"Ватан" журналида даҳшат мақола ўқидим! Қанийди, шунақа теран фалсафий-адабий маърузалар бизда ҳам ўқилса, тингласак. Ҳартугул, таржималар қилиняпти, бунинг учун Аҳмад Отабойга раҳмат!

"Пруст ҳақида маърузалар" инсоннинг хақиқатга эришиш йўли нақадар мураккаб, қийин кечиши ҳақида. Фалсафа фанлари доктори, профессор Mераб Мамардашвили бу жараённи Марсель Пруст яратган “Йўқотилган вақтни излаб" романининг фалсафий таҳлили ва талқини орқали кўрсатиб беради.
Афсуски, ҳозиргача на Марсель Прустнинг ва на Мераб Мамардашвилининг бирор-бир китоби, рисоласи ёки маърузаси она тилимизга таржима қилинмаган. ХХ аср адабиёти ва фалсафасининг бу классик намояндалари ижодий, илмий мероси китобхонларимиз, ижодкорларимиз ва илм аҳли томонидан аллақачон кашф этилиши лозим бўлган маданий, маънавий кадриятлар сирасидандир.

Таржимондан

Маърузани тўлиғини топиб каналга жойлашга ҳаракат қиламан. Шундай юксак фикрлар уммонида сузиб роҳатландим.