SHAYXLARGA SIG'INISH VA SO'FIZM TARG'IBOTI
Instagramda bir sahifaga ko'zim tushib qoldi. Subhan Alloh O'zbekistonda ochiqchasiga shayxparastlik va so'fimiz targ'ib qilinayotgan diniy sahifa faoliyat yurityapti. Ustiga ustak ochiqchasiga va hech qanday diniy idoraga aloqasi bo'lmagan holda.
Hamma videolarini ko'ra olmadim. Asabim dosh bermadi. Ammo men ko'rgan videolarida quyidagi mavzularni olib chiqishgandi:
- Shayxlarni karomatlari (telepartatsiya, bir vaqtda bir qancha joyda bo'la olish, kelajakni oldin aytib berish va hokazo).
- Hizr alayhissalomni ko'ra olish va uni abadiy tirik ekani.
- Shayxlardan madad kelishi kabi mavzularni zamonaviy videolar yasab, insonlar ongiga olib kirishga urunishmoqda.
Men bu narsani ko'rib ba'zi narsalardan taajjublandim:
1) "O'zbekistondek "Mabdaul qiroat" kabi arab tili kitoblaridan hatto "namoz o'qimoq" , "Bomdod, Peshin..." kabi oddiy lug'atlarni ham chiqartirib yuboriladigan joyda o'z e'tiqodlarini ochiqcha olib chiqayotganidan va hech nimadan qo'rqmayotganlaridan.
2) Oddiy xalq ushbu masalalar borasida aniq ilmga ega bo'lmasa-da bundaylarni qabul qila olmasdan, aytayotgan "karomatlarni" noto'g'ri aqida ekanini tushunayotganini ko'rib, quvondim.
Ammo men bularni ustida turgan "IrfonTv" ni bilaman. Kattagina diniy loyiha. Eng katta "ustozlari" na soqoli va na diniy ilmi noaniq odam bo'lsa ham, ochiqcha dindan gapirardi va birov indamasdi.
Lekin tushunishimcha bu odamlarning maqsadi ayni vaqtda oddiy aholi bularni yanglish ekanini qabul qila olmayotgan bo'lsada asta-sekin bu aqidalarini odamlar ongiga singdirish, ya'ni manipulatsiya.
Bu aqidalar noto'g'ri ekani kundek ravshan. Oyni etak bilan yopib bo'lmaydi. Aytayotgan karomatlarini hatto oddiy xalq ham hazm qila olmasdan inkor qilayotganini videolarning izohlaridagi fikrlardan ham bilsa bo'ladi.
Ammo bu degani bularga e'tibor bermaslik kerak degani emas. Ishonchim komilki, ishni boshida turganlar insonlar ularning shirk "aqidalarini" qabul qilmasliklarini va rad etishlarini juda yaxshi bilib turishibti. Ularning maqsadi avvaliga qabul qilishmasada, asta-sekin o'z shirklarini gapirishni avvalo insonlarni ko'z o'ngida oddiy holga aylantirib, bora-bora qalblariga ham o'rnatishdir, Alloh asrasin.
Esimda, bundan tahminan 15-yillar oldin qishlog'imizda bir qiz zino sabab tug'ib, chaqaloqni qabristonga tashlab ketganda butun qishloq larzaga kelgandi. Ammo bugungi kunimizda "Falonchixon Falonchini o'g'li bilan zino qilib, farzandli bo'libti" degan xabar shu darajada oddiy holga aylandiki, birov e'tibor ham bermaydi.
Shayton ham o'z shirkini ilk insonlar qalbiga darrov emas, ming yillar mobaynida kirgizib borgan. Shu sabab bu o'simtani chiqqan zahoti kesib tashlab, tanani davolamasak, ertaga u butun tanani zaharlashi mumkin.
Alloh taolo hammamizni o'z rozi bo'lgan sof aqidada yashab o'tishimizga hidoyatlantirsin!
Turli shirk va xurofotlardan o'zi asrasin! Allohumma amiyn.
🔗
@Komakdosh - Musulmon g'ofil bo'lmaydi!
