Blogim aktivligi tushib ketyapti! Nima qilsam bo'ladi? 😱

Kechagi kuni @Janob_Musayev kanalim izohida "Kanalingiz aktivligi tushib ketyapti" deb yozishibdi. Ha u yerda ham, bu yerda ham aktivlik ancha tushib ketdi. Bu holatda nima qiilsh(im) mumkin?

Qisqa javob — hech narsa qilish shart emas )

Oldinlari bu narsadan o'zim ham ko'p xavotir olardim. Keyin o'ylab qarasam, agar blog auditoriyasi 2-3 kun tugul, 2-3 hafta post tashlamaganingizga uni tark etsa, demak yoki blog kontenti bilan yoki auditoriya bilan nimadir muammo bor.

Bundan tashqari bu kabi bloglar hayotimiz asosiy o'rniga chiqib qolishi biroz noto'g'ri holat deb bilaman.

Yangi o'quvchilar odatda sizning yozganlaringiz sabab emas, hayotda qilgan arzirli ishlaringiz sabab sizni topib keladi. Yozganlaringizni o'qib turib esa sodiq kuzatuvchiga aylanadi.

Shu sababdan men blog hayotdagi kattaroq ishlarimiz oynasi bo'lgani ma'qul degan xulosaga keldim.

Ana shu kabi arzirli, salkam 5 yillik bilim, tajriba, networking va albatta mehnat natijasi, oxirgi 2-3 oydan beri asosiy fokusimda bo'lib turgan loyihani bugun e'lon qilish arafasida turibmiz.

Yangi loyihamiz chet elda ta'lim olish sohasida katta burilish va ko'prik bo'la oladigan loyiha bo'ladi deb umid qilamiz. Tez orada batafsil ma'lumot ham yuboraman 🙂

#news #GO #scholarships

@Musayev_blogi