МУНОСАБАТ
Ўзбекистон матбуотида айтилмайдиган, жимгина ўтиб кетиладиган мавзу ҳақида ҳеч бўлмаганда ижтимоий тармоқларда ёзишга ҳаққим бор☝️
Кремлнинг қўшни мамлакатларга ва иттифоқчиларига бўлган муносабати ҳали ҳам эски мустамлакачилик онгида давом этаётгани яққол кўринмоқда.
Қардош Озарбайжон Республикасининг Президенти Илҳом Алиевнинг бугунги интервюсида Ўрисхонанинг хатоси ва жинояти жуда аниқ кўрсатилди.
Ўрисхона раҳбариятининг Озарбайжон самолёти Чеченистон осмонида урилганидан кейинги уч кун ичида виждонсизларча сукут сақлаши, Ўрисхона ҳукуматининг расмийлари томонидан турли хил аҳмоқона версияларни илгари суриб, жиноятни ёпишга ҳаракат қилишлари нафақат озарбайжон халқини, балки бутун дунёни ғазаблантирди.
Россия Федерациясининг Грозный шахри осмонида зенит ракеталари билан урилган Озарбайжон самолети масаласи бўйича ўз гуноҳини тан олиши, вақтида узр сўраб буни жамоатчилик олдида билдириш ўрнига, уч кун давомида майновозчилик намоён қилинди.
Ўрис давлатининг ва пропагандасининг ўзини тутиши ақлга сиғмайдиган даражада виждонсиз эканлиги олдиндан хам маълум эди. Лекин, умуминсоний тушунчаларга бунчалик даражада қарши бўладиган ҳаракатларни кутмаган эдик.
Чеченистон аэропортида муаммо бўлган бўлиши мумкин. Минтақада 8та халқаро аэропорт мавжуд:
Адигей, Ростов, Махачкала, Ингушетиа, Кабардино-Балкария, Осетия, Краснодар ва Ставропол аэропортлари ишлаб турган эди.
Бундан ташқари, Кавказда 23та ҳарбий аэропорт мавжуд.
Масалан, Чеченистондан 190км узоқликда Тбилиси аэропорти ҳам мавжуд.
Агар зудлик билан ўз вақтида самолёт шу аэропортларнинг бирида қабул қилинганда эди эҳтимол бегуноҳ инсонлар ҳаёти қутқариб қолиниши мумкин бўларди. Афсуски бундай бўлмади.
Озарбайжон Республикасининг самолёти Ўрисхона ракеталари билан ҳужум қилинганини яшириш учун Қозоғистонга юборилгани ва шу йўл билан Каспий денгизида чўкиб кетиши оқибатида жиноят изини яширишга ҳаракат қилинганини кўриш мумкин. Бу эса Ўрисхонанинг навбатдаги ҳарбий жинояти ҳисобланади.
Расмий шаклда Ўрисхона билан дўст мамлакат деб ҳисобланган Озарбайжонга нисбатан ўрис матбуоти ҳар хил чалғитувчи ҳаракатлар қилгани кўриниб турибди.
Бундай масалаларга нисбатан стратегик жихатдан ҳамкор давлатлар халқаро ҳуқуқ меъёрларига кўра расмий муносабатни ўз вақтида зудлик билан амалга ошириб, керакли бўлган тадбирлар ва қадамларни дипломатик йўллар билан ифода қилиши шарт эди. Афсуски бу воқеа юз бермади.
Фалокат юз бергандан сўнг, уч кун ичида Ўрисхонадан аҳмоқона версиялардан бошқа ҳеч нарса эшитилмади. Буни бутун жаҳон кузатиб турди.
Лекин, Озарбайжон расмий идоралари сабр билан ўз стратегик ҳамкоридан дипломатик назокат кутиб турганини хам бутун дунё кузатиб борди.
Шундай қилиб, Россия ҳақиқат олдида ўзининг уйдирилган сунъий иддаоларидан воз кечмаслигини, ҳаттоки ўзининг стратегик ҳамкори бўлган давлатга ҳам қарши ҳаракатларни амалга ошириши мумкинлигини ва буни хато сифатида бўйнига олмаслигини ҳам кўрсатди.
Дипломатик муносабатлар орқали узр сўрашда кечикишининг ва уруш ҳолатида бўлишига қарамай ўз ҳаво маконини фуқаролик самолётларининг парвозлари учун ёпмаслигининг оқибатини яқин кунларда Россия яхши хис қила бошлайди.
Озарбайжондан Россиянинг 10та шаҳрига парвозларнинг тўхтатилиши ортидан Исроил, Қозоғистон, Туркия, Туркманистон, Бирлашган Араб Амирликлари (БАА) ва бошқа мамлакатларнинг турли авиакомпанияларининг Россия шаҳарларига парвозларни вақтинча ёки муддатсиз тўхтатиши бир томондан Озарбайжон билан ҳамжиҳатлик намунаси сифатида баҳоланса, бошқа томондан эса Россияга берилган инсонийлик дарси хисобланади.
Дунёнинг турли мамлакатлари томонидан Озарбайжон бошлаган ушбу эстафета кампаниясига қўшилиши ва Россияга парвозларни тўхтатиши мумкин.
Shuhrat Barlas©️
👉
@MrAbrorov
