Nigora Hasanova blogi

O'zi kanalingda odam ko'paytirolmay o'tirgan bir vaqtda maqasan Real Barsa Citydan gapirib deydigan odam yo'q. O'sha kundan beri 50 ga yaqin odam chiqib ketdi kanalimdan(
- Yana gapir!🤦‍♀️

Anchelotti Gvardiola haqida nima dedi deng))
«Qarshimda Gvaridolani ko‘raverishdan charchadim. Uni hamon fantastik murabbiy deb hisoblayman, biroq unga qarshi o‘ynash jonimga tegdi. Uni kuzatish esa doim yoqimli». Nima demakchi bu? «Mag’lubiyatni kuzatish yoqimli» demakchimi? Gvardiola shogirdlari 2:3 ga yengilgani esingizda-ku, to’g’rimi.😌
Aytmoqchi, Abduqodir Husanov bugun tunda maydonga «shaharliklar» tarkibida tushirilishi mumkin, aniq emas, mumkin ekan.

Kechki dasturlarimizni xoji onaning xabarlari bilan boshlaymiz.
Xoji onamizning xabar berishlaricha, bugun tunda bo'ladigan City va Real yo'g'e, Real va City o'yinida kim g'olib bo'lishi xoji onamizning duoibadlariga uzviy, chambarchas, mahkam bog'liq ekan. Ishanmaganlar, shubha qilganlar o'tgan safardagi o'yin natijasiga boqsin.
Husanovning o'tkan sapar tarkipga kiritilmagani bekar emas. Xoji onamiz bugun ko'k choy ustida , yaxshi kaypiyatda duoi-fotiha bersalar Husanov bu safar o'yinga tushadi. Omale bu yutadi deganimas. Real baribir real xommi) O'shandan beri qancha odam kanalimdan chiqib ketgan bo'lsayam men sadoqatliman. Ismim Sadoqat. Agar shu postimni deb kanalimdan chiqib ketadigan bo'lsangiz, kitob yuragingizdan urib hech nima tatimasin. Yaxshi kitob o'qimaguningizcha yegan ichganingiz ham ichingizga tushmasin. Xoji onaning duosi ijobat. Qani omiyn, Allohu akbar.

@nigorahasanovasblog

Ҳурсан дерлар – хўрлашар сени,
Гулсан дерлар, зўрлашар сени,
Кўнмоққа мажбурлашар сени,
Аёл бўлиб туғилма Шарқда.

Шамол фурсат саросар бўлар,
Қисмат ғарми – отинг ғар бўлар,
Гувоҳларинг кўру кар бўлар,
Аёл бўлиб туғилма Шарқда.

Тоғда алқор, чўлда янтоқ бўл,
Кутиб ўтсин умринг, муштоқ бўл,
Гала бўлма, якка бўл, тоқ бўл,
Аёл бўлиб туғилма Шарқда.

Тож Маҳал ҳам бир шоҳ риёси,
Дунёда йўқ гарчи қиёси,
То кибрнинг йўқдир давоси,
Аёл бўлиб туғилма Шарқда.

Сўз айтмоққа куч топ Дунёга,
Тош алишма меҳригиёга,
Алданма кўп оҳангжамога,
Аёл бўлиб туғилма Шарқда.

Чиқ ёдлардан - рўё бўл, туш бўл,
Кўкларга уч, гирён оққуш бўл,
Кабутар бўл, бор-ей, бойқуш бўл,
Аёл бўлиб туғилма Шарқда.

Сувга тушсанг, сувга лойиқ бўл,
Сол, елкан ё сарбаст қайиқ бўл,
Сув қизи бўл, илонбалиқ бўл,
Аёл бўлиб туғилма Шарқда.

Ғурурингни пайҳон этгайлар,
Ўзлигингни яксон этгайлар
Бир кун мендек пушмон этгайлар
Аёл бўлиб туғилма Шарқда.

Гулноз Мўъминова

Turib-turib jahlim chiqadi-da(

Qarangda, erkin jamiyat bu- shaxsiyatlar jamlanmasi degani, to’g’rimi? To’g’ri.
Bo'lmasa u erkin bo'lolmaydimi? Bo’lolmaydi. Endi, adabiyotning erkin emasligini hisobga olsak, shaxsiyatlar yo'q deysizmi? Bor albatta. Lekin ular ham tutqun.

Nega, masalan siyosatshunoslar, elitar qatlam adabiyotning ichidagi muammolarni ochib tashlamaydi, gapirmaydi, bu masalalarni kun tartibiga olib chiqmaydi? Yaqin orada qaysi siyosatshunos adabiyotning siyosat bilan , siyosatni esa adabiyot bilan bog’lab uni to’ldirish haqida gapirdi, muammolarga to’xtaldi, yechimlar taklif qildi? Yoki hali adabiyotga yetib kelmadikmi? O'zi hammasining boshida adabiyot turishi kerak emasmi?

@nigorahasanovasblog

Nimadir nimagadir sabab bo'ladi.
Ilm bo'lib qolsin dedim)

Masalan, bir kitob chiqib, kimdir uni maqtab qo'ysa, o'ljasini kutib turgan shakaldek bir “noshir” chiqadi-da, birovning oshini og'zidan olib, o'z og'ziga solib, uyalmay yutinaveradi((

Bu yerda hech kimning aybi yo'q, qonunlar ishlamaydi xolos(

@nigorahasanovasblog

Ahamiyat berganmisiz, biznes doim xavfsiz hududga qochadi. O'sha yerda gullaydi. Adabiyotimizdagi biznesning g'irromliklarini hisobga olsak, mo'jizani kutib yashayveramiz. Na qonunlarimiz ishlaydi, na mavjud qonun doirasida ish ko'riladi.

@nigorahasanovasblog

Adabiyotda siyosat, siyosatda esa adabiyot yashaydi. Bir-biriga umuman aloqasi yo'qdek bu ikki maydon, bir-birining ko'magiga muhtojdir. Ikkinchi haqiqatning foydasi qanchalik ko'p bo'lsa, birinchisining ziyoni shunchalik ko'p(

@nigorahasanovasblog

“Kitob sovg’a qilish kuni” ekan deb duch kelgan odamga kitob sovg’a qilavermang. Uvol bo’ladi. 14-fevral bahona o’qimasa ham sevganingizga kitob olib berib ovora bo’lmang.
Uvol bo’lgani qoladi.
Kitobni , kitobxonga, mutolaani yaxshi ko’radigan, adabiyot haqida ko’rsatuv qiladigan odamga sovg’a qiling. Ismi Nigora bo’lsa yana yaxshi 🦋🙂‍↔️
@nigorahasanovasblog

“Boburnoma”da Husayn Boyqaro va uning xonadoni bilan bog‘liq voqealarning tasvirlanishi

1. G‘aroyib voqealardan biri shuki, Sulton Husayn mirzo Badiuzzamon mirzoni chorshanba kuni yengadi, Astrobodda Muzaffar mirzo Muhammad Mo‘min mirzoni yengadi. Bundan ham ajabrog‘i shundaki, Chahorshanba kuni Chahorshanba ismli kishi Muhammad Mo‘min mirzoni qo‘lga tushirib keltiradi.

2. Husayn Boyqaroning xotinlaridan biri Shahribonu begim edi. Sulton Abusaid mirzoning qizi edi. Husayn Boyqaro taxtni egallaganidan so‘ng olgan. Chekmon urushida mirzoning barcha ayollari taxti ravondan chiqib otga minganlarida Shahribonu begim ukasiga ishonib taxtiravondan chiqmagan va otga minmagan. Buni Husayn Boyqaroga yetkazadilar. Shu sababdan Shahriboni begimga javobini berib, singlisi Poyanda Sultonbegimni oladi. Shayboniylar Xurosonni olganidan so‘ng Poyanda Sultonbegim Iroqqa ketadi. Iroqda g‘ariblikda vafot etdi.

3. Husayn Boyqaroning xulqi biroz tezroq, so‘zi ham xulqidek o‘tkir edi. Ba’zi yumushlarda shariatga ko‘p rioya qilardi. Bir safar bir o‘g‘li bir kishini o‘ldirgani uchun xuntalablarga topshirib, qozixonaga yuboradi.

4. Husayn Boyqaro olamdan o‘tgandan so‘ng Muhammad Burunduq barlos va Zunnun arg‘unlar Badiuzzamon mirzo bilan Muzaffar Husayn mirzoni Hirot taxtiga sheriklik podshoh sifatida taxtga o‘tqazadilar.

5. Badiuzzamon mirzo eshigida oliyixtiyor bek Zunnunbek, Muzaffar Husayn mirzo eshigida oliyixtiyor bek Muhammad Burunduq tayinlanadi. Badiuzzamon mirzo tomonidan shahar qal’abegi Shayx Ali tag‘oyi, Muzaffar mirzo tarafidan Yusuf Ali ko‘kaldosh tayinlanadi. Bu qiziq bir voqea edi. Bobur mirzo saltanatni sheriklik asosida boshqarish tarixda eshitilmaganligini aytib o‘tadi.

So'nggi to'rt yilda byudjetdan sportga ajratilayotgan mablag' 1,5 trillion so'mdan 3 trillion so'mga oshdi, murabbiylarning o'rtacha maoshi 2 barobar ko'paydi, 101 ta yirik sport ob'ektlari yangidan qurildi, 67 tasi rekonstruksiya qilindi...
Maqtanib aytilayotgan bunday raqamlar keti uzilmayapti. Qani endi adabiyotga ham shu pulni choragi yo'naltirilsa, sohaga taalluqli har bir tashkilot, adabiyot kishisi manfaat ham olsa, adabiyotni ham gullatsa. Ajratilmayapti emas, ajratilyapti, shoshilib qolishyapti-da))

@nigorahasanovasblog