Kitob tumani hokimligi| RASMIY

Kambag'allikdan farovonlik sari!

O‘zbekistonda aholining turmush darajasini oshirish va kambag‘allikni qisqartirish maqsadida amalga oshirilayotgan "Kambag‘allikdan farovonlik sari" dasturi doirasida Kitob tumanida keng ko‘lamli ishlar olib borilmoqda. Dastur doirasida aholini daromadli faoliyatga jalb qilish, tadbirkorlikni qo‘llab-quvvatlash, tomorqalardan unumli foydalanishni rag‘batlantirish va oilaviy biznesni rivojlantirishga alohida e’tibor qaratilmoqda.

Jumladan, tumanning "Bektemir" MFYda aholining tomorqachilik madaniyati rivojlanayotganligi, xonadonlarda issiqxonalar tashkil etilayotganligi va unda yetishtirilayotgan mahsulotlar yil bo`yi bozorlarimizga yetkazib berilayotganligini alohida e`tirof etish joiz. Shuningdek, xonadonlarda chorvachilik, parrandachilik sohalarining ham keng yoyilishi aholi vakillarining qo`shimcha daromad topishiga zamin yaratmoqda.

Bundan tashqari, so`nggi yillarda tadbirkorlikka keng yo`l ochilganligi orqali eng chekka hududlarda oilaviy korxonalar, yangidan yangi tadbirkorlik subyektlari soni ortishiga xizmat qilmoqda. Bunda "Ustoz - shogird" an`analari ham muhim o`rin tutmoqda.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube

🎶 "Yoshlik navolari" – dillarni xushnud etgan kecha!

Kitob tumani Madaniyat saroyida o‘tkazilgan "Yoshlik navolari" musiqiy madaniy targ‘ibot tadbiri haqiqiy "Nazm va navo" kechasiga aylandi. Bu jarayon tomoshabinlarning kayfiyatiga o‘zgacha quvonch ulashib, madaniyatga bo‘lgan mehrini yanada oshirdi.

Tadbirda Ali Qushchi, Xalqlar Do‘stligi, Guliston, Toshkent, Ulug‘bek mahallalarining aholisi, nuroniylar, yoshlar hamda xotin-qizlar ishtirok etishdi. Ularning barchasi uchun bu kecha unutulmas onlarga boy bo‘ldi.

Tuman Madaniyat bo`limi xodimlari tomonidan taqdim etilgan konsert dasturi barchaga o‘ziga xos zavq bag‘ishladi. Yuraklarni jo‘sh urdirgan kuy-qo‘shiqlar yangragan sayin, tomoshabinlar ham raqslarga ulanib, kayfiyat ko‘tarildi. Ushbu go‘zal kecha san’at va madaniyatning inson ruhiyatiga ijobiy ta’sirini yana bir bor isbotladi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube‌‌

Hashar — elga yarashar!

Obod yurtning fayzi, tarovati o‘zgacha bo‘ladi. Zotan, ozodalik, poklik, saranjom va sarishtalik yurtimizning yanada ko‘rkam bo‘lishiga zamin yaratadi. Bunda xalqimizning yillar davomida shakllangan ezgu qadriyati – hashar muhim o‘rin tutadi.

Kitob tumanida ham ana shunday ezgu tadbir amalga oshirilmoqda. Hashar doirasida tumandagi barcha mahallalar kesimida obodonlashtirish tadbirlari amalga oshirilmoqda. Tozalash tadbirlari davomida markaziy ko`chalar, qishloq qabristonlari tozalanib, manzarali daraxt ko`chatlari ekildi.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube‌‌

Kitoblik yoshlar ishtirokida"Armiya hayot maktabi" shiori ostida ma'naviy-ma'rifiy tadbir o'tkazildi

Shahrisabz shahrida joylashgan "Temurbeklar maktabi" harbiy akademik litseyida "Armiya hayot maktabi" shiori ostida ma'naviy-ma'rifiy tadbir tashkil etildi. Tadbirda Kitob tumani Mudofaa bo`limi tashabbusi bilan tashkil etilgan tadbirda tumanimizdan tashrif buyurgan bir guruh yoshlar ishtirok etdilar.

Tadbir doirasida mehmonlar harbiy ta'lim muassasasida yaratilgan sharoitlar bilan yaqindan tanishdilar. Ular uchun harbiy intizom, o'quv jarayonlari va kursantlarning hayoti haqida batafsil ma'lumot berildi. Bundan tashqari, yoshlar "Temurbeklar maktabi" kursantlari bilan bevosita muloqot qilish, ularning o'qish va mashg'ulot jarayonlari haqida fikr almashish imkoniyatiga ega bo'ldilar.

Tadbirning eng qiziqarli qismi harbiy ta'lim muassasasida tahsil olayotgan kursantlarning chiqishlari bo'ldi. Ular tomonidan namoyish etilgan qurolsiz jang (qul jangi) chiqishlari yoshlar qalbida ona Vatanga xizmat qilish istagini yanada kuchaytirdi. Kursantlarning jismoniy tayyorgarligi, intizomi va mardligi yosh mehmonlarga katta taassurot qoldirdi.

Ushbu tadbir yosh avlodda Vatanga sadoqat, harbiy xizmatga bo'lgan qiziqish va milliy g'ururni yanada oshirishga xizmat qildi. Yoshlar uchun o'z oldilariga katta maqsadlar qo'yish, Vatan himoyasiga tayyorlanish yo'lida muhim turtki bo'ldi. Tadbir yakunida ishtirokchilar o'z taassurotlari bilan o'rtoqlashib, kelajakda harbiy sohaga oid bilimlarini yanada chuqurlashtirishga intilishlarini bildirdilar.

🔍Quyidagi havolani bosing va Kitob tumani hokimligi telegram kanaliga qo'shiling👇👇👇
❤https://t.me/joinchat/WIzE6dryhMqccL7h

💬Facebook | 📸Instagram | 🌍Web sayt|  ✅Telegram | ✅Twitter | 📹YouTube