Mutolaa ustida

– Sepkillarim yoqmaydimi senga?
– Nega, yoqadiii
– Unda nimaga sovchi yubormiyapsan?
– Yuboraman..
– Yubor^^

“Vatan”

BAXT HAQIDA BALLADA

Men baxtni ko‘rganman. Ko‘rganman. Aniq.
O‘rdada nogahon kelgan ro‘baro‘.
Qish kuni. Paltoga olgan o‘ranib,
Besas bir hayratda qotganman: – Voy-bo‘!..

Yo‘lkalar chetida baland chinorlar,
Qator tizilishgan. Beharakat. Jim.
Dong qotgan bekatlar, qorlar, shiorlar...
Ammo baxt ekanin bilmagan – hech kim.

Baxt juda chiroyli edi! Chiroyli!
Chiroyli! – sovuqda yuzin yashnashi.
Hatto qor poyida g‘irchillar edi,
Tanini ezsa ham o‘tkir poshnasi.

Yuzi tegrasida ro‘moli – tuman.
Bir uchi kiftiga tashlangan edi.
Lollikdan boshqa hol bo‘lgan edi man’ –
Uni ko‘rib bu ish boshlangan edi.

Men baxtni ko‘rganman. Ko‘rganman. Aniq.
Hatto ko‘zlarimiz uchrashgan bir zum.
O‘rtada bo‘lmagan salomu alik,
Faqat lablariga qo‘ngan tabassum.

Shu tarz o‘tib ketgan yonimdan. Tashxis:
Jonim chiqmaslikka u dam yaragan.
O‘grilib qarasam, ortimga ilkis,
Ishoning-ishonmang, baxt ham qaragan!

Shundan buyon menga bu dunyo bir pul!
Nomard g‘alvalari berolmas ozor.
Yuragim erta-kech she’r bilan mashg‘ul –
Baxtni uchratganman! Nima g‘amim bor!

Yonib kirib kelsam (yurishim – sarbast!) –
Fasod davralarga – g‘iybat tinadi,
Axir, menga hech kim kelolmaydi bas –
Baxtga duch kelganim barcha biladi.

Mardligim bilishar (do‘stu yov ogoh!):
Nechun “yur” deb baxtni qistamaganman,
Baxtni etmaganman ne uchun hamroh?..
Bebaxt bo‘lishini istamaganman.

Usmon Azim

Дийдор кўришайлик -
Тушларимга кир.
Қўнғироқ қилиб тур,
Телефонхат ёз.
Токи мен тирикман -
Яшагин, ахир!
Мен ўлиб кетсам ҳам,
Яша...
Илтимос...

Усмон АЗИМ

“Jizel” – muhabbat va sadoqat haqida abadiy balet 🦢

Balet san’atining eng nafis va yurakni larzaga soladigan durdonalaridan biri – “Jizel”. U muhabbat, taqdir va sadoqat haqida aytilgan eng go‘zal hikoyalardan biri bo‘lib, har bir harakati, har bir ohangi bilan inson qalbiga yetib boradi. Balet fonidagi musiqa esa jonli chalindi.

Bu balet – romantik ruh va nozik his-tuyg‘ularning mujassami. Sahnadagi harakatlar shunchalik yengilki, go‘yo raqqosalar havoda suzayotgandek. Ayniqsa, “Jizel”ning o‘zi – nozik, samimiy va yuragi beg‘ubor qahramon. U muhabbat uchun yashaydi, muhabbat uchun kechiradi…

Baletning har bir sahnasi, har bir detalida chuqur ma’no bor. Yorqin quyosh nuri ostidagi qishloq manzarasi hayotning beg‘uborligini aks ettirsa, o‘rmon va tuman ichidagi sahnalar sirli, sehrli olamga chorlaydi. Gullar – sevgi va hayotning go‘zalligini anglatadi, tuman esa tush va haqiqat orasidagi nozik chegarani eslatadi.

“Jizel” nega shunchalik mashhur?
Chunki u barcha zamonlar uchun dolzarb – unda samimiy sevgi bor, fojia bor, sadoqat bor… Eng muhimi, har bir tomoshabin unda o‘zini ko‘ra oladi.

Bu baletni sahnada tomosha qilganingizda, yuragingizda qandaydir iliq bir tuyg‘u paydo bo‘ladi. Bu – san’atning sehrli ta’siri. Agar hali ko‘rmagan bo‘lsangiz, bir kuni albatta “Jizel” bilan tanishib ko‘ring. Balki, bu hikoya sizga ham o‘zgacha ilhom bag‘ishlar…

Mutolaa ustida

Toʻgʻridan-toʻgʻri tarjima qanday koʻrinishda boʻladi?

“Ertak kabi mazali”

Mayli, rus tilida qandaydir qofiyaga tushgan ekan. Lekin oʻzbek tilida maʼno xunukkina, yemagan chiqyaptida

“Raxmat” 🚫 esa doim yumshoq “H” bilan yoziladi:
Rahmat ✔️

@mutolaa_ustida

Ernest Hemingway once wrote:

“The world is a fine place and worth fighting for.”

I agree with the second part.

#se7en

Shu kinoni tugatdim bugun tongda. Uzun bir post yozish kerak endi. Koʻrganlar boʻlsa kerak.

Mutolaa ustida 🎞 🎥🎬

🎄❄️🩰

Umrim tugayapti – yoʻqdir daraging,
Sensiz vujudimda qancha toqat bor?
...Tongda derazani ochding. Qarading –
Tashqarida qordir, tashqarida qor...

Usmon Azim

@mutolaa_ustida

Ёмғир ёғар, шиғалаб ёғар,
Томчилар томчилар сочимга.
Ёмғир ёғар, шиғалаб ёғар,
Ҳам қайғумга, ҳам қувончимга.

Ёмғир ёғар, шиғалаб ёғар,
Мен унга очаман бағримни.
Ёмғир ёғар, шиғалаб ёғар,
Аста унутаман ёмғирни.

Ёмғир ёғар, шиғалаб ёғар,
Охир мени асир этар ул.
Ёмғир ёғар, шиғалаб ёғар,
Ёға бошлар қоғозга кўнгил.

1965

Рауф Парфи

Xotirjamlik va Ilhom 📸📸

Estetik surat olish bu nafaqat ijodkorlik, balki ichki osoyishtalikni topish yo‘li hamdir. Har bir kadrda go‘zallikni izlash, mayda tafsilotlarga e’tibor qaratish sizni tinchlantiradi.

💔Oddiy narsalarda nafislikni kashf etasiz;
💔Yorug‘lik va soyalar bilan ijod qilasiz, yangi rakurs, yangicha kadr bilan ishlaysiz;
💔Natijaga emas, jarayonning o‘zidan zavqlanasiz, eng muhimi shu.

Bu orqali nafaqat go‘zallikni ko‘rasiz, balki uni yaratishni ham o‘rganarkansiz.

Mutolaa ustida

Чай с лимоном 🐹

Chatgptʼga quyidagi promptni berib koʻrgandim, yuqoridagi rasm va taʼrifni berdi

Можешь нарисовать, как, по твоему мнению, выглядит моя текущая жизнь, исходя из того, что ты обо мне знаешь?

Nima deb oʻylaysiz, qanchalik toʻgʻri? Siz ham oʻzingizni qanday koʻrinishingizni bilib olsangiz boʻlarkan, sinab koʻring. Ulashing fikr qismida.

Mutolaa ustida

Samarqand sayohati 🇺🇿

Sayohat uchun yugurish marafoni sabab boʻldi. Bu 3-safarim boʻlishiga qaramay, yanada yangicha qiziqish ishtiyoq bilan aylandim tarixiy maskanlarni. Bundan avval jamoaviy kelganim sabab, shosha-pisha aylanishga toʻgʻri kelgan. Bu safar esa har bir detal, naqsh, burchaklargacha eʼtibor berdim, bunaqa xotirjam aylanish bahorda Buxoroga bir oʻzim sayohat qilganimda boʻlgan edi.

Hech kim, boʻl tez, ketdikmi, boʻlinglar, shoshyapmiz demadi. Bir imoratda xohlagancha qolib termuldim. Ichidagi sotuvchilar bilan suhbatlashdim. Suratlarga ham tushdim. Meni ham olib qoʻyishdi rasmga. Kunduzi Registon maydonini aylandim. Oqshom Shaxnoza opa bilan Shohizindani aylandik. Oʻzi kechasi juda boshqacha tusga kirarkan, koʻrib koʻzim quvnadi.

Yangi tanishlar orttirdim. Ingliz tilidagi nutqimni quyi baholar edim, gapira olmayman dedim. Lekin inglizlar bilan suhbatlashib koʻrib bildimki, unaqa emas ekan). 20 daqiqa oshiq gaplashdik, 3 kishilik jamoa ekan. Oʻzbekistonda ingliz tilidan dars berarkan, biri Xorazm, biri Qarshi, biri Namanganda. Men esa Xorazmda ishlaydigan bola bilan suhbatlashib qoldim. 3 tarixiy joydan koʻproq Samarqand yoqibdi ekan. Kaliforniyalik handsome bola ekan). Kulib turarkan, muomalasi ham joyida.

Qayerda oʻqishim, soham nimaligiga qiziqdi, aytsam, bir xil ekan-ku meni yoʻnalishim bilan, dedi. Rasmlar olishga qiziqarkan, qoʻlida fotoapparati bor edi, Xorazm, Buxoroda olgan suratlarini koʻrsatdi. Havaskor fotograf.

Umuman olganda, hammasi yaxshi oʻtdi, lekin keyingi safar esa oʻzimni fotoapparatim bilan borish nasib qilsin. Yuqoridagi kadrlar esa yangi tanishimning camerasida olingan. 😍

Mutolaa ustida 💓

SЕVGI

Ko‘kka sig‘di,
yerga sig‘di,
bir uyga sig‘di,
bir satr,
bir chizgi,
bir kuyga sig‘di,
bir qatra,
bir qadah,
ko‘zaga sig‘di,
jussaga,
g‘ussaga,
bo‘saga sig‘di,
bir lahzaga sig‘di,
ming yilga sig‘di,
ko‘zga sig‘di,
ko‘ngilga sig‘di,
bir inja kiprikda qalqib turdi u,
shunda ham esini yig‘madi:
aqlga sig‘madi,
aqlga sig‘madi.

Mansur Jumayev

Shoirning joylari jannatdan boʻlsin!

🥲 Dostoyevskiy – genial kitobxon

Dostoyevskiyning ashaddiy kitobqurti ekanligi haqidagi bu fikrni Pragada muhojirlikda faoliyat yuritgan ajoyib rus filologi Alfred Bem aytgan edi.

U 1933-yilda Pragada «Dostoyevskiy – genial kitobxon» nomli maqolasini nashr ettirgan. Bu yozuvchini kutilmagan tomondan ko‘rish imkonini beruvchi qiziqarli qarashdir. Va bu orqali uni san’atkor sifatida yangicha kashf etish mumkin.

U o‘z ukasi Mixailga 1845-yil mart oyidagi xatida shunday yozgan edi:

«Sen, balki, men yozmaydigan paytlarimda nima bilan shug‘ullanishimni bilishni istayotgandirsan, – mutolaa qilaman. Men juda ko‘p o‘qiyman va mutolaa menga g‘alati ta’sir qiladi. Allaqachon o‘qib bo‘lgan biror narsani qayta o‘qisam, go‘yo yangi kuch-quvvatga to‘lib, hamma narsani chuqur anglayman, aniq tushunaman va o‘zim ham ijod qilaman».

Dostoyevskiy umri bo‘yi qayta-qayta mutolaa qilgan Shiller, Gyote, Hofman, Dikkens, Valter Skott, Gyugo va Balzak kabi yozuvchilarning qahramonlarini o‘z yaqin do‘stlarini qanday tasvirlasa, shunday tasvirlar edi.

Bu yozuvchilar chindan ham Dostoyevskiyga katta ta’sir o‘tkazgan. U ularni psixologik tahlilning chuqurligi, dramatizmi va falsafiy mavzulari uchun qadrlar edi, bu uning o‘z asarlarida ham sezilarli darajada aks etgan. Unga ayniqsa Shiller o‘zining idealizmi bilan, Gyote hayotga bo‘lgan falsafiy qarashi bilan, Gofman mistik unsurlari bilan, shuningdek, Balzak va Dikkens ijtimoiy ziddiyatlar va insonlar ruhiyatini mohirona tasvirlash mahorati bilan alohida ta’sir ko‘rsatgan.

Ularning asarlarini o‘qish Dostoyevskiyning dunyoqarashini shakllantirib, uning adabiy yondashuvlariga ta’sir etgan, bu esa uning murakkab personajlari va syujetlari rivojida seziladi.

Mutolaa ustida

Mirzakalon Joʻrayevning “Majnun”nidan iqtiboslar 📎🧺

✨Endi tushunayapman: hech bir ta’limot o‘z holicha mutlaq yaxshi yoki mutlaq yaroqsiz bolishi mumkin emas ekan, gap uning kimning qo'liga tushishi, qaysi maqsad qoshiga qo‘shilishida ekan.

✨Bilasanmi, quvonch qalbni boyitishi, nafislashtirishi mumkin, lekin faqat iztirobdangina qalb teran tuyg‘unlashadi. Xuddi shu singari kino-video-tele san’at dillarni boyitishi mumkin bo‘lgani holda faqatgina kitoblar teranlik baxsh etishi mumkin

✨Yashash, – men uchun bu balki, adashishdir? – hayotni ko‘proq bilish, teranroq anglash, tiniqroq idrok qilish, jonliroq his qilish orqali chin hayotning asl zarralarini mo‘lroq, sofroq o‘zlashtirish...

✨Chin baxt aslo odamlarga baxtli ko‘rinishda emas, balki, baxtiyorlik ummonining qalbda mavj urishi – o‘z so‘qmog‘ingdan, o‘z yukingni orqalagancha o‘z manzilingga, o‘z oyoqlaringda, o‘z aqling boshqaruvi, o‘z qalbing-imoning da’vati, o‘z yulduzing rahnamoligi, o‘z ko‘zlaring shu’lasi yorug‘ida ketayotganlikka ishonchning ayni o‘zidir!

✨ Qashshoqlikning – ma’naviy, ruhiy qashshoqlikning o‘zi eng og‘ir jazodir. Men bir xudoga sig‘inish, bir ta’limotga e’tiqod qo‘yishga qarshiman, men bir Allohga topinish bilan boshqalariga tosh otishlariga qarshiman. Men uchun hamma xudolar: Alloh ham, Vaal ham, Tot ham, Zevs ham, Iyegova ham, Krishna xam, Odin ham, Apollon ham va boshka ko‘plab xudolarning hammasi qadrli.

Mutolaa ustida 💐

💕 rasmlar 💕