💖
Biz yo‘qotib qo‘ygan narsani topib olgan millat — Yaponiyada ilmga munosabat haqidaSo‘nggi vaqtlarda “yoshlarda motivatsiya yo‘q” deyishadi, menga “motivatsiya bering”, deb yozib ham qolishadi. Motivatsiyaxo‘r bo‘lib qolyapmiz. Yoshlarimiz o‘ziga kelishi uchun global perspektiva, global dunyoqarashni shakllantirishimiz kerak. O‘zbekiston ichiga qarab bunaqa qarashni shakllantirish qiyin, atrofga qarash kerak. Nima qilishimiz kerak, nimalarga tayyor turishimiz kerak degan savollar qo‘yilishi lozim. “O‘zim bo‘lay”, deb tuyaqushdek boshni qum ichiga suqib olish ketmaydi.
Suverenitetimiz – hadya qilingan narsa emas, uni saqlashimiz kerak. Bu uchun intellektual, yaratuvchan, harakatchan, oldinga qaragan, muloqotga ochiq, dunyoni ilmiy ma’noda yaxshi anglagan va to‘g‘ri xulosalar chiqaruvchi, to‘g‘ri chora-tadbirlarni o‘rtaga tashlovchi butun boshli millatga aylanishimiz kerak. Bo‘lmasa, og‘ir ahvollar boshimizga solinishi mumkin.
Eng katta rolni olimlar, ustoz professorlar o‘ynashi kerak. Faqatgina mediaga, cheklangan odamlargagina tashlab, ana, ular qilyapti, deyish — kattagina mas’uliyatsizlik.
Ikki asr davomida dunyodan izolyatsiyada yashagan Yaponiya qanday qilib buncha tezda oyoqqa turdi? Kunuz kunchiqar yurtga ijodiy safari davomida bu mamlakatning rivojlanish sirlarini o‘rganishga harakat qildi. Hammaga ma’lum bu “sir”lardan biri esa – ilmga munosabat. Bu haqda bizga Nagoya iqtisodiyot universiteti professori Alisher Umirdinov batafsil so‘zlab berdi.💖 Qulaylik uchun:
00:00 Kirish.
04:58 Ta’lim: bizda va Yaponiyada.
12:10 Har bir mudarrisning o‘z xonasi bo‘lishi kerak.
13:53 Kitob yozish va kitoblarni tarjima qilish ahamiyati.
17:04 Kitoblarni chop qilish uchun mablag‘ qayerdan kelyapti?
18:20 O‘zbekistonda eng xo‘rlanadigan mulk huquqi – intellektual mulk huquqi.
22:14 Ta’limni qanday o‘zgartiramiz?
24:33 Yaponlarning g‘ururiga tegishgan.
28:07 O‘zbekiston tenglar ichida teng bo‘lishi uchun 500 mlrdlik iqtisodiyotga ega bo‘lishi kerak.
30:47 Xalqaro vaziyat nihoyatda qaltis.
34:34 O‘zbekistonda haqiqiy ilmiy jamiyatlar yo‘q bo‘lib ketdi.
✈️
@zehniyat_uz
