O’zingni hayotingni yasha

Hamma qilgan ishni sen ham qilishing shart emas. Hayotda o’zining yo’lini hali topmaganlar hamma ishga o’zini urib ko’radi.

Kimdir programist bo’lib kuchayib ketsa, sen ham shu sohada kuchayib ketasan degani emas. Rizqing boshqa tomonlama berilishi mumkin.

Birovlarning hayotiga qiziqib, vaqtingni yutqazma. Undan ko’ra, o’zingni hayotingni qiziqarli qilishga vaqt sarfla. Vaqtingni to’g’ri boshqar.

Birovlardan xato topishni ham to’xtat. Xato topsam, aqlliroq ko’rinaman deb ham o’ylama. Yaxshisi, o’zingni xatolaringni to’g’irlash bilan band bo’l.

Muhimi, boshqalarning yutuqlarini “ko’ra olgin”. Navbatingni kut. Hozircha sen qarsak chalib tursang, senga navbat kelganda ular chalishadi.

Seni rivojlantiradigan odatlaring bo’lsin. Bo’lmasa, shakllantir. Aks ta’sirga ega bo’lgan odatlaringni bosqichma-bosqich yo’qot.

Bugun boshla. Ertaga degan gapdan uzoqlash. “Kelajaging bugun nima qilishingga bog’liq” deb hazillashmagan edi Gandi janoblari.

Xullas, senda ham hayot bor. Yashashni o’rgan. Boshqalar ham o’z bilganicha yashasin. Boshqalar bilan ishing bo’lmasin.