Латыпова Нигора Музафаровна🌹🌹🌹🌹

💐🍃🌿🌸🍃🌾🌼
🍃🌺🍂
🌿🍂 📖 СЕНИНГ
🌸 МАФТУНИНГ 📖
🌹

Яхшики йигитда эр юраги бор,
У севса ҳеч қачон ёнмас яширин.
Севгинг тўғрисида ўзинг очдинг сўз,
Эй кўзи қоп-қора, сўзлари ширин!

Менинг севганимни ҳали билмасдинг,
Танҳо ўртанишдан мен олдим лаззат.
Дилимни кемирган муҳаббат сирин,
Ўзим ардоқладим, ҳам қилдим иззат.

Қалбимга ёзилган муҳаббат сўзи,
Ўйимни чулғади менинг ҳар минут,
Лекин ишондимки, сен сўз очмасанг,
Шу дардда ўлсам ҳам этаман сукут.

Ҳатто билмас эдим севармидинг сен,
Балки севганингдир бир бахтиёр қиз.
Балки хаёлингдан мен беҳад йироқ,
Аммо сен дилимда кеча-ю кундуз.

Фақат ўйладимки, уятдир қизга
Йигитга севгисин айласа изҳор.
Бу — доғ солар дедим қизнинг ҳуснига,
Энди иложим йўқ бўлмайин иқрор.

Узоқ мен ахтардим, аммо ўзимда
Бир куч тополмадим севгидан устун!
Мен сени севаман, сеҳргар йигит,
Бутун борлиғим-ла мен сенга мафтун.

1942
🌹
🌿
🌾🍂✍ ЗУЛФИЯХОНИМ
🍃🌺🍂
💐🌾🍀🌼🌷🍃🌼

🍃🍃🍃🍃🍃🍃🍃🍃🍃🍃🍃🍃

💐🍃🌿🌸🍃🌾🌼
🍃🌺🍂
🌿🍂📖 МУҲАББАТ ТОНГИ
🌸 КУЛГАНДА 📖
🌹

Оқшом эди, ойдин кўприкда
Барно қизу йигит турарди,
Ойни кутган оқшомги кўкда
Бешик-бешик булут юрарди.

Булутларнинг ёриб қучоғин,
Ой кўрсатди олмос юзини.
Мағрур ташлаб ерга нигоҳин,
Тинглаб қолди йигит сўзини.

«Хоҳи инон, хоҳи инонма,
Сенинг севгинг қилмоқда шайдо.
Бундай ёниш бегона жонда
Бир ўчмас ўт бўлибди пайдо!»

Ой сузади, ел сари майин,
Икки қалбни ёқар бир оташ.
Ёниқ дилнинг бахтиёр найин,
Ютмоқ бўлур сукут жафокаш.

Йигит севги тонгини кутар,
Қиз кўзидай қуюлади тун.
Лекин узун киприклар ўта —
Ярқирайди бахтга тўла кун.

«У бир ўтки, сени кўрмасам
Изтиробга солар жисмимни,
Лол қоламан — ахтариб топсам,
Унутаман ҳатто исмимни.

Хоҳ инонгин, инонма хоҳи,
Хаёлимда кезасан ёлғиз.
Мени севгин!»
Йигит нигоҳи
Севги тилар — сукут қилар қиз.

Оппоқ паға булут устида
Ҳайрон сузар кекса ойсулув.
Юлдузларни қучиб кўксида,
Анҳор тўлиб жўшиб оқар сув.

Шу чоққача ишқин қиз фақат,
Дилдан сўраб айтганди дилга.
Илк, мусаффо, катта муҳаббат
Қиз дилидан келмасди тилга.

Ҳозир юрак бир нигоҳ бўлиб,
Боққан эди йигит кўзига.
Оқшом оғушига нур тўлиб,
Тонг кулгандай бўлди юзига.

Елда қўшиқ, кўприкда шуъла,
Бахт-ла тепди икки ёш юрак...
Ой сўзлади юлдузни тўплаб,
Севги тонги ҳақида эртак.

1936
🌹
🌿
🌾🍂✍ ЗУЛФИЯХОНИМ
🍃🌺🍂
💐🌾🍀🌼🌷🍃🌼

🍃🍃🍃🍃🍃🍃🍃🍃🍃🍃🍃🍃

​​ ОПА СИНГИЛ !!!...

Хурматли Кадрдон дўстим, Акам Укам!!!...

-- Онангизни соғиндизми?, унда сингил ёки опангиздан хабар олинг. Ха ха шундай, ёки хонадонизга мехмонга таклиф килинг. Опа сингилда Онангизни хиди бор. Онангизни сўзлари бор. Онангизни тарбияси бор....

-- Биласизми дўст, илк бора опа синглингизни кўлидан ушлаб ким нон,таом килишни ўргатган албата Онамиз. Биласизми болалик килиб уйда тўполон килганимизда Онажонларимиз калтак олиб кувлаганда ким?, " урманг акам ёки укамни деб Ойижонимизни тўсган кўзларида ёш билан", ха ўша опа синглимиз....

-- Опа сингиларимизда биз Онажонимизни кўрамиз, Онажонимизни хис киламиз. Шундай экан нахот узок мусофир юртларда юрган опа синглимиздан акали бир оғиз телефон килиб хол ахвол сўраймаймиз....

-- Энди тезда килинг қўнғироқ, хол ахволини сўранг... Кўлингиздан келса албатта ёрдам беринг....

-- Буғдойзор даласини тепкилаб босиб ўта оласизми?. Йўк асло, чунки у нонимиз увол кўр бўлади инсон. Агар буғдойзор даласи у томонда Онангиз бир култим сувга зор бўлиб турсачи. Унда ҳам босиб,тепкилаб ўта олмайсиз. Мумкин эмас асло,мумкин эмас. Айланиб ўтиб беринг Оназоризга ўша бир култим сувни....

-- Лекин каранг ўша Онангиз ўрнида опа синглингиз бўлсачи. Тезда буғдойзорни тепкилаб ўтасизми, босиб ўтасизми, якин йўлни топиб. Олиб бориб беринг ўша бир култим сувни. Хўш буни сабабани биласизми....

-- Нима учун опа сингил учун ҳатто буғдойзорни ҳам кесиб ўтиш мумкинлигини.
Унда эшитинг....

Киёматда каранг тош тарози бўлар эмиш.( Беайб факкат Яратган эгам. Ҳаммамиз билмаган холда гуноҳ киламиз ва ҳар бир гуноҳ олдида жавоб берамиз.)

-- Шунда ҳамма жаннат томон интилар экан. Агар савобингиз кўп бўлса жаннатга кам бўлса дўзахга... Хеч ким савобидан бермас экан....

-- Хатто Ота Онамиз, ака ука, дўстларимиз ҳам. Шу жича савоб берсаю, жаннатларда юрар эдим деб сарсан саргардон бўламиз экан....

-- Шунда ўзига ҳам балким ўша жича савоб етмаётган опа синглимиз тезда ёнимизга етиб келиб бизга ўз савобидан берар экан. Каранг эй ака ука, эй дўст мехрибонликни ака ука деб киёматда ҳам ўзини курбон киллар экан опа синглимиз....

-- Энди билдингизми бизни ожиза опа сингиларимизни кимлигини....
Туринг хабар олинг опа синглингиздан. Хеч йўк телефон килиб бир ҳафтада бир оғиз. Опажон ёки синглим яхшимисан?,соғлигини жойидами?,жиянларим яхшими?деб кўйинг.....

-- Кўлингиздан келса албата хонадонига боринг ёки хонадонизга олиб келиб бор йўғидан хабар олинг... Кўпмас озмас кўлиздан келган ёрдамни беринг...
У кўлиздан келмаса бир оғиз ширин сўз билан ҳабар олинг!!!

ИНСОФ БЕРИБ, САФИМИЗГА ҚЎШИЛИБ ҚОЛАРСИЗЛАР...
(Ҳаётий воқеа)

У кичикроқ бир корхонада раҳбар бўлиб ишлар, шунинг учун ҳам қўл остидагиларни тез-тез йиғиб, чойхонада базмлар ўтиришларни ташкил қилишни яхши кўрарди...

У шинаванда эди, лекин бир ёмон иллати бор эди: у ичишни яхши кўрарди, жуда кўп ичарди. Шу даражада ичардики, оёғида тура олмайдиган ҳоллари кўп бўларди. Давранинг “гули”га айланиб олганда, ичмайдиганларни ҳам ичишга ундарди, рад жавобини олгач, унинг энг севимли сўзлари қуйидагича бўларди: “Майли, бир кун сизларга ҳам инсоф бериб сафимизга қўшилиб қоларсизлар...” Унинг бу сўзлари ичмайдиган, имонли одамларга қанчалик ёмон таъсир қилишини билмас, ҳис қилмас эди...

Қўл остида ишлайдиганлар бундай ўтиришларга келгиси келмай мажбуран келишарди, сабаби эртаси куни раҳбаридан эшитадиган таъналардан, кесатиқ гаплардан, ой охирида берилиши мумкин бўлган турли устама ва мукофот пулларидан қуруқ қолмаслик учун ҳам “истар-истамас” бундай ўтиришларга келишарди...

Бугун У раҳбар эмас, пенсияга чиқиш ёшига яқинлашиб қолган, ичишни ҳам ташлаган. Шундай кунларнинг бирида собиқ қўл остида ишлаган йигит, бугунда унинг раҳбари унинг ўзини ҳам бир ўтиришга таклиф қилди. Ноилож борди. Даврада спиртли ичимлик айланди. У пиёлани қўлига ҳам олмади, ичмайман деди. Шунда раҳбари унга ва бошқа ичмаётганларга қараб: “Майли, бир кун сизларга ҳам инсоф бериб сафимизга қўшилиб қоларсизлар...” - деди. Ана шунда у бу сўзларнинг ичмайдиган инсонларга қанчалик ёмон таъсир қилишини биринчи бор ўзидан ўтказиб ҳис қилди...

Уйга келган заҳоти авваллари ўзи ҳам шу сўзни кўп бора ишлатгани учун тавбалар қилди ва устида бўлмаса ҳам, ичида ўша пайтлари қўл остида ишлаган йигитлардан узр сўради. Қанча гуноҳ ишлар қилганлари кўз олдига келди. Имонли инсонларнинг дилини ноҳақ оғритгани... У йиғлаб юбориб, Аллоҳга нидо қилди:

“Эй карами кенг Парвардигорим, билиб-билмай қилган гуноҳларим учун тавба қилдим! Ўзинг буюк ва қудратлисан, барча гуноҳларимни авф эт! Тавба қилдим, тавба қилдим, тавба қилдим...”

БЕҲЗОД ҲОЖИМАТОВ.