Nigora Hasanova blogi

Andijonliklarga mazzami)

Tuman hokimi 20-45 yoshgacha bo'lgan onalar o'rtasida “Ma'rifatli ona” kitobxonlik tanlovini o'tkazar emish.

3 nafar 1- o'rin egalariga 6 oylik elektr, gaz, ichimlik suvi va boshqa turdagi kommunal to'lovlarga vaucher berilar ekan.

3 ta 2-o'ringa 4 oylik kommunal to'lovlarga vaucher
3 ta 3-o'ringa 2 oylik kommunal to'lovlarga vaucher beriladi.

Shuni yillik qilib qo’yishganda erlari ham o’qir edi) Andijonlik bo'lganimizda yillik to'lovlardan ozod bo'vorardik kitobxonlar)

Rus klassigining hayotidan ba'zi qiziqarli faktlar:
Jajji Antonni "bomba" deb atashgan, chunki uning boshi juda katta bo’lgan. Biroq, Chexov bundan xafa bo'lmagan. Qarindoshlarining aytishicha, Antosha bolalar orasida eng kamtari bo‘lgan.

Chexov oʻzining dastlabki asarlariga “Antosha Chexonte” nomi bilan imzo chekkan. Ammo yozuvchining ellikdan ortiq turli taxalluslari borligini kamdan-kam odam biladi.

Taxminan besh yil davomida Chexov zarurat tufayli pul evaziga boshqa yozuvchilarga kitob yozib tirikchilik qilgan.

Chexov o‘qish yillarida turli yo‘llar bilan qo‘shimcha pul topishiga to‘g‘ri kelgan: repetitorlik qilgan, jurnallar bilan hamkorlik qilgan, qisqa yumoristik asarlar yozgan.

Chexov 1884 yilda Moskvadagi tibbiyot fakultetini tugatgandan so'ng, shifokorlik bilan shug'ullana boshladi.

Chexovning bo’yi past bo‘lgan degan afsona bor. Bu haqiqat emas - yozuvchining bo'yi 182 santimetr edi.

Ivan Bunin Chexovning yaqin do‘sti edi.

Chexov o‘zining barcha zamondosh yozuvchilari ichida eng ko‘p Lev Tolstoyni hurmat qilgan, u haqida doimo ehtirom bilan gapirgan.

U o‘z asarlarini boshqa tillarga tarjima qilishni yoqtirmasdi.

Nyu-Yorkda Chexov nomi bilan atalgan adabiyot nashriyoti bor .

Chexov asarlari taxminan ikki yuz marta suratga olingan.

Yozuvchi havaskor filatelist bo'lgan - u markalarni yig'ishni yaxshi ko’rgan.

U butun umri davomida xayriya ishlari bilan shug‘ullangan. Qishloq maktablari va kambag'al dehqonlar uchun sanatoriylar qurishda mablag' to'plashga yordam bergan. Maosh olmasa ham shifokor bo'lib ishlagan.

Chexovga shaxsiy hayotida omad kulib boqmadi deydiganlar yanglishadi. Yozuvchi kech oila qurgan bo’lsa-da , turmush o’rtog’I Olga Knipper uni sevar va ardoqlar edi.

1904 yil, 15 iyul. Umrining so’ngi kuni. Tong. Chexov aqldan ozgan holda uyg'ondi. Yaqinlari shifokor chaqirdilar. Doktor yozuvchini ko‘zdan kechirib, shampan so‘radi. Gap shundaki, agar shifokor hamkasbini tekshirgandan so'ng, umid yo'qligiga ishonch hosil qilsa, unga bir stakan shampan sovg'a qilishi kerak. Anton Pavlovich uni ichdi va "Men ko'pikli sharobni tatib ko'rganimga juda ko'p vaqt bo'ldi" degan so'zlar bilan yonboshiga o'girilib, chuqur uyquga ketdi va hech qachon uyg'onmadi.

Buyuk yozuvchi 165 yil yasholmasdi albatta, lekin asarlari hali ko’p va ho’p yashaydi. Bugun Chexov 165 yoshni qarshi oldi.

@nigorahasanovasblog

Kayfiyatim yaxshi. Latifa o'qiymiz

Qadimda bir ahmoq podshoh bo'lgan ekan. Lekin vaziri aqlli ekan. Bir kuni shohning qabuliga qo'shni davlatning elchisi keladigan bo'lib qolibdi. Vazir shoh bilan kelishib olibdi: agar noo'rin gap aytib qo'yadgan bo'lsangiz men oyog'ingizni bosib qo'yaman va aytgan gapingizga izoh beraman debdi.

Elchi shoh qabuliga kirgach shoh valdirashni boshlabdi : sizning davlatingizda mushkular semizmi yoki oriqmi ? Elchi xayron bo'lib ko'zlarini katta-katta ochib shohga qarab tursa, vazir shohning oyog'ini bildirmay bosib qo'yibdi, shoh gapirishdan to'xtabdi. Shunda vazir shohning gaplariga izoh beribdi:

shohimizning gaplarida mantiq bor, agar xalqingiz to'q bo'lsa, demak mushuklar ham to'q va semiz bo'ladi demoqchilar. Elchi shohning donoligiga tasanno aytibdi. Shoh esa -shunday aqlli gap aytgan ekanman-ku, nega oyog'imni bosasan yaramas?! –degan ekan))

@nigorahasanovasblog

35-40 yoshgacha milliylik , qadriyatlar yaqqol aks etgan asarlarni o'qimagan odam jamiyatdan baribir ajralib qoladi, o'rnini topolmaydi.
Endi, bu kitoblarni o'qish nima uchun kerak desangiz, shuning uchun kerakki, u siyosiylashadi, madaniylashadi, ma'lum bir stereotiplar paydo bo'ladi, muhim va kuchli prinsiplarga ega bo'ladi. Ana endi u shaxs sifatida shakllangisi kelib qoladi. Bunday odam o'zini jamiyatning tashqarisida emas ichkarisida ko'rgisi keladi.

@nigorahasanovasblog

Exspertlar muammo va yechimlarni aytib tashlashdi , ammo parlamentda qarashlar o’zgarmas ekan muammolar qalashib ketaveradi. Chunki, “richag” ularda(

Hamid Sodiq

Siyosatga aralashib ketyapman do’stlar. Kitobni toza havoda o’qiylik deymanda

@nigorahasanovasblog

Shunday savol bo’ldi:

- Havo ifloslanib ketgan ekan, allergik kasalliklar ortib ketgan ekan, xo’sh, aholi nima qilishi kerak ? Nega standartlar yo’q?

Konkret javob yo’q(

Rivoyatlarda aytilishcha, Hazrat Sulaymonning : “Bu dunyodagi hamma narsa o'tkinchi”,- degan so'zlar o'yib yozilgan uzugi bo'lgan , eshitgansiz.

Sulaymon hayotining qayg'uli onlarida uzukdagi ana shu hikmatli bitikni o'qib, taskin topgan.

Bir kuni uning boshiga shunday baxtsizlik tushibdiki, uzukdagi so'zlar uning dardiga malham bo'lolmabdi. Sulaymon g'azab bilan uzukni yechib, otib yuboribdi va dumalab borayotgan uzukning ichki tomonida ham allaqanday bitik borligiga ko'zi tushibdi
.
O'rnidan turib, uzukni qo'liga oladi-da, bitikni o'qiydi. Uzukning ichki tomonida : “Bu ham o'tib ketadi”,- degan yozuvlar bor edi.

Sulaymon achchiq kulimsirab, uzukni barmog'iga taqadi va umrining oxirigacha uni yechmaydi.

Shuni bilish uchun endi uzuk taqishimiz shart emas-ku to’g’rimi?😁

@nigorahasanovasblog