Shundan keyin ba'zi bir bolalar menga biroz g'alati munosabatda bo'lishdi.
8-sinfdan boshqa maktabga o'tib ketdim. Bu maktabda ikki yil o'qidim lekin u yerda meni hurmat qilishardi sinfdoshlarim, hali hamon shunday. Bu ikki yil hayotimdagi eng yaxshi yillarimdir. Hurmat qilindim, haqiqiy qiz bolaga qilinadigan muomala qilishardi. Eng quvnoq o'tgan maktabda yillarim.
So'ng Akademik Litsey va universitet.
Katta bo'lib shuni anglab yetdimki siz to'g'ri insonlar orasida bo'lganingizda hurmat va ehtiromni talab qilmaysiz. Siz qandayligingizdan qat'i nazar ular o'zlaridagi bor narsani ko'rsatisharkan.
Otam menga bo'lgan muhabbati va shafqati yuzasidan shunday muomalada.
Atrofimdagi boshqalar ham o'z olgan tarbiyatlari va ayolga ehtirom tushunchalari tufayli shunday.
Ko'p qalbimizga so'zlari bilan ozor yetkazadiganlar boshqalarga bunday emasliklarini ham ko'rganmiz , bilamiz deydiganlar bo'lishi tabiiiy. Ularning qalbida sizga nisbatan insoniylik jihatdan sevgi yo'q, bu sevgi ikki sevishgan ma'nosidagi sevgi emas.
Siz to'g'ri joyda emasmisiz u yerni tark eting, o'sha insonlarni tark eting. Shunda kurashishga va anglatishga majbur bo'lmaysiz.