amalda qo'llashdan oson va bilimlarni amalda qo'llash mashaqqat talab qiladi.

Shuning uchun men dizayn kurs davomida har doim talabalarga amaliy vazifalarni bajarishni ta'kidlab kelaman va vazifalarni bajarganlar har doim yaxshi natijalarga erishishgan.

@nodizayn

1.3k 1 10 22

Nodizayn

16 Mar, 16:17

Userflow kompaniyasi atigi 3 xodimi bilan yiliga 4.6 million $ daromad topadi.

Faqatgina uch xodim bilan bunday daromad olishning siri, asosiy mehnatni mahsulotning o'zi amalga oshiradi: foydalanuvchilarni qanday qilib mahsulotdan foydalanish kerakligini o'rgatadi, ularga qiymat yaratadi va kerakli yordamni beradi. Natijada, kompaniyada sotuv bo'limi (sales department) deyarli keraksiz bo'lib qoladi.

Agar mahsulotning foydalanuvchi tajribasi (UX) shunchalik o'z-o'zini sotadigan darajada intuitiv va sodda bo'lsa, unda sizga sotuv jamoasiga ehtiyoj qolmaydi. Mahsulotning o'ziga kelib qo'shilgan foydalanuvchilar, hech qanday qo'shimcha ko'maksiz, mahsulotni tezda va osonlik bilan qanday qilib samarali ishlatish mumkinligini o'zlarining tajribasi orqali bilib olishadi.

Bu jarayonda self-serve onboarding o'rni katta.

Self-serve onboarding o'zi nima?
Yangi foydalanuvchilar servis ularga qanday qiymat keltirishi va servisdan foydalanishni o'zlari mustaqil ravishda, (mijozlarni qo'llab-quvvatlash yoki sotuv jamoalari yordamisiz) o'rganib, undan foydalanishni boshlay olishlari imkonini beradi.

Bu usul foydalanuvchilarga qulaylik yaratib, ularga istalgan vaqtda, o'z temposida mahsulotni chuqurroq tushunish va tezroq ishlatishni boshlash imkonini beradi.

@nodizayn

806 0 6 16

Nodizayn

13 Mar, 21:36

So'nggi paytlarda, uzoq davom etuvchi meeting'larda zerikish va charchash hissini boshdan kechira boshladim. Shu sababli, o'zimni diqqat bilan kuzatishga kirishdim va taxminan bir soatlik meeting'larda, 50 daqiqadan keyin e'tiborim tarqalib ketayotganini payqadim. Bu holat bir necha bor takrorlangach, mavzuga oid statistikalarni o'rganishga qiziqdim va quyidagi ma'lumotlarni topdim:

- Tadqiqotlar ko'rsatishicha, odatdagi meeting'larda diqqat 52 daqiqadan so'ng tushib ketadi. 35 yoshgacha bo'lgan yoshroq odamlar hatto 45 daqiqadan keyin diqqatni yo'qotishni boshlashlari mumkin. 50 yoshdan oshgan odamlar esa, biroz ko'proq, 58 daqiqagacha e'tiborni yo'qotmasliklari mumkin.

- Zoom fatigue — Zoom charchog'i ham haqiqiy holat. Kun bo'yi video qo'ng'iroqlarda qatnashish bizni ancha charchatishi mumkin, chunki biz yuzma-yuz suhbatlarda qilganimizdan ko'proq diqqat qilishimiz kerak. Buni yengillashtirishning bir yo'li qisqa tanaffuslar qilish.

@nodizayn

903 0 4 22

Nodizayn

12 Mar, 22:37

01:49

Video oldindan ko‘rish uchun mavjud emas

Telegram'da ko‘rish

Cognition Labs nomli startup dunyodagi birinchi sun'iy intellekt dasturchisini taqdim etdi:

- Uning ismi Devin va u yolg'iz o'zi to'liq ilovalarni yozishi mumkin.
- Demo davomida, Devin Upwork'da joylashtirilgan haqiqiy ish takliflarini bajargan.
- Shuningdek, u GitHub'da haqiqiy ochiq manbaalardagi muammolarning deyarli 14%ini to'g'ri hal qilgan.

Ko'p milliard dollarlik Ramp startupining hamasoschisi Eric Glyman buni "O'tgan o'n yillikdagi eng ta'sirli demo", deb atagan.

Sun'iy intellekt dizayneri qachon chiqadi degan savol qiziqtirdimi?

2020-yilda Artemiy Lebedev studiyasi Nikolay Ironov - sun'iy intellekt grafik dizaynerini taqdim qilgandi va bu dizayner yordamida ular o'sha vaqtning o'zida yigirmadan ortiq loyihani ustida ishlashgan.

AI Product/UI/UX Designerlar yoki Product Managerlarning yaqin kelajakda paydo bo'lishi hech kimni ajablantirmasligi kerak.

Devin haqida to'liq ma'lumot:
Introducing Devin, the first AI software engineer

@nodizayn #ai

1.2k 0 21 17

Nodizayn

26 Feb, 21:11

Amazon kompaniyasida 11 yil dasturchi bo'lib ishlagan Carlos Arguelles shu davr mobaynida kompaniyaning dasturchilar soni 3,000 dan 60,000 gacha, aksiyalar esa $40 dan $3000 gacha o‘sdi, deya qayd etadi. Bu o‘sishda Amazonning mahsulot ishlab chiqish jarayoniga (product development process) noyob yondashuvi muhim rol o‘ynaganini ta'kidlaydi.

An'anaviy mahsulot ishlab chiqish jarayoni ketma-ketligi:
G'oya → Dizayn → Dasturlash → Foydalanuvchilarga e'lon tayyorlash (write customer announcement) → Taqdim etish.

Bu jarayon Amazonda quydigaicha ro'y beradi:
G'oya → E'lon tayyorlash → Dizayn → Dasturlash → Taqdim etish

Bu yondashuvning afzalliklari quyidagilardan iborat:

- Foydalanuvchi ehtiyojlarini chuqur tushunish: E'lonni dastlabki bosqichda ishlab chiqish, mahsulot ishlanmasi jarayonining boshida foydalanuvchi ehtiyojlarini chuqurroq tushunish imkonini beradi.

- Ijodiy yechimlarga turtki: Dastlabki e'lon asosida dizayn va dasturlash, texnik to'siqlarni ijodiy yechishni talab qiladi.

- Tezroq bozorga chiqish: Foydalanuvchining ehtiyojlariga yo'naltirilgan jarayon, mahsulotni tezroq bozorga chiqarish imkonini yaratadi.

- Jarayonni soddalashtirish: Foydalanuvchi tajribasi haqida dastlabki bosqichda o'ylash, mahsulot ishlanmasi siklini qisqartiradi.

- Foydalanuvchilarga qiymat berish: Foydalanuvchilarning ehtiyojlari va istaklari dastlabki qadamlarda e'tiborga olinadi, bu esa ularga qiymat beradigan mahsulotlar yaratilishini ta'minlaydi.

Bu strategiya mahsulot dizaynerlari uchun ham foydali, ularning ishi faqat estetika va foydalanuvchi interfeysini yaxshilash bilan cheklanmay, balki foydalanuvchilarning asl ehtiyojlarini qondirishga yo'naltiriladi.

@nodizayn

2.7k 1 20 26

19 ta oxirgi post ko‘rsatilgan.

1 115

obunachilar

Kanal statistikasi

Kanalda mashhur

Sessiyadan olgan ba'zi xulosalar: - Generative AI kelgusi yil davomida mahsulot va servislarga k...

Kechadan beri LinkedIn va Twitter'ni Intercom ning redizayn qilingan vebsayti “portlatmoqda”. E'...

Salom berib qo'yib, keyin uzuuun matn yozadiganlar haqida 🙃

Jony Ive yangi AI qurilma dizaynini yaratadimi? OpenAI bosh direktori Sam Altman va sobiq Apple ...

Generativ sun'iy intellekt nafaqat IT sohasidagi ishlarimizni, balki hayotimizdagi ko'plab jarayo...