Xususan, sof oʻzbek tilida yozilgan koʻplab ma'noli va ta'sirli asarlarni hech qanday tarjimalarsiz kelgusi avlodlarga meros qilib qoldirishda ham ona tilimizning oʻrni beqiyosdir. Shuningdek, ona tilini keng qamrovda o'rganish yurtimizdagi "Yosh kitobxon", " Zulfiyaxonim izdoshlari " kabi bellashuvlarda yoshlarning gʻolib boʻlib, lingvistika sohasini rivojlantirishida muhim rol oʻynaydi.
Mening nazarimda, yoshlar xorijiy tillarga boʻlgan e'tiborini oʻz ona tilimizning gullab-yashnashiga va eng koʻp oʻrganiladigan tillar safidan joy olishiga qaratishi zarur. Zero, buyuk faylasuf Gyote e'tirof etganidek: "Inson oʻz tilini bilmas ekan, oʻzga tillar haqida ham tasavvurga ega boʻlmaydi".
"Chin soʻz moʻtabar, yaxshi soʻz muxtasar" deganlaridek, xulosa qiladigan boʻlsam, tilshunoslar oʻzlarining ishtiyoqi va moyilligidan kelib chiqqan holda chet tillarini oʻrgansin, lekin bu jarayon ona tilimizning obroʻ-eʼtiboriga putur yetkazmasin.