Mushohada

Yozishga undov

-Meni ishga olmaysizmi?
-Nima yutug’ingiz bor?
-IELTS writingdan 8.0 olganman.
-Ertadan ishga chiqavering.

Bir yil avvalgi suhbat.

Serial ko’rib, podkast eshitib listeningdan baland olish mumkindir.

So’z yodlab, maqola o’qib, readingdan baland olish mumkindir.

Yozmadan baland olish uchun esa jurnalist darajasida yoza olish kerak.

Writingdan 8.0 olish qiyinligini his qilmoqchi bo’lsangiz, o’zbek tilida insho yozishga harakat qilib ko’ring. 40 daqiqa vaqtingiz bor.

Yozma nuqtning zo’rligi faqat yozma nutq zo’rligini ko’rsatmaydi. Yozuvchida fikrlash, sabr, eruditsiya borligini ko’rsatadi.

Yozma ishlarini sun’iy intellektga to’liq yozdirayotganlar zalga chiqib, yukini damkratga ko’tartirayotganlarga o’xshaydi.

Shaxmatda yutish uchun o’z o’rniga kompyuterini o’ynatayotganlarga o’xshaydi.

Yozishdan maqsad matn emas. Ijodiy o’sish. Fikrlarni tartiblash. Ishontirishni o’rganish.

Bular bor bo’lsa, matn o’zi chiqaveradi.

(Davomi)

- Yunus ibn Maysara aytadilar: "Dunyodan zuhd qilishing bu qo‘lingdagi narsadan ko‘ra Allohga ko‘proq ishonishing, musibat payting musibatsiz bo‘lgan paytingga teng bo‘lgani, maqtov va mazammat sen uchun bir xilda bo‘lishidir."

- Bir ishni qilib, uning natijasida dunyo manfaatini ko‘zlasa bu zuhd bo‘lmaydi.

- Yomon amalni tark qilib, yaxshi amalga o‘tish zuhddir.

- Farz zuhd bu xaromdan chetlanish.

- Fazl zuhd bu halolning ortiqchasini tark qilish.

- Zuhd bu qalbni dunyo noz-ne‘matlaridan Alloh tomon burish hisoblanadi

- Dunyo Allohning insonlar uchun yaratgan bir mehmonxonasidir. Mezbon esa Allohning O‘zidir, mehmon esa insondir. Mehmon 4 xil bo‘ladi: birinchisi mehmon bo‘lib kelib, mezbonning berganlarini, ne‘matlarini inkor qiluvchilar(kofirlar), ikkinchisi mehmon  bo‘lib keladi, noz-ne‘matlardan foydalanadi, ammo mezbonni inkor qilmaydi, lekin ular mehmonxona qoidalariga amal qilmaydi, dunyo narsalari bn ovora bo‘ladi. Uchinchisi mezbonni e‘tirof etadi, mezbonning yo‘l yo‘rig‘iga amal qiladi, noz ne‘matlardan foydalanadi(bular bir toifa zohidlar). To‘rtinchisi noz ne‘matlardan foydalansa ham parhez qiladi, isrof qilmaydi, halol narsalarda dabdaba qilmaydi, ammo doimo qalbi mezbon bilan bo‘ladi(bular chinakam zohidlar).

- Dunyodan zuhd qilish faqatgina moddiy narsalarga bog‘liq bo‘lmaydi.