Bugun baxt yuzimga urdi tarsaki
Siylamadi quvonch, ezmadi qayg'u
Osmon qulamadi...biroq shunchaki
Ko'zimga tik boqib "kimsiz?" dedi u...

Kimman?...
Kimligimni bilsam qaniydi...
Behuda savollar bermaydi to'zim
Meni sendan o'zga hamma taniydi
Yonginangda turgan begona-o'zim...

Men o'sha begona ko'nglim zorlansa...
Yoqtirgan qo'shig'ing tinglab ovungan...
Ishq deb kimdur kuysa, kimdur zorlansa..
Dardkash bo'lib yana seni sog'ingan...

O'sha-begonaman, begonaman men
Ko'zingdan o'zga bir ko'zga boqmagan
Rost...chindan layliman devonaman men...
O'zingni sevganu o'zga yoqmagan...

O'sha-begonaman haqqim yo'q aslo,
Ko'nglimni ko'nglingga yaqin olishga
Lekin, borim berardim so'rasang hatto
Seningchun eng yaqin inson bo'lishga

Quvonch siylamadi, ezmadi qayg'u
Kimningdur ishqida bitta donaman...
Tik boqib Ko'zimga "kimsiz?" dedi u
Keling tanishamiz, Men-BEGONAMAN...

©

@me_bibliosmia