Savdo va qishloq xoʻjaligi sohalaridagi hamkorlik

Uchrashuv davomida mamlakatimizda yetishtirilayotgan meva-sabzavotlardan tayyorlangan qoʻshilgan qiymatga ega mahsulotlarni Belarus bozoriga eksport qilish imkoniyatlari muhokama qilindi. Maʼlumki, Holdingning agrar yoʻnalishdagi korxonalarida ishlab chiqarilayotgan mahsulotlar ekologik jihatdan toza va yuqori sifatli boʻlib, xalqaro bozorda katta talabga ega.

Belarus Respublikasining yirik savdo nuqtalari orqali ushbu mahsulotlarni sotishni tashkil etish, logistika va taqsimot tizimini takomillashtirish boʻyicha takliflar ilgari surildi.

Shuningdek, qishloq xoʻjaligi hamkorligini kengaytirish, sut mahsulotlari, urugʻchilik va goʻsht mahsulotlarining eksport-importi boʻyicha bir qator loyihalar muhokama qilindi.

Turizm sohasidagi istiqbollar

Uchrashuvda mehmonlar Holding delegatsiyasini joriy yil 28-29-mart kunlari Minsk shahrida boʻlib oʻtadigan turizm boʻyicha xalqaro tadbirga taklif etishdi. Bu taklif oʻzaro turizm salohiyatini rivojlantirish, sayyohlik imkoniyatlarini oʻrganish va tajriba almashish uchun muhim maydon boʻlib xizmat qilishi taʼkidlandi. Oʻzbekistonning boy madaniy va tarixiy merosi, betakror tabiati Belarus turistlari uchun katta qiziqish uygʻotishi mumkinligi qayd etildi.

Uchrashuv yakunida savdo-iqtisodiy hamda turizm yoʻnalishidagi munosabatlarni mustahkamlash – bugungi global iqtisodiy sharoitda ustuvor ahamiyat kasb etishini inobatga olgan holda hamkorlik qilishga kelishib olindi.