Хабарингиз бор маҳалладаги кўп қаватли уйлар атрофи, йўлак ва кўчалар ободонлаштирилиб, ариқларда тўпланиб қолган турли хазонлар ва бошқа чиқиндилар ҳашар йўли билан тозаланмоқда.
Шунингдек, кўп қаватли уйлар атрофидаги экин майдончаларини эгаллаб олиб, ташландиқ ҳолатга келишига сабабчи бўлган фуқаролар билан алоҳида тушунтириш ишлари олиб борилиб, ободонлаштириш чоралари кўрилмоқда.

Жумладан, Бўстон маҳалласида қаровсиз ва ташландиқ бўлиб ётган ерлар, йўл четлари, ариқлардаги хазонлар ва ва бошқа чиқиндилар тўпланиб қолганлиги боис ушбу маҳаллада туман ташкилотлари ва маҳаллий аҳоли билан биргаликда ободонлаштириш ишлари олиб борилди.

Махсус техникалар ёрдамида ташландиқ бўлиб ётган ерларда бегона ўтларнинг хас-хазонларидан тозаланиб, олиб чиқиб ташланди ва баҳорги кўчатларни экиш мақсадида ушбу ерлар шудгор қилиниб, ерларга ишлов берилди.

Аҳоли хонадонлари ва қаровсиз ҳолатга келиб қолган бинолар атрофлари, ариқлар ҳамда йўл четлари ҳам ободонлаштирилди.

Туман маркази бўлган Ғолиблар ва Олтин водий маҳалласидаги кўп қаватли уйларнинг ён атрофлари ҳам чиқиндилардан тозаланиб, тўпланиб қоладиган ташландиқ сувларни чиқариб ташлаш чоралари кўрилди. Аҳоли томонидан чиқарилаётган маиший чиқиндиларни чиқинди йиғиш контейнерларига ташлаш борасида тушунчалар ҳам бериб ўтилди.

Бундан ташқари Зарафшон ва Бахтли маҳаллаларида ҳам аҳоли томонидан чиқариб ташланган чиқиндилар тозаланиб, ободонлаштириш ишлари олиб борилди.