Kitoblar ombori (blog)


Kanal geosi va tili: O‘zbekiston, O‘zbekcha
Toifa: Kitoblar


Канални фаолияти тўхтаб қолмаслиги ва қўллаб-қувватлаш учун донат (ҳайрия) қилинг!
www.tirikchilik.uz/KitobOmbori
8600 0210 5991 8352 E.A
Алоқа: @TezkorXatlarBot

Связанные каналы

Kanal geosi va tili
O‘zbekiston, O‘zbekcha
Statistika
Postlar filtri


Dahshatli filmlarni yoqtirasizmi? Buning sabablari nimada?

Soʻnggi vaqtlarda dahshatli filmlarning turli koʻrinishlari paydo boʻlib ulgurdi. Rejissyorlar tomoshabinni imkon qadar qoʻrquvga va hayratga solish uchun astoydil urinishmoqda. Ular bu filmni koʻrib qoʻrquv domiga tushishlarini bilishsa ham tomosha qilishda davom etishadi, rohatlanishadi. Siz ham dahshatli filmlar koʻrishni yoqtirasizmi? Bu odat koʻringanidek bezarar boʻlmagan, yashirin sabablar haqida soʻzlashi mumkin. Psixologlar bu borada quyidagilarni maʼlum qiladi...

1. Real hayotda his-tuygʻularning yetishmasligi

Shaxsiy hayotda his-tuygʻular yetishmagan vaqtda inson ularni qidira boshlaydi. Kimdir parashyutdan sakraydi, kimdir ekstremal sport turlari bilan shugʻullanadi va yana kimlardir dahshatli film koʻrishga tushadi. Film tomoshasi davomida u adrenalin qabul qilib, kuchli qoʻzgʻalish holatiga oʻtadi. Oʻzida bularni his qilish tomoshabinga xush keladi. Umuman olganda, dahshatli filmlarni yoqtirish psixologik buzilish emas. Psixologlarning taʼkidlashicha, qoʻrqituvchi sahnalar insonni oʻziga tortadi.

2. Oʻz qoʻrquvlari bilan kurashish

Bunday filmni tomosha qilish davomida inson oʻz qoʻrquvlari ustidan nazorat oʻrnatadi va 1-1,5 soat oʻtgach, bu qoʻrquvlar nihoyasiga yetishiga oʻzini ishontiradi. Kino tugagach, u yengillik his qiladi. Vaholanki, bunday odamlar oʻz real hayotida bu kabi hissiyotni tuyishmaydi.

Uyida dahshatli film tomosha qilgan odam oʻzini butunlay xavfsiz yerdaligini anglaydi va qoʻrqinchli voqealarning bari oʻzi bilan sodir boʻlmayotganini yaxshi tushunadi. Ammo, aynan ularni deb inson kechasi dahshatli tushlar sabab uygʻonib ketadi. Unda qoʻrquvning yangi turlari paydo boʻlishi ham mumkin.

Bu holatda bunday filmlar tomoshasiga chek qoʻyish kerak. Chunki, har qanday filmning maʼlum qismlari ong ostida qolib ketadi va odam koʻrgan kinosidagi voqealarga yaqin holatga tushib qolganida ular “tiriladi”. Bu esa oʻsha insonda kuchli xavotirni paydo qilishi mumkin.

3. Oʻzni qiyoslash

Psixologlarning aytishicha, tomoshabin filmda qatnashgan har bir aktyor uchun gʻam chekishi, bu rollarda oʻzini tasavvur qilib ketishi ham mumkin ekan.

Hayotida koʻpincha, asabi buziladigan odamlar oʻzini salbiy roldagi aktyorga oʻxshatadi. Koʻngli boʻsh, oqim boʻyicha suzuvchilar esa oʻzini qurbon rolidagi insonga qiyoslaydi. Hayotda mana shu oʻxshatishlar sababli ham muammolar yuzaga kelishi mumkin.

4. Yashirin agressiya

Yuqorida aytilgani kabi dahshatli film tomosha qilishning oʻzi ruhiy buzilish yoki nosozlik alomati emas. Ammo, ruhiyatida buzilishlar kuzatilgan inson ushbu filmlarni tomosha qilsa, bu, muammoga sababchi boʻlishi hech gap emas. Sogʻlom odam zoʻravonlik aks etgan sahnalarga nafrat koʻzi bilan boqadi. Ammo, kimlargadir kino qahramonining iztiroblari qoniqish yoki lazzat bagʻishlasa, bu ham tashvishli alomat boʻlishi mumkin. Baʼzida tomoshabin oʻzi anglamagan holatda filmda yashirin niyatlarini koʻradi. Jinoyat, agressiya, yovuzlik anglashilmagan holatda insonning qorongʻi yerlariga tegadi va u film orqali bu hissiyotlarni tuyadi.

5. Gender muammosi

Sizningcha, dahshatli filmlarni kimlar koʻproq tomosha qiladi: erkaklarmi yoki ayollar? Olimlar buni jasurlikni koʻrsatish orqali tushuntirmoqchi boʻlishadi. Erkaklar dahshatli filmni koʻrib, qoʻrquvni his qilishmaganidan rohatlanishadi. Shu sababli boʻlsa kerak, aksariyat erkaklar oʻz ayollari bilan aynan qoʻrqinchli kino koʻrishadi.
Film tomoshasi vaqtida ayollar qoʻrquvni his qilib, yonidan ishonchli himoyachini qidiradi. Mana shu vaqtda erkak oʻzining jasurligini koʻrsata olishi mumkin. Ammo ayollar bunday filmlardan koʻproq rohat olishadi.

@kitob_ombori

883 0 14 29 46

Katta post ketmoqda
Qabul qilishga tayyormisiz? 😄

941 0 0 12 67

Insayt 2

Korporativ madaniyatni shakllantiring, xodimlaringiz bilan do‘stlashing

ALIBABA xodimlarining qiyin vaziyatlarni yengib o‘tishga bo‘lgan kuchli motivatsiyasi kompaniya rivojida muhim rol o‘ynagan. Jek Ma o‘z kompaniyasi personali uchun muvaffaqiyatni ta’minlovchi 6 prinsipni ishlab chiqqan:

Jamoaviy ish – kompaniya korporativ madaniyatining muhim qismi.

Hamkasblar bir-birlari bilan yaqindan tanishishi, moslshashi, birga ishlashdan zavq olishi uchun ularga norasmiy tadbirlar, kechalar uyushtiring. Misol uchun, ALIBABA xodimlari doimiy ravishda jamoaviy o‘yinlar o‘ynashadi, ishdan keyingi soatlarda birga qo‘shiq aytishadi, raqsga tushishadi. Mehnat ta’tilida sayohatga chiqishadi.

O‘zgarishlarga tayyorlik. ALIBABA’da xodimlar o‘z ishini a’lo darajada bajarayotgan bo‘lsa ham, tez-tez boshqa lavozimga, vazifaga o‘tkaziladi. Bunda xodim yangilikka tez moslashuvchan bo‘ladi, qiyinchiliklardan qo‘rqmaydi, bir xillikdan zerikmaydi.

Halollik. Bir xodim btta lavozida o‘rnashib olishi, o‘z yo‘nalishida tanish-bilishchilik, korrupsiyaga yo‘l qo‘ymasligi uchun ham tez-tez vazifasi almashtiriladi.

Ishtiyoq. O‘z ishini yaxshi ko‘rgan, natijaga ishtiyoqmand bo‘lgan xodimgina yaxshi mehnat qiladi, yangilik uchun yonib turadi. Ishga mehrini beradi.

Mas’uliyat. Har bir xodim kompaniya uchun o‘zining kerakli ekanligini his qiladi. Shu orqali kompaniya rivojiga shaxsiy ulushini qo‘shishi zarurligini ongli ravishda anglaydi.

Mana shu olti prinsip kompniya rivojining poydevori hisoblanadi.

Xulosa. Kitobning asosiy g‘oyasi
Jek Ma – iqtidor va mehnatsevarlik orqali imkonsiz ko‘ringan natijalarni ham qo‘lga kiritish mumkinligiga tirik misol.
Mijoz istagini qondira olish, o‘zgarishlarga moslasha olish kompaniyaga raqobatda g‘alabani ta’minlaydi.
Har bir xodimning ish samaradorligi korporativ kayfiyat va kompaniyada yo‘lga qo‘yilgan ish boshqaruviga bevosita bog‘liq.

Pul har doim yetarli. Bizga o‘z orzusi uchun o‘lishga ham tayyor bo‘lgan ishtiyoqmand odamlar yetishmaydi xolos. (Jek Ma)

@kitob_ombori


XXI asr Rokfelleri – Jek Ma

Dunyodagi eng yirik onlayn savdo platformalaridan biri ALIBABA va uning asoschisi Jek Ma haqida kitob – Dunkan Klark "Alibaba".

Insayt 1

Keng masshtabdagi natijaga ishonch – kompaniya rivojining garovi

1964-yilda Xitoyning Xanchjou shahrida musiqachilar oilasida Ma Yun ismli bolakay dunyoga keldi. Kelajakda shu bolakay Jek Ma ismi va 35 mlrd dollar mablag‘i bilan Xitoyning eng boy odamiga aylanadi.

Jek Ma kambag‘allikda o‘sdi. Sinfdoshlari doim uni mazax qilishardi. O‘qishi ham o‘lda-jo‘lda edi. Boshlang‘ich ta’limda imtihonlarni uch marta yiqilib, keyingina topshirdi. O‘rta ta’limda esa to‘rt marta muvaffaqiyatsizlikdan keyingina imtihonlarni topshira oldi.

Ammo Jek Ma qat’iyatli bola edi. 12 yoshida ingliz tilini o‘rganishga qaror qiladi. Buning uchun har kuni tongda velosipedda 40 daqiqa yo‘l bosib, eng yaqin mehmonxonaga kelishi kerak edi. Shu yerda xorijiy sayyohlar bilan suhbatlashib, inglizchada mashq qila olardi.

Universitetga kirish ham oson bo‘lmadi. U hujjat topshirayotgan oliygoh shahardagi eng yomon o‘quv muassasi edi. Jek matematika imtihonlarida olishi kerak bo‘lgan 120 balldan atigi 1 ballni qo‘lga kirita oldi. Uch marta imtihondan yiqilgach, ingliz tili pedagogikasi yo‘nalishiga o‘qishga kira oldi.

Universitetni bitirgach, oyiga 12 dollar maosh bilan ingliz tili o‘qituvchisi bo‘lib ishga kridi. Uylandi. Maoshi hech narsaga yetmagani bois ancha vaqt boshqa ish qidirib yurdi.

Ishga olish suhbatlarining barchasida bir xil jaqob olardi – YO‘Q. Hatto KFC tez ovqatlanish tarmog‘iga yangi ishchi olish uchun berilgan e’lon bo‘yicha kelgan 25 kishidan 24 kishini tanlab olishdi, faqatgina Jek ishsiz qoldi.

Ammo Jek o‘zini va oilasini ta’minlash uchun ish qidirishda davom etdi. Tarjimalar byurosini ochdi. Bu biznesni o‘zidagi ingliz tilini bilish ko‘nikmasiga asoslangan holda ochgan edi.

Biroz muddatdan so‘ng Jek AQSHga borishga muvaffaq bo‘ldi. Aynan shu yerda hayotini o‘zgartirib yuborgan voqea start oldi. U Xitoyda ishlab chiqarilgan tovarlar boshqa mamlakatlardagi xuddi shunaqa tovarlarga qaraganda sezilarli darajada arzonligiga guvoh bo‘ldi.

Shundan so‘ng Jek xitoylik ishlab chiqaruvchilarga dunyo bozoriga chiqish, butun dunyodagi potensial xaridorlar bilan aloqa o‘rnatish imkonini beruvchi onlayn savdo platformasini yaratishga qaror qildi. Bu xitoylik tadbirkorlarni qimmat yer solig‘i va ijara xarajatlaridan ham ozod etardi.
Gʻoyasini Kremniy vodiysiga taqdim qilgan Jek rad javobini oldi.

Xitoyga qaytgach, 23 nafar yaqin do‘stlarini jamlab, g‘oyasini aytib berdi. 23 kishidan 17 nafari uni qo‘llab-quvvatladi. Va birgalikda pul tashlab, 60 ming dollar boshlang‘ich mablag‘ bilan ish boshlashdi.

Shu tarzda dunyodagi eng yiirk virtual savdo tarmog‘i o‘z ishini boshladi. Jek minglab xitoylik tadbirkorlarga millionlab xaridorlarni jamlagan tayyor platformada o‘z mahsulotini bepul taklif qilish imkoniyatini yaratgan edi. Mahsulotini reklama qilishni istagan tadbirkorlargina pul to‘lashadi.

O‘zgarishlar, hatto eng og‘ir vaziyatlarda ham tez qaror qabul qila olish ALIBABA’ga tirik qolish va rivojlanishga yordam berdi.

2002-yilda Xitoyda SARS virusi epidemiyasi xuruj qildi. Epidemiyada 800 kishi vafot etdi, 8 mingdan ziyod kishi kasallandi. Ammo shu vaziyatda ham ALIBABA xaridorlarga qulaylik yaratdi. Virus tufayli uydan chiqishga qo‘rqib qolgan odamlar xaridlarni onlayn buyurtma qilishlari va o‘z uylarida qabul qilib olishlari mumkin edi. Vaziyatga tez moslashuvchanlik tufayli ALIBABA 10 yil ichida yirik korporatsiyaga – ALIBABA Group’ga aylandi. Uning tarkibiga Alibaba.com, Alibaba Pictures, AliExpress.com, Taobao.com, Tmall.com, Alipay kiradi. Bir yilda 400 mln kishi ALIBABA saytlaridan xaridni amalga oshiradi. Jek Ma esa XXI asr Rokfelleriga aylandi.

Aynan Jek Ma tufayli Xitoyda biznes yuritish tizimi ancha qulaylashdi.


Pul har doim yetarli. Bizga o'z orzusi uchun o'lishga ham tayyor bo'lgan ishtiyoqmand odamlar yetishmaydi xolos

Jek Ma

@kitob_ombori


Agar yolg'izlikda o'zingizni qulay his qilayotgan bo'lsangiz tabriklayman. Sekin-asta odamovi hayot mazmunini tushuna boshlayapsiz ekan

2.6k 0 23 147 287

Insayt 2

Pul bu omad mahsuli, aksincha emas…


2013-yilga kelib Konor ishsizligi tufayli davlat tomonidan beriladigan nafaqaga qarab qolgan, butun vaqtini sport mashg‘ulotlarga sarflar edi. Konorning yagona oliy maqsadi UFC’da qatnashish edi. UFC’da orzusidagidek pul ishlab boyib ketishiga va orzularini ro‘yobga chiqarishiga ishonardi.
So‘nggi mag‘lubiyatidan keyin 8 marotaba g‘alabaga erishgna bo‘lsa-da, hanuzgacha UFC’dan rad javoblari kelardi. Konor o‘ziga bo‘lgan ishonchni yo‘qota boshladi.
Biroq… 2013-yilning 3-fevralida UFC’dan uzoq kutilgan qo‘ng‘iroq yangradi. Unga Shvesiyada o‘tkaziladiga turnirda qatnashish taklifi bilan chiqishgandi.

Konor rozilik bildirsa, hozirgacha biron marta mag‘lubiyatga uchramagan amerikalik Markus Brimejga qarshi jang qilishiga to‘g‘ri kelardi. U misli ko‘rilmagan murakkab tanlov qarshisida turar, nihoyat orzu sari qadam bosishga qaror qildi.
Shvesiyaga UFC’dagi birinchi jangiga qatnashish uchun jo‘nash oldidan 188 yevro miqdoridagi davlat nafaqasiga uzun navbatda turib pulni olishi kerak, chunki bu pulsiz hech qayerga bora olmasdi.

Stokgolm. Shvesiya. 2013-yil 6-aprel. 19 ming tomoshabin jamlangan jang maydoni. Atrofda ko‘zni qamashtiruvchi chiroqlar. Konorning esa hali homiysi ham yo‘q. U oddiy sport kiyimi va yelkasida vatani Irlandiya bayrog‘i bilan jang maydoniga kirib keldi.

Va nihoyat jang boshlandi. Konor Brimejga keskin v aniq zarbalar bilan hamla qilishni boshladi. U o‘z kuchiga ishonar, hayratlanarli jang harakatlarini va oyoq zarbalarini namoyish etardi.

2-daqiqada Konor o‘zining bor imkoniyatini ishga solib, raqibning boshiga ketma-ket yetkazilgan aniq zarbalar bilan uni nokautga uchratdi.

UFC prezidenti jangdan hayratga tushdi.
Va nihoyat Makgregorning hayoti tubdan o‘zgardi. UFC’da bir vaqtning o‘zida ikkita vazn bo‘yicha chempionga aylanib, “vazn tofasidan qat’iy nazar UFC’ning eng zo‘r jangchilari” uchligidan o‘rin oldi. U o‘z maqsadiga erishdi va kambag‘al suvsozdan millioner jangchiga aylandi.

“O‘zimni cho‘qqida his qilaman. Nima qilishingdan qat’iy nazar, o‘z ishingga mukkasidan ketishing, unga borlig‘ingni berishing kerak. Shuning uchun men o‘z ishimdan boshqasini bilmayman va boshqa hech narsaga ahamiyat bermayman ham”


Xulosa. Kitobning asosiy g‘oyasi.

Faqatgina ishonch va muntazam mehnat seni muvaffaqiyat va orzularingga yetaklaydi. Konor Makgregor o‘ziga va o‘z maqsadlariga ishonar edi, hali ham ishonadi va o‘zini bunga butkul baxshida qiladi.
Aynan shu uni oddiy suvsoz ustadan millionerga va UFC’ning eng zo‘r jangchilaridan biriga aylantirdi.

@kitob_ombori


Suvsozdan chempionga aylangan Makregor.

Jon Kavana – “Konor Makgregor. Qoidalarsiz hayot” kitobi

Irlandiyalik oddiy suvsoz qanday qilib millionlar tikiladigan o‘yinchiga aylandi? Nega o‘zingga bo‘lgan ishonchni hech qachon yo‘qotmaslik kerak? Qanday qilib Konor Makgregor UFC chempioniga aylandi?
Konor Dublin shahrida oddiy oilada, ikki qizdan keyin tug‘ilgan yagona o‘g‘il edi. Otasi oddiy ishchi bo‘lgan.
7 yoshigacha futbol bilan shug‘ullanishni orzu qilgan Konor kattaroq bolalardan ko‘chada o‘zini himoya qilishiga to‘g‘ri kelganligi sababli keyinchalik aralash jang san’atiga qiziqa boshladi.
Maktabni bitirgach, oilasining jang san’atini tushunmasligi, “bu orqali pul ishlab bo‘lmaydi” degan majburlovlar ostida Konor otasi singari suvsozlik kasbini tanlashga majbur bo‘ladi.

Shunga qaramay, Konor o‘rtoqlari bilan yakkakurashda shug‘ullanishni davom ettirdi. Mashg‘ulotlar to‘g‘ri kelgan joyda, hatto yerto‘lada ham o‘tardi.
2006-yilda taqdir taqozosi bilan 18 yoshli ozg‘in, boshi kalga qirtishlagan Konor aralash jang san’ati murabbiysi Jon Kavananing mashg‘ulotlar zaliga kelib qoladi va u yerda murabbiysini uchratadi.

U kunning asosiy qismini zalda o‘tkazardi. Butun kuch va shijoati bilan mashq qilar, boshqa sportchilarning jang texnikasini o‘zlashtirishga harakat qilar, hammadan o‘zishga intilardi. Va asosiysi u bu intilishlari bir kun o‘zini oqlashiga ishonardi.

Insayt 1

“Unutmang, mag‘lubiyat mavjud emas. Yoki g‘alaba qozonasiz, yoki bilim va tajribaga ega bo‘lasiz”
2007-yili Konor oddiy ishqiboz sifatida, 2008 yildan boshlab esa professional janglarda qatnashishni boshlaydi. Xuddi shu yili o‘zining birinchi professional jangidayoq g‘oliblikka erishadi. Xursandchiligidan hatto kapasini yulib tomoshabinlarga qarab otadi. Kapa esa tomoshabinning naqd yuziga borib uriladi.
3-professional jang 3 oydan so‘ng bo‘lib o‘tadi. Konor litvalik Artemiy Sitenkovga qarshi jang qiladi. Konor chiroyli harakatlar bilin yutishga uringanida, bu harakatlarni o‘xshatolmaganligi sababli jangni yutqazadi. Sitenkov jangni parterga o‘tkazdi, Konorning oyog‘ini iskanjaga olib uni mag‘lubiyatga duchor etadi.

Bu paytda Konor murabbiysi Jon Kavanadan qarz ham edi, jangdagi mag‘lubiyatdan keyin esa cho‘ntagidagi oxirgi tiyinini ham boy berdi. Oxir-oqibat Konor butunlay tushkunlikka tushdi.

Mag‘lubiyatdan keyin Konor chuqur depressiyaga tushib, xonasiga qamalib olgan, ko‘chada bezorilar guruhiga qo‘shilib qolgan edi. U o‘z hayotini izdan chiqara boshladi.
Bir oydan so‘ng Konorning onasi Jon Kavanega qo‘ng‘iroq qilib Konor bilan ko‘rishishini va unga dalda berishini iltimos qiladi.
Bir kuni u uyida kutilmaganda Jonni kutib oladi. Murabbiy bilan tortishuvlardan keyin Konor xatolarini tan olib, yaxshi tomonga o‘zgarishga so‘z beradi.

2010-yilning 27-noyabrida Konorning 6-professional jangi bo‘lib o‘tadi. Shu paytga qadar u 4 g‘oliblik va 1 mag‘lubiyatga uchragan edi. Uning bu jangi Jozef Daffiga qarshi o‘tdi. Jangning 20-soniyasidayoq Konor Jozefning yuzini qonga belashga ulguradi.

Lekin Daffi Konorning oyog‘idan ushlab, kuragini yerga tekkizadi va Konorni bo‘g‘ish bilan 38-soniyada uni navbatdagi mag‘lubiyatga duchor etadi.
Haftani mag‘lubiyat bilan tugatdan bo‘lsa-da, Konor yana shijoat va g‘ayrat bilan mashq qilish uchun zalga qatnashni davom ettiradi.
Pulsizlik muammosi davom etar, Konor suvsozlik bilan shug‘ullanishni ham davom ettirishga majbur edi. Keyinchalik u baribir bu kasbini tark etdi...

@kitob_ombori


“O‘zimni cho‘qqida his qilaman. Nima qilishingdan qat’iy nazar, o‘z ishingga mukkasidan ketishing, unga borlig‘ingni berishing kerak. Shuning uchun men o‘z ishimdan boshqasini bilmayman va boshqa hech narsaga ahamiyat bermayman ham”

Konor Makgregor

@kitob_ombori

2.8k 0 28 15 114

Chexov nazdida kimlar tarbiyali kishilar sanalgan

Taniqli rus adibining fikricha, tarbiyali kishilarda quyidagi sifatlar bo‘lishi kerak:

1. Ular inson shaxsiyatini hurmat qilishadi, shuning uchun doim iltifotli, yumshoq, xushmuomala, ko‘ngilchan bo‘lishadi. Ular bolg‘acha yoki yo‘qolgan rezinka uchun to‘polon qilishmaydi; birov bilan yashaganda, buni marhamat yuzasidan qilishmaydi, ketayotganda esa “siz bilan yashab bo‘lmaydi!” deyishmaydi. Ular shovqinni ham, sovuqni ham, qovurganda kuyib ketgan go‘shtni ham, keskinlikni ham, uylarida begonalarning borligini ham kechirishadi.

2. Ular faqatgina faqir va mushuklargagina shafqatli emas. Ular oddiy ko‘z bilan ko‘rib bo‘lmaydigan narsalardan ham qalban azoblanishadi.

3. Ular birovlarning mulkini hurmat qilishadi, shuning uchun qarzlarini to‘lashadi.

4. Ular oqko‘ngil, yolg‘ondan olovdan qo‘rqqandek qo‘rqishadi. Hatto arzimagan narsalarda ham yolg‘on gapirishmaydi. Yolg‘on tinglovchi uchun haqorat, gapirayotgan kishini uning nazdida yerga uradi. Ular o‘zlarini ko‘z-ko‘z qilishmaydi, ko‘chada ham o‘zlarini xuddi uydagidek tutishadi, boshqalarni aldashga urinishmaydi. Ular sergap emas, so‘ralmaganda, yuraklarini ochaverishmaydi. Boshqalarning quloqlarini hurmat qilganlari uchun ko‘proq jim yurishadi.

5. Boshqalarda shafqat va yordam hissini uyg‘otish uchun o‘zlarini xarob qilishmaydi. Yaxshi ko‘rib qolishlari, g‘amxo‘rlik qilishlari uchun birovlarning hissiyotlari bilan o‘ynashishmaydi. Ular “meni tushunishmaydi!” deyishmaydi.

6. Ular behalovat emas. Bundaylarni mashhurlar bilan tanishish, shon-shuhrat singari soxtaliklar qiziqtirmaydi.

7. Agar iste’dodlari bo‘lsa, o‘z iste’dodlarini hurmat qilishadi. Uning uchun halovat, ayollar, sharob, behalovatlikdan voz kechishadi.

8. Ular o‘zlarida estetikani tarbiya qilishadi. Kiyimda uxlay olishmaydi, devorda qandalali yoriqlarni ko‘risholmaydi, sassiq havodan nafas olib, tuflab tashlangan poldan yurisholmaydi, kerosinkadan ovqatlanisholmaydi. Ular shahvatni jilovlashga urinishadi...

Tarbiyali kishilar shunday bo‘lishadi. Tarbiyali bo‘lish va o‘zi tushgan muhitdan past bo‘lmaslik uchun faqat Pikvikni o‘qish va Faustdan monolog yodlab olish yoki izvoshga o‘tirib, bir haftadan keyin qochib ketish uchun Yakimankaga jo‘nash kifoya emas.

Buning uchun kechayu kunduz, tinmay mehnat qilish, doimiy mutolaa, sinchiklab o‘rganish, iroda kerak. Bunda har bir soat qimmatli.

@kitob_ombori


Meni ijtimoiy tarmoqda eng charchatgan narsalar:

1. Tartibli ilmdan uzoqlashish va shuning natijasida paydo bo‘layotgan bo‘lmag‘ur bahslar (muhimi, bu tortishuvlarda hech kimning yengganini ko‘rmadim hali);

2. Tarafkashlik (katta muammolarni gapirishning foydasi bormikin, shu arzimagan masalada sharmandalik ko‘rinish zohir);

3. Guruhbozlik (maydalashishning yana bir xunuk ifodasi);

4. Osmoniy so‘zlardan manfaat yo‘lida foydalanish (insonmiz-ku deyishimiz mumkindir, ammo baribir bu gap oqlab bermaydi bizni);

5. Tortishuvda yengish uchun hadis izlash (qidirish tugmasi ham sezadi qizarayotgan yuzni);

6. Alloh asrasin, shu maqsad yo‘lida hatto oyat izlash (odam o‘lgani yaxshi shu ishni qilganidan!);

7. Qilgan amalini ro‘kach qilaverish (banda aslida hech kim);

8. O‘tmish bilan yashab qolish va o‘sha o‘tmishni yuzga solaverish (orqaga qarayvergan odam bexosdan chuqurga tushib ketadi);

9. Xolislikni o‘zini qo‘llovchilardagina ko‘rish (qiyin, juda qiyin bu illatdan qutulmoq, ammo qutulmoq kerak, shunisi aniq);

10. Samimiyatdan uzoq xulosalar (bobomni sog‘indim);

Ko‘pi o‘zimda uchragani uchunmi, mazkur qusurlarni darrov ilg‘ayman, meni alday olmaysizlar, uzr!

Xayrulla Hamidov

@kitob_ombori

3.2k 0 43 11 118

Joanna Ketling Rouling haqida sizga ma'lum bo'lmagan ma'lumotlar

Joanna Rouling 31-iyulda tavallud topgan. Garry Potterni tug’ilgan kuni ham aynan mana shu kunda.

Germiona obrazi orqali Rouling aslida o’zini tasvirlagan.
Ron esa uning maktabdagi do’stining ismi.

1982-yilda Rouling Oksford universitetiga imtixon topshiradi va afsuski o’qishga kira olmaydi.

Dementorlar obrazi yozuvchi o’zi boshidan kechirgan davomli depressiyalar natijasida paydo bo’lgan.

Garri Potter asarini birinchi qismini 12 ta nashriyot bosib chiqarishni rad etadi.
Yozuvchiga hatto erkakcha ism bilan ijod qilishni maslahat berishadi.

“Jodu saltanati Hayoliy hayvonlar” kitobidan tushgan deyarli barcha gonorarlarni yozuvchi hayriya ishlari uchun sarflagan.

“Garri Potter va alanga kubogi” kitobida Grifinndor sinfida Natali ismli o’quvchi obrazi bor. Bu obrazni yozuvchi leykomiya kasalligidan vafot etgan muhlisasi xotirasi uchun o’z kitobiga kiritgan.

7 raqami o'ziga hos ramziy ma'noga ega. Masalan, Garri Potter kitobi 7 qismdan iborat, Hogvarsdda o'qish davomiyligi 7 yil, Kvidich o'yinida o'yinchilar soni 7 ta, Volan de Mortning jon tumorlari soni ham 7 ta, Uizlilarning 7 ta farzandlari borligi...

Asardagi tasvirlangan Londondagi King Kross vokzali Rouling uchun alohida ahamiyatga ega. Chunki aynan mana shu vokzalda yozuvchining ota-onasi ilk bor tanishishgan.

Joanna Rouling ilk asarini 6 yoshida yozgan bo'lib, nomi "Quyoncha" bo'lgan ekan.

@kitob_ombori

3.4k 1 39 22 145

So'nggi o'n yillikning eng yaxshi non-fiction kitoblari (1-qism)

Ilhom olish, qimmatli tajriba orttirish va dunyoni biroz o'zgartirish uchun qanday kitoblarni o'qish kerak? Albatta, non-fiction janridagi kitoblarni!

Non-fiction janri badiiy bo'lmagan adabiyotning turli yo'nalishlarini birlashtiradi: tarjimai hollar, publitsistika, psixologiya, o'z-o'zini rivojlantirish, ilmiy-ommabop, san'at, go'zallik va hokazo.

Badiiy janrdagi asarlarga xurmat saqlagan holda shuni takidlash lozimki so'nggi paytlarda non-fiction janri kitobxonlar orasida juda ommalashmoqda. Ba'zilar badiiy adabiyotni o'qishni butunlay to'xtatmoqdalar. Kimlardir xayoliy voqea-hodisalarga qaraganda turli sohalardagi mutaxassislarning haqiqiy, foydali maslahatlarini afzal ko'rishmoqda.

Bugun ko'plab obunachilarimizni talab istaklaridan kelib chiqqan holda so'nggi yillarda eng ommabop va ko'plab kitobxonlarni e'tirofiga sazovar bo'lgan non-fiction kitoblarni ro'yxatini tuzdim. O'ylaymanki bu kitoblarga ketkazgan vaqtingizga aslo achinmaysiz.

1. Mari Kondo "Sarishtalik sehri" Uy va hayotni tartibga keltirishning yapon usuli!

Mari Kondo - tartib-intizom boʻyicha butun dunyoga mashhur yapon maslahatchisi va bestseller "Sarishtalik sehri"ning muallifi. Asar tartib haqidagi tasavvurlaringizni butkul oʻzgartirib yuboradi.

Yaponlarda shunday qarash bor ekan: "Uyni tozalash va hojatxonadagi mukammal tozalik omad keltiradi, agar uyingiz tartibsiz boʻlsa, hojatxonani sayqallashdan natija yoʻq."

"Xonadagi tartibsizlik - boshdagi tartibsizlik", - deydi, Mari.
Chindan xona toza va tartibli boʻlsa, oʻzimizni tinglashimizga imkoniyat ortadi. Yanada muhim muammolar bilan shugʻullanishga yoʻl ochiladi. Uyimizni tartibga keltirish orqali aslida nima bilan mashgʻul boʻlishni istayotganimizni aniqlab olamiz.(Kuni shunchaki uy yumushlari bilan oʻtib ketadigan bekalar uchun ayni haq gap).

Yozuvchi tozalashdagi muvaffaqiyatning sirlaridan biri: hamma joyni chaqqonlik bilan tozalash va keraksiz buyumlardan butunlay xalos boʻlishda deya koʻp-koʻp taʼkidlaydi. Yana sirlari, usullari haqida kitobni o'zingiz oʻqib koʻrib oʻrganib olishingiz mumkin.

2. Yuval Noa Harari "Sapiens. Insoniyatning qisqacha tarixi"

Doktor Yuval Harari tabiatshunoslik yondashuvini tarixiy yondashuv bilan birlashtirib, ko'plab qabul qilingan g'oyalarni shubha ostiga oladi. O'tmishdagi voqealar va bugungi tashvishlarimiz o'rtasidagi bog'liqlikni aniqlaydi hamda individual voqealarni yagona global kontekstda ko'rib chiqadi. Rivojlanayotgan insoniyat global ekotizimga qanday ta'sir qilganini va imperiyalar taqdirini tahlil qilib kelajakka nazar tashlaydi.

3. Henri Marsh ”Ozor berma”

Hammaga ma’lumki tibbiyot eng murakkab, shu bilan birgalikda insondan katta mas’uliyat talab etiladigan soha. Neyrojarrohlik esa, ana shu murrakab tibbiyotning eng dolzarb va ahamiyatli bir bo’lagidir. “Ozor berma”da siz ana shu sohada faoliyat yuritayotgan vrach hayoti bilan tanishasiz. Uning yutuqlaridan tortib xatolarigacha boxabar bo’lasiz. Kitob qisqa hikoyalardan iborat bo’lib, har bir bobda har xil bemor, kasallik, operatsiya tasvirlanadi.

@kitob_ombori


Ushbu suratni Rossiyalik fotograf S. M. Prokudina 1910-yilda Samarqandda olgan.
"O‘quvchi kitob bilan" deb nomlangan.

Hozirgi kunda surat Amerika Qo‘shma Shtatining Kongress kutubxonasining arxivida saqlanmoqda.

Bugunchi? Nafaqat bolalarimizni balki o’zimizning ham qo’limizdan telefon tushmaydi. Balki shuning uchun ham ta'limni eng quyi darajasiga tushishda davom etmoqdamiz.

@kitob_ombori

3.6k 0 31 41 170

So'z ro‘zasini tutmoq kerak:
lozim vaqtda kerakli so‘zlarni aytib, qolgan vaqtda og‘izga qulf urmoq kerak...

@kitob_ombori

3.9k 1 37 23 256

«Ko'k jiguli»,«Janze» kabi ashulalarni va ularga ishlangan kliplarni hozir ko'rdim.
Bunaqa qo'shiqlarni kayf qilib yana qayta-qayta eshitish uchun nimadan chekvolish kerak?

4.5k 0 29 254 453

​​- Men sizga «muhtaram janob» deb murojaat qilishga majburmanmi?
- Albatta!
- Juda yaxshi! Siz o‘taketgan ablahsiz, muhtaram janob!..

Ayzek Azimov, «Akademiya»

@kitob_ombori

4.4k 0 15 6 167

Kitoblar ombori (blog) dan repost
Agar dunyoda mutlaq baxt tushunchasi bo‘lsa va siz uni his qilayotgan bo‘lsangiz, bilingki, siz kerak joyda kerakli inson bilansiz.

Fenni Fleg

@kitob_ombori

4.3k 0 85 30 169

Muvaffaqiyatlaringizga chidaydigan inson turi – do‘st deb ataladi.

@kitob_ombori

5.2k 0 70 89 295

Ular dindan gapirganlar lekin aslo din orqali kun ko'rmaganlar

Hozir Muhammad Amin Yildirimning «Savdogar sahobalar yoxud saodat asrida tijorat» nomli kitobni o'qiyapman. Kitob menga g'oyatda manzur bo'lyapti. Ushbu asarda shar'iyat bo'yicha tijorat qilish, bozor munosabatlari, musulmon savdogarning ahloqi, o'zini tutishi, tijoratda qilishi va qilmasligi kerak bo'lgan ishlar muhtasar bayon qilingan. Bundan tashqari payg'ambarlarning ham tirikchilik uchun o'zlariga kasb topib, o'sha kasbi sabab rizqlanganini quyodagi parchadan bilib olish mumkin:

«Dovud alayhissalom oddiy kiyimlar kiyib, ko‘chaga chiqib, yurt aylanardilar. Qayerga borsalar, oddiy xalqdan «Dovud qanday odam?» deb so‘rardilar. Bir kuni Jabroil alayhissalom bir yosh yigit qiyofasida Dovud alayhissalom bilan uchrashib qoldi. Dovud alayhissalom undan ham «Ey yigit! Dovud qanday odam?» deb so‘radilar. Jabroil: «Dovud yaxshi inson. Lekin bir kamchiligi bor», dedi. Dovud alayhissalom qiziqib, «Qanday kamchilik ekan?» deb so‘radilar. Yigit: «Tirikchiligini davlat xazinasidan ko‘ryapti. Holbuki, insonlarning eng xayrlisi - o‘zi mehnat qilib topgan insondir», dedi. Shundan keyin Dovud alayhissalom mehrobga ko‘zlarida yosh bilan qaytdilar, so‘ng Allohtaologa yig‘lab, «Allohim, menga xazinaga muhtoj qilmaydigan tirikchilik yo‘lini o‘rgatgin!» deb, yolvorib duo qildilar. Alloh taolo u zotga temirni yumshoq qilib qo‘ydi, sovut yasashni o‘rgatdi. Dovud alayhissalomning qo‘lidagi temir boshqalarning qo‘lidagi xamirdek bo‘lib qoldi.

Yuborilgan payg‘ambarlarning barchasi o‘z qo‘llari bilan kasb-kor qilganlari, bu borada hech kimning qo‘liga qarab qolmaganlari uchun ham ularning so‘zlari ta’sirliroq bo‘lgan. Insoniyatning bobokaloni, birinchi payg‘ambar bo‘lgan Odam alayhissalom ham dehqonchilik qilganlar. Idris alayhissalom podshoh, yagona hokim bo‘lsalar ham, tikuvchilik qilganlar, u zot birinchi bo‘lib kiyim tikib kiygan insondirlar. Tikish paytida ham Allohning zikridan g‘ofil bo‘lmaganlar. Nuh alayhissalom duradgor edilar, u zot birinchi bo‘lib kema yasaganlar. Hud alayhissalom va Solih alayhissalom tijoratchi, Ibrohim alayhissalom ziroatchi, Ismoil alayhissalom ovchi, Ishoq alayhissalom, Ya’qub alayhissalom, Shuayb alayhissalom va Muso alayhissalomlar cho‘pon bo‘lganlar. Shu o‘rinda Iyso alayhissalomning onasi eshib bergan iplarni sotganlarini ham unutmaslik lozim.


@kitob_ombori

5.3k 0 28 8 102
20 ta oxirgi post ko‘rsatilgan.