Kitob tumani tibbiyotida tarixiy voqea!
Kitob tuman Tibbiyot birlashmasida Respublika tumanlari orasida birinchilar qatorida buyrak ko‘chirib o‘tkazish operatsiyasi muvaffaqiyatli amalga oshirildi
Tibbiyot sohasida amalga oshirilayotgan islohotlar samarasida Kitob tumani tibbiyot birlashmasida o‘ziga xos tarixiy voqea sodir bo‘ldi. Respublika tumanlari orasida birinchilar qatorida bu yerda buyuk yutuq – buyrak ko‘chirib o‘tkazish operatsiyasi muvaffaqiyatli amalga oshirildi.
Mazkur operatsiya Akademik V. Vahidov nomidagi Respublika ixtisoslashtirilgan ilmiy xirurgiya markazi, viloyat Ko`p tarmoqli tibbiyot markazi hamda Kitob tuman Tibbiyot birlashmasi jamoasining hamkorlikdagi saʼy-harakatlari natijasida amalga oshirildi.
Jarrohlik amaliyoti davomida mirishkorlik 21 yoshli M.Narzullayevaga uning onasi, 45 yoshli D.Boyeva donorligida buyrak ko‘chirib o‘tkazildi. Ushbu operatsiya nafaqat bemor va uning oilasi, balki tibbiyot tizimi uchun ham muhim qadam bo‘ldi.
Bemor 3 yil davomida surunkali buyrak yetishmovchiligi tashxisi bilan kurashib kelayotgandi. Uning sog‘ayishi uchun zarur bo‘lgan donor buyrakni onasi taqdim etdi. Shu orqali ona farzandining sog‘lig‘i uchun ulkan fidoyilik namunasini ko‘rsatdi.
Ushbu muvaffaqiyatli jarrohlik amaliyotlari Muhtaram Prezidentimizning tibbiyot sohasida amalga oshirayotgan keng qamrovli islohotlarining yorqin ifodasi bo‘lib, yurtimizda yuqori texnologik tibbiy xizmatlarning rivojlanayotganidan dalolat beradi. Ayniqsa, viloyat va tumanlarda yuqori malakali tibbiy xizmatlarning joriy qilinishi xalqning sog‘lom turmush tarzini taʼminlashga xizmat qilmoqda.
Kitob tumanida amalga oshirilgan ushbu tarixiy voqea tibbiyot sohasidagi yuksak salohiyatni yana bir bor tasdiqladi. Bu esa kelgusida yurtimizda tibbiyotning yanada rivojlanishiga, bemorlarning shifo topishiga bo‘lgan ishonchni oshiradi.
🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h
💬Facebook | 📸Instagram | 🌍Web sayt| ✅Telegram | ✅Twitter | 📹YouTube