OTASI BOR BOʻLSA

Sinovlarga toʻlamaydi boj,
Quvonchidan keng ochar quloch.
Sezmas sira doʻstga extiyoj,
Otasi bor boʻlsa yigitning.

Ranjitolmas biror bir kishi,
Birovlarga tushmaydi ishi.
Sinib ketmas tashvishdan tishi,
Otasi bor boʻlsa yigitning.

Yelkasida gʻami boʻlmaydi,
Koʻzlarida nami boʻlmaydi.
Hayotida kami boʻlmaydi,
Otasi bor boʻlsa yigitning.

Katta katta totar oshini,
Toʻkolmaydi hasrat yoshini.
Magʻrur tutib yurar boshini,
Otasi bor boʻlsa yigitning.

Davralarni toʻri uniki,
Bossa yirtqich boʻri uniki.
Surar, davr zoʻri uniki,
Otasi bor boʻlsa yigitning.

Shodlanadi yonida turib,
Dadam bor koʻksiga urib.
Ajal kelsa ketar yuz burib,
Otasi bor boʻlsa yigitning.

✍ Odilbek Qodirov

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟