#taklif

2 kundan beri hayolimdan bir mavzu ketmaydi. Pullik "Kitob klubi" qilsa bo‘ladimi yoki yo‘q?

Tartibi qanday bo‘ladi?

✨Sahnada tanlangan kitobni muhokama qilish uchun mehmonlar 2 yoki 3 ta, adabiyotshunos, bookbloger yoki kitobni sevadigan qandaydir soha vakili. Ya’ni oldi qochdi "Menga asar yoqdi", "O‘qish tavsiya beraman", "Bu yozuvchi yaxshi", degan gaplar bo‘lmaydi.
✨Muhokamani jonli ko‘rish uchun qiziquvchilar chipta xarid qilib kirishadi. Ular nima oladi? Mutaxassislar bilan to‘g‘ridan to‘g‘ri muloqot, savol berish imkoniyati va kitob atmosferasi.
✨Har bir son tasvirga tushiriladi va 1 oydan keyin Youtubega qo‘yiladi yoki pullik kanalda beriladi. Kelgan tomoshabin onlayn ko‘radiganlardan 1 asar(oy)ga oldinroq bo‘ladi. 1 oy uchun 1 asar.
✨Har son yakunida keyin asar va mehmonlar tanlanib tarmoqlarda e’lon qilinadi.

Asosiy maqsad:

✨Kitob kontentlar va loyihalari uchun insonlar o‘zlari xohlab va rozi bo‘lib pul berishlarini ta’minlash va bu madaniyatni ommalashtirish.
✨Rostdan ham asarni o‘quvchi ilg‘amagan jihatlarini ochib berish. Nashriyotda Ma’mura opadan bir asar haqida so‘rab qolsak, 1 soat jim eshitamiz, ularni fikrlari o‘quvchiga kerak. Yoki Sanjar akani podkastlardagi chiqishlarini ko‘rganmiz. Endi ulardan aynan bir kitob haqida fikr olamiz.
✨Pullik bo‘lishi loyiha kelajakda davom etishi va o‘z o‘rnini topishida.

1 yil oldin Abu Bakr Fozilov Rossiyada "Stand-Up Club"da "Книжный клуб" borligini, ko‘rib chiqishim kerakligini aytgandi. Menga juda yoqqan. Unda asosan komiklar hazil aralash asarni muhokama qilishida. Bu bizda ishlamaydi, sababi "ziyolilar" afsuski kitobdan yiroqda va asar muhokamasida hazil aralashsa yoki kulgi bo‘lsa "kofir"ga chiqib ketishingiz hech gap emas. Shu sabablar tufayli, aynan mutaxassislarni ham ommaga tanitish muhim masala.

Havolasi: https://youtube.com/playlist?list=PLcQngyvNgfmJgTJm5HqBp1ns1IPzm6ZmU&si=3SCVA3gTnDDKu3Kl

Kirish tekin bo‘lmagan lekin bir asarni mag‘zigacha yetib boradigan "Kitob klubi"ga kelgan bo‘larmidingiz?
Nech pul to‘lashga rozi bo‘lasiz?

👉KitobHouse👈