DIQQAT, TANLOV!

O‘zbekiston kasaba uyushmalari Federatsiyasining Farg‘ona viloyati Kengashi tomonidan O‘zbekiston kasaba uyushmalari harakatining 120 yilligi ham yoshlar o‘rtasida kasblarga bo‘lgan qiziqishni yanada oshirish maqsadida Farg‘ona viloyatidagi kasaba uyushmalari xizmati tashkil etilgan mehnat jamoalaridagi 35 yoshgacha bo‘lgan yosh ishchi-xodimlar o‘rtasida “Mening kasbim – mening faxrim!” shiori ostida videoroliklar ko‘rik-tanlovni e’lon qiladi.

Ko‘rik-tanlovda ijodiy ishlar 2025-yilning 1-aprelidan 1-mayigacha +998916588380 telefon nomeridagi telegram orqali qabul qilinadi va rasmiy telegram kanali (https://t.me/kasabafar) orqali yoritib boriladi.

Ishtirokchilarning ijodiy ishlariga 5 may sanasigacha kuzatuvchilar tomonidan ovoz berish ishlari amalga oshiriladi. Eng ko‘p ovoz to‘plagan 3 nafar g‘olib va 7 nafar rag‘batlantiruvchi o‘rin egalari aniqlanadi.

Gʻoliblar O‘zbekiston kasaba uyushmalari Federatsiyasining Farg‘ona viloyati kengashi tomonidan munosib taqdirlanadi.

Eslatma:
Ishtirokchilardan ijodiy ishlarni yuborayotganda yoshi, ish joyi va lavozimini to‘liq yozishi va bog‘lanish uchun telefon nomer ko‘rsatishi zarur.

Batafsil

Tanlovni o‘tkazish bo‘yicha Tashkiliy qo‘mita.