Jizzax viloyatida xotin-qizlarni qo‘llab-quvvatlash, ularni tadbirkorlikning turli
sohalaridagi salohiyatini rivojlantirish maqsadida quyidagi muhim tadbirlar o‘tkazildi:

🏫 Farali School rasmiy ochildi. “SCHOOL FARALI” MCHJ tomonidan tashkil etilgan zamonaviy Farali School ta’lim muassasasi ochilib, yoshlar uchun qulay va innovatsion muhit yaratildi. Ta’lim sohasining rivojiga qaratilgan ushbu qadam katta e’tiborga sazovor bo‘ldi.

🌱 “Gulchi Opa Tomorqa Xizmatlari” MCHJga amaliy tashrif. Tadbirkor ayollar kengashi gul, kulupnay, sut mahsulotlari, chorvachilik va pillachilik sohalaridagi faoliyatlar bilan tanishdi. Ilg‘or texnologiyalar taqdim etilib, mahalliy ishlab chiqarish salohiyati yuqori baholandi.

🤝 Sayyor qabul va ochiq muloqotlar. 200 nafar tadbirkor ayol va 50 nafar ishsiz xotin-qiz bilan muloqot o‘tkazildi. 10 ta muammo joyida hal etildi, 20 nafarga biznes uchun vaucherlar, 14 nafarga o‘quv kurslari sertifikatlari topshirildi.

✍️ B2B uchrashuvlar va memorandumlar.
B2B muloqotlar orqali yangi hamkorliklar yo‘lga qo‘yildi. Savdo-sanoat palatasi va Oila va xotin-qizlar qo‘mitasi o‘rtasida hamkorlik memorandumi imzolandi. Ushbu hamkorlik kelgusida yangi loyihalarga poydevor bo‘ladi.