Қамаши тумани ҳокими хориждаги ёшлар билан онлайн мулоқот ўтказди

Қамаши тумани ҳокими Хуршид Усмонов туман ташкилот раҳбарлари иштирокида хорижда таҳсил олаётган ва меҳнат фаолиятини олиб бораётган ёшлар билан онлайн мулоқот ўтказди.

Буюк Британия, Россия, Татаристон давлатида бўлиб турган ёшларнинг таклиф ва мурожаатлари ўрганилди.

Хусусан, Буюк Британияда таҳсил олаётган Маржона Мейлиева туманимиздаги ёшларни хорижда таҳсил олиш бўйича ўз тажрибалари билан ўртоқлашиш мақсадида онлайн мулоқот ўтказиш таклифини билдирди. Унинг таклифи маъқулланиб, тез кунда ёшлар билан онлайн мулоқот ўтказишга келишиб олинди.

Мулоқот давомида билдирилган мурожаатлар тегишли ташкилотга бириктирилиб, ижроси назоратга олинди.

Qamashi24.uz |Facebook | Telegram |Instagram