***

Bir osmon tonglarni ko'nglimga chayib,
Xayoldan sirpaniiib tushsam damodam,
Ne tongki,
qarshimdan chiqdi jilmayib
Kutilmagan paytda kutilgan odam.
Tebrana boshladi havolarda ishq,
Yuraklarda baxtning pichir-pichiri.
Barmoqlari nogoh qilganda yuris
jaranglab ketardi sochlar shiviri.
Jilmaydim, bilmaydi ushbu tabassum,
Tushmaydi qalamning sarafrozidan.
Tuyg'ular rangini topa boshlagach,
She'rlarim charxlanib bordi koʻzida.
Nigohim – quvg'indi, dunyoning siri
Aylanib o'tardi necha zamonlar.
Quyoshni sindirib,
Oyni sindirib
Yuziga fotiha tortdi dovonlar...
Bu taqdir –
tashrifi baxtlarga tortiq.
Ostonasin tillo aylasin qadam.
Endi tashrifimiz kutadir intiq
Kutilmagan paytda kutilgan odam!..

©️ Nozima Habibullayeva

@kumush_odina