Chorak asrlik hayotimda erishgan eng katta o‘zim uchun eng yaxshi fazilat bu hayotga imkon boricha dramatizatsiyalarsiz, uning asl haqiqatlariga tik qarash bo‘lgan desam mubolag‘a deb o‘ylamassiz. Albatta, bunga men o‘qigan kitoblar ham sababchi. Qaysi yozuvchi va kitoblar ekanligini kanalni uzoq vaqtdan beri kuzatadigan qadrdonlar yaxshi bilishadi. Bugun esa o‘zim sevgan realizm janrida ijod qiluvchi adiblar safiga yangi nom qo‘shildi. Bu turkiyalik mashhur yozuvchi Sabohiddin Ali! Bu iste’dodli yozuvchini kashf etishimga uning "Mo‘yna mantoli Madonna" asari katta ta’sir ko‘rsatdi. Keling, sizga ham bugun ushbu kitob haqida qisqacha so‘zlab beraman. Balki bu yozuvchini men sabab boshqalar ham o‘zlari uchun kashf etishar.
Ba’zi kitoblar inson qalbiga shunchalik chuqur singib ketadiki, ularni o‘qib bo‘lgach, ichingizda nimadir uzilib tushganini his qilasiz. Sabohiddin Alining "Mo‘yna mantoli Madonna" romani men uchun ana shunday asarlar sirasiga kiradi.
1943-yilda nashr etilgan ushbu roman turk adabiyotining eng mashhur klassiklaridan biri bo‘lib, u sevgi, yolg‘izlik, iztirob, o‘zlikni anglash mavzularini juda go‘zal va sodda tarzda yoritib beradi. Sabohiddin Ali bu asari bilan inson ruhiyatini benuqson tasvirlab bergan nazarimda. Uning tili oddiy, ravon, lekin nihoyatda ta’sirchan. Uslubi esa o‘quvchini real hayotiy voqeliklar ummoniga sho‘ng‘ishga majbur etadi.
Kitobdagi voqealar ikki xil vaqt oralig‘ida kechadi. Bir tomondan, romanning bosh qahramoni Raif afandining yoshlik yillari va Berlinda kechgan otashin va qayg‘uli muhabbati, ikkinchi tomonda, Raif afandining Istanbuldagi oddiy va rangsiz hayoti.
Roman ishsiz qolgach, do‘sti orqali uning kompaniyaga ishga kirgan va u yerda Raif afandi ismli kamsuqum va nihoyatda sokin nemis tili tarjimoni bilan tanishuvdan boshlanadi. Raif afandi doimo xotirjam, vazmin, va yana ko‘pchilik uchun "omadsiz" odam sifatida tanilgan. Biroq, Raif afandi yozgan kundalik hikoyachining qo‘liga tushib qolgach, uning haqiqiy shaxsiyati va o‘tmishini ochib bera boshlaydi.
"Mo‘yna mantoli Madonna" – bu shunchaki oddiy bir muhabbat tarixi emas. Bu insonning ichki olami, kechinmalari va jamiyatdagi begonalashuvi haqida teran fikr yuritishga majbur qiladigan asardir. Kitobni o‘qiyotganda, o‘zingiz ham qahramonlarning ruhiy holatini his qilasiz, ularning iztirob va kechinmalari sizning qalbingizning olis burchaklarigacha yetib boradi.
Asar qahramonlari orasidagi munosabatlar ziddiyatli va murakkab. Yozuvchi insoniy tuyg‘ularni tasvirlashda shunchalik mohirlik bilan yondashganki, o‘quvchi qahramonlar ichki dunyosini o‘z hayotida sodir bo‘lgandek his qiladi, o‘quvchini hayotning haqiqatlari bilan yuzlashtiradi, bizni beixtiyor o‘z hayotimiz haqida o‘ylashga undaydi.
Kitobni o‘qib bo‘lganimdan keyin, bir qancha vaqt ongimda bo‘shliq paydo bo‘ldi. Qahramonlarning ruhiy holati menga qattiq ta’sir ko‘rsatdi. Bu oddiy bir hikoya emas – inson qalbining sukunatdagi faryodi, muhabbatning qalbda qoldirgan abadiy chandiq izlari va hayot haqiqatining aks-sadosidir.
Aslida yanada ko'proq yozmoqchi edim ammo sizda ham kitobni o'qish uchun sabab qolishi uchun shular bilangina cheklandim.
@kitob_ombori
Ba’zi kitoblar inson qalbiga shunchalik chuqur singib ketadiki, ularni o‘qib bo‘lgach, ichingizda nimadir uzilib tushganini his qilasiz. Sabohiddin Alining "Mo‘yna mantoli Madonna" romani men uchun ana shunday asarlar sirasiga kiradi.
1943-yilda nashr etilgan ushbu roman turk adabiyotining eng mashhur klassiklaridan biri bo‘lib, u sevgi, yolg‘izlik, iztirob, o‘zlikni anglash mavzularini juda go‘zal va sodda tarzda yoritib beradi. Sabohiddin Ali bu asari bilan inson ruhiyatini benuqson tasvirlab bergan nazarimda. Uning tili oddiy, ravon, lekin nihoyatda ta’sirchan. Uslubi esa o‘quvchini real hayotiy voqeliklar ummoniga sho‘ng‘ishga majbur etadi.
Kitobdagi voqealar ikki xil vaqt oralig‘ida kechadi. Bir tomondan, romanning bosh qahramoni Raif afandining yoshlik yillari va Berlinda kechgan otashin va qayg‘uli muhabbati, ikkinchi tomonda, Raif afandining Istanbuldagi oddiy va rangsiz hayoti.
Roman ishsiz qolgach, do‘sti orqali uning kompaniyaga ishga kirgan va u yerda Raif afandi ismli kamsuqum va nihoyatda sokin nemis tili tarjimoni bilan tanishuvdan boshlanadi. Raif afandi doimo xotirjam, vazmin, va yana ko‘pchilik uchun "omadsiz" odam sifatida tanilgan. Biroq, Raif afandi yozgan kundalik hikoyachining qo‘liga tushib qolgach, uning haqiqiy shaxsiyati va o‘tmishini ochib bera boshlaydi.
"Mo‘yna mantoli Madonna" – bu shunchaki oddiy bir muhabbat tarixi emas. Bu insonning ichki olami, kechinmalari va jamiyatdagi begonalashuvi haqida teran fikr yuritishga majbur qiladigan asardir. Kitobni o‘qiyotganda, o‘zingiz ham qahramonlarning ruhiy holatini his qilasiz, ularning iztirob va kechinmalari sizning qalbingizning olis burchaklarigacha yetib boradi.
Asar qahramonlari orasidagi munosabatlar ziddiyatli va murakkab. Yozuvchi insoniy tuyg‘ularni tasvirlashda shunchalik mohirlik bilan yondashganki, o‘quvchi qahramonlar ichki dunyosini o‘z hayotida sodir bo‘lgandek his qiladi, o‘quvchini hayotning haqiqatlari bilan yuzlashtiradi, bizni beixtiyor o‘z hayotimiz haqida o‘ylashga undaydi.
Kitobni o‘qib bo‘lganimdan keyin, bir qancha vaqt ongimda bo‘shliq paydo bo‘ldi. Qahramonlarning ruhiy holati menga qattiq ta’sir ko‘rsatdi. Bu oddiy bir hikoya emas – inson qalbining sukunatdagi faryodi, muhabbatning qalbda qoldirgan abadiy chandiq izlari va hayot haqiqatining aks-sadosidir.
Aslida yanada ko'proq yozmoqchi edim ammo sizda ham kitobni o'qish uchun sabab qolishi uchun shular bilangina cheklandim.
@kitob_ombori