Jizzax viloyati hokimi

Кўп қаватли уйлар мукаммал таъмирланмоқда

Маҳалла ҳудудидаги 4 та 4 қаватли, 223 хонадонли уйларни мукаммал таъмирлаш лойиҳаси “Қишлоққурилишлойиха” ДМ Жиззах филиали томонидан ишлаб чиқилган. Ушбу ишларга 150 нафардан зиёд ишчи-ходимлар жалб этилган.

Пудрат ташкилотлари томонидан уйларнинг фасад қисмлари базальт қопламаси билан қопланиб, мукаммал таъмирлаш ишлари олиб борилмоқда. Шунингдек, туташ ер майдонлари ободонлаштирилиб, йўлакларни бетон қоплама билан қоплаш ишлари амалга оширилмоқда.

Инфратузилма объектлари барпо этилмоқда

Маҳалла ҳудудида болалар ва спорт майдончалари, чиқинди йиғиш шахобчалари қурилди. Шунингдек, уйларнинг том қисмини таъмирлаш, фрамуга ромларни ўрнатиш, бордюрларни янгилаш ва ирригация тармоқларини ўрнатиш ишлари амалга оширилди.

Ободонлаштириш ишларига шаҳар ободонлаштириш бошқармаси, электр таъминоти, газ ва сув таъминоти хизматлари ҳамда кўп қаватли уйларга хизмат кўрсатувчи бошқарув сервис компанияси жалб қилинди. Умумий ҳисобда 450 нафарга яқин ишчи-ходим ва 25 та техника иштирок этди.

Шунингдек, ҳудуддан 120 тоннадан зиёд чиқиндилар олиб чиқилди.

Энергетика ва коммунал хизматлар янгиланмоқда

Ҳудуддаги электр хўжалиги объектлари, трансформаторлар, 8 та бош ва 96 та қаватлараро электр тақсимловчи щитлар мукаммал таъмирланди. Чиқиндиларни мунтазам олиб кетиш тизими йўлга қўйилди.

Бундан ташқари, уйларнинг ертўла қисмларини таъмирлаш, оқава ва ичимлик суви қувурларини янгилаш, электр жихозлари ва кабелларини тартибга келтириш ишлари амалга оширилди. Шунингдек, туташ ҳудудлардаги 20 дан зиёд ноқонуний қурилмалар тегишли масъуллар томонидан бартараф этилди.

Якунланган ишлар маҳалла аҳолиси учун янада қулай ва замонавий яшаш муҳитини яратишга хизмат қилади.

Ёшларнинг бандлигини таъминлаш ва уларга хорижий тилларни ўргатиш мақсадида Мирзачўл туманида ҳоким ташаббуси билан ташкил этилган "Gagarin Study" ўқув маркази фаолият юритмоқда. Айни пайтда ушбу марказда 300 дан ортиқ ўқувчи бепул таълим олмоқда.

Ҳозирда марказда япон, корейс, инглиз ва немис тиллари ўқитилмоқда. Ўқувчилар халқаро имтиҳонларга тайёрланиб, яхши натижаларга эришмоқда. Бугунги кунгача 50 дан ортиқ ўқувчи TOPIK (корейс тили) ва IELTS (инглиз тили) сертификатларини қўлга киритди.

Япон тили йўналишида ҳам алоҳида ишлар олиб борилмоқда. Йил охирига қадар 100 га яқин ўқувчи Японияга юборилиши режалаштирилган. Ҳозиргача 3 нафар ўқувчи Японияда ишлаш учун имтиҳондан муваффақиятли ўтган. Яна 10 га яқин ўқувчи май ойида имтиҳонга тайёргарлик кўрмоқда.

Шунингдек, корейс тили йўналишида ҳам ютуқлар бор. Марказ ўқувчиларидан бири Корея Республикасидаги олий таълим муассасасидан 60% грант ютиб олган ва март ойида ўқишга кетмоқда.

Марказ ёшлар учун катта имконият эшигини очиб, уларнинг таълим ва касбий ривожланишига катта ҳисса қўшмоқда.

Мирзачўл тумани "Ипак йўли" маҳалла фуқаролар йиғини ҳудудида инфратузилмани яхшилаш ва аҳоли фаровонлигини ошириш мақсадида бир қатор йирик лойиҳалар амалга оширилмоқда.

2025-йилда маҳалла ҳудудида оқова сув ариқларини реконструкция қилиш, таъмирлаш ҳамда янги тармоқларни тортиш мақсадида 3,3 миллиард сўмлик лойиҳа дастурга киритилди ва ушбу маблағ ажратилди.

Ушбу лойиҳа натижасида
"Ипак йўли" маҳалласида аҳолининг томорқа ер майдонлари тўлиқ оқова сув билан таъминланади.

Томорқалардан фойдаланиш самарадорлиги яхшиланади.

Ҳонадон аъзолари томорқаларда банд бўлиб, оила бюджетига қўшимча даромад олиш имконияти яратилади.

"Ипак йўли" маҳалласи ободонлиги учун
2024-йил 25-июндаги ПҚ-234-сонли Президент қарори асосида "Ипак йўли" маҳалла сервис компанияси ташкил этилди.

Ушбу корхонага 72 миллион сўмлик мототехника ва анжомлар ажратилди.

Ҳозирда "Ипак йўли" МСК:
12 нафар ходим билан иш бошлаган бўлса, ҳозирда 20 нафардан ортиқ фуқаро иш билан таъминланди.

"Бир контур – бир маҳсулот" лойиҳаси: лимончилик ва иссиқхоналар 1 гектар ер майдонида "Бир контур – бир маҳсулот" лойиҳаси доирасида лимон етиштиришга ихтисослаштирилган 25 та иссиқхона қуриш ишлари бошланди.

Қўшимча равишда аҳоли хонадонларида 25 та иссиқхона қурилиши режалаштирилган.

Ҳозиргача 15 та иссиқхона барпо этилган, 6 таси тўлиқ қуриб битказилди.

Республика Маҳаллалар уюшмаси томонидан 200 та лимон кўчатлари ҳомийлик асосида етказиб берилди.

Ҳар бир 4 сотихли иссиқхона учун 30 миллион сўм сарфланмоқда.

Бу харажатлар ерни 1,5 метр чуқурликда қазиб тайёрлаш, қоплама конструкцияси,
Қурувчилар учун 4 миллион сўм иш ҳақи,
1100 туп помидор кўчатлари,
Темир труба ва профиллар харажатларини ўз ичига олади.

Май-июнь ойларида ҳар бир иссиқхонадан 3 тонна помидор ҳосили олиш режалаштирилган.

Биринчи ҳосилнинг ўртача даромади 27 миллион сўм бўлиши кутилмоқда.

Кузги такрорий ҳосилдан 16 миллион сўм, қишки кўкатлардан яна 16 миллион сўм даромад олиш режалаштирилган.

Жами бир йилда 59 миллион сўмлик даромад кутилмоқда.

"Ипак йўли" маҳалласи иссиқхона хўжалигига ихтисослаштирилмоқда. Ушбу лойиҳа:
✅ Аҳоли бандлигини таъминлаш,
✅ Оилавий тадбиркорликни ривожлантириш,
✅ Барқарор даромад манбаи яратишга хизмат қилади.

Бу каби ташаббуслар нафақат маҳаллий аҳоли турмуш даражасини оширишга, балки Мирзачўл тумани иқтисодиётининг ривожланишига ҳам улкан ҳисса қўшади.

Сўнгги йилларда Фориш туманида иқтисодий тараққиёт ва саноат салоҳиятини оширишга қаратилган кенг кўламли ишлар амалга оширилмоқда. Жумладан, хорижий мамлакатлар билан инвестициявий ҳамкорликни йўлга қўйиш ва ишлаб чиқариш қувватларини кенгайтириш йўналишида катта ютуқларга эришилмоқда.

Шу мақсадда, тумандаги “Ёшлик-1” конини ўзлаштириш лойиҳаси доирасида янги оҳак корхонасининг қурилишига старт берилди. Бу лойиҳа саноат сектори ривожига сезиларли таъсир кўрсатиши ва маҳаллий ишлаб чиқаришни янги босқичга олиб чиқиши кутилмоқда.

Тадбирда кимлар иштирок этди?

Корхонанинг қурилишини бошлаш маросимида вилоят ва туман ҳокимликлари, Олмалиқ кон-металлургия комбинати раҳбарлари, Хитой Халқ Республикасининг “Jiangsu Peygfei Group Co. Ltd” пудрат ташкилоти расмий вакиллари, меҳнат фахрийлари иштирок этди.

Тадбирда сўзга чиққанлар – Олмалиқ кон-металлургия комбинати бошқаруви раиси ўринбосари Саъди Шерматов, пудрат ташкилоти вакили Ши Пенгью, Ўзбекистон Қаҳрамони Сайдали Раҳмонов, вилоят ҳокимининг капитал қурилиш, коммуникациялар ва коммунал хўжалик масалалари бўйича ўринбосари Ҳамид Ҳасанов – янги корхонанинг аҳамияти ва ишлаб чиқариш занжиридаги ўрни ҳақида гапириб ўтишди. Маросим якунида тасма кесилиб, рамзий капсула белгиланган жойга қўйилди ва корхона қурилиши расман бошланди.

Янги корхонанинг аҳамияти

Қурилаётган корхона мис бойитиш ва эритиш фабрикалари, шунингдек, Ангрен, Чодак, Хонжизза каби кон бошқармаларини зарур бўлган реагент – оҳак билан таъминлайди. Бу эса саноат ишлаб чиқариш жараёнларининг самарадорлигини оширишга ёрдам беради.

Лойиҳа Хитой компанияси томонидан амалга оширилиб, янги корхона суткасига 2200 тонна, йилига эса 737 минг тонна маҳсулот ишлаб чиқаради. Хомашё эса тумандаги “Чимқўрғон-1” ва “Чимқўрғон-2” оҳактош конларидан олинади.

Янги иш ўринлари яратилади

Эътиборга молик жиҳатлардан бири шундаки, ушбу корхона ишга тушиши натижасида 323 нафар янги иш ўринлари яратилади. Бу эса тумандаги аҳоли бандлигини таъминлашда муҳим қадам бўлади.

Янги инвестициявий лойиҳа нафақат саноат ривожига, балки ҳудуд иқтисодиётининг ўсишига ҳам катта ҳисса қўшади. Корхонанинг ишга туширилиши Фориш тумани ва бутун республика саноати учун муҳим аҳамият касб этади.

"Deya" корхонаси фаолияти билан танишув

Дастлаб, ҳоким корхона ишлаб чиқариш жараёнлари, мавжуд имкониятлар ва келгуси режалар билан танишди. Шунингдек, объектдаги мавжуд муаммолар ўрганилиб, уларни ҳал этиш бўйича зарур чоралар амалга оширилиши таъкидланди.

Тадбиркорлар билан норасмий мулоқот

Ташриф доирасида ҳудуддаги йирик тадбиркорлар билан очиқ мулоқот ташкил қилинди. Учрашувда вилоят иқтисодий ривожланишига доир фикрлар тингланиб, янги ғоялар муҳокама қилинди. Тадбиркорлар ўз таклиф ва ташаббусларини билдирдилар.

Жумладан:

Тадбиркорлик муҳитини яхшилаш

Янги инвестициявий имкониятлар яратиш

Корхоналар учун қулай шарт-шароитларни таъминлаш

Вилоят ҳокими давлат раҳбарияти томонидан амалга оширилаётган ислоҳотлар тадбиркорлик ривожига хизмат қилаётганини таъкидлади. Шунингдек, ҳудудда бўш турган бинолар, мавжуд ишлаб чиқариш корхоналари ва соҳил бўйи драйвер лойиҳаларидан самарали фойдаланиш мумкинлигига урғу берилди.

Очиқ мулоқотлар давом эттирилади

Учрашув якунида бундай мулоқотларни ҳар ой мунтазам ўтказиш режалаштирилди. Бу орқали ишбилармонлик муҳитини яхшилаш, инвестицион жозибадорликни ошириш ва тадбиркорлар учун кенг имкониятлар яратиш мақсад қилинган.

Бу жараёнда айниқса аҳоли учун қулай экологик муҳит яратиш ҳамда санитар-тозалаш хизматларини такомиллаштиришга алоҳида эътибор қаратилмоқда.

Шаҳар марказидаги маҳаллалар ҳудудларида кўчалар, ариқлар тозаланиб, чиқинди ташиш шохобчаларининг ҳолати яхшиланди. Улар қайта таъмирланиб, замонавий талабларга мос ҳолда реконструкция қилинди. Буларнинг барчаси атроф-муҳит гўзаллигини сақлаш, санитар-гигиеник шароитни яхшилаш ва экологик хавфсизликни таъминлашга хизмат қилади.

Жиззах вилояти Экология, атроф-муҳитни муҳофаза қилиш ва иқлим ўзгариши бошқармаси, Экологик назорат инспекцияси, Чиқиндиларни бошқариш ва циркуляр иқтисодиётни ривожлантириш бошқармаси ҳамкорлигида мунтазам экологик назорат рейд тадбирлари ўтказилмоқда. Махсус Ишчи гуруҳ маҳаллаларда чиқинди соҳасидаги муаммоларни ўрганиб, ҳал этиш чораларини кўрмоқда.

Ноқонуний чиқиндихоналар, кўчалар ёқалари, ариқ ва лотокларда тўпланган чиқиндилар тезкорлик билан тозаланиб, чиқинди полигонларига жойлаштирилди. Бу жараёнда "Eco House", "Eco Sfera" масъулияти чекланган жамиятлари, "Тоза ҳудуд" давлат унитар корхонаси ҳамда бошқа ташкилотлар иштирок этмоқда.

Жиззах шаҳридаги 33 та маҳаллага 40 дона қўшимча чиқинди контейнерлари ўрнатилди. Контейнерлар сиғими оширилиб, қулайлик яратиш мақсадида ЧТШларга ёритгичлар ўрнатилди. Шунингдек, Кимёгар, Сангзор, Заргарлик, Иттифоқ, Ёшлик ва Маданият маҳаллаларидаги чиқинди ташиш шохобчалари таъмирланиб, атрофи бетонлаштирилди.

Аҳоли орасида чиқиндиларни белгиланмаган жойларга ташлаш ҳолатларини бартараф этиш мақсадида экологик назорат кучайтирилмоқда. Давлат инспекторлари томонидан ҳуқуқбузарларга нисбатан маъмурий баённомалар расмийлаштирилди.

Тозалик ва экологик барқарорлик – жамият тараққиётининг муҳим омили. Жиззах вилоятида амалга оширилаётган ободонлаштириш ва санитар тозалаш ишлари аҳолининг ҳаёт сифатига ижобий таъсир кўрсатади. Бу каби ташаббуслар нафақат ҳозирги кун, балки келажак авлодлар учун ҳам соғлом ва озода муҳит яратишга хизмат қилади.

Ўрдак — серҳаракат, сув ҳавзаларида ва яйловларда озиқланувчи, гўшти юмшоқ ва мазали парранда тури. Ўрдаклар кичик гавдаси, калта оёқлари ва бўйни, турли ранглари билан ажралиб туради.

Ўрдак деярли барча мамлакатларда, айниқса, Хитой, Индонезия ва Вьетнамда жуда кўп учрайди. Вояга етган эркак ўрдак вазни 3—4 кг, макиёни 2,5—3 кг бўлади. Берадиган маҳсулотига қараб ўрдаклар гўшт, гўшт-тухум ёки тухум-гўшт йўналишига ажратилади. Ўрдак асосан гўшт учун етиштирилади. Гўшти майин, мазали, парҳез маҳсулот ҳисобланади. Хўжаликларда зотли ўрдаклар асосан Пекин ўрдаклари билан ифодаланади.

Кичик фермер хўжаликлари ва хусусий хўжаликларда оқ Москва, Украина оқ ва кулранг ўрдаги ҳамда Хакикемпбелл ва бошқа зотлар боқилади.

Пахтакор туманида ҳам табиий шароитда ўрдакларни кўпайтириш йўлга қўйилди. Вилоят ҳокими вазифасини бажарувчи Улуғбек Мустафоев ташаббуси билан Пахтакор туманида йўл ёқасида жойлашган 28-К-1 коллекторининг 6 километр масофасида ўрдакларни парваришлаш ва етиштириш учун жой ажратилди.

Жиззах вилоят мелиоратив экспедицияси бошқармаси бошлиғи Орзибек Холбековнинг таъкидлашича, янги ташкил этилган ўрдак етиштириш хўжалигига 500 дона ўрдак олиб келиниб, бугунги кунда парваришланмоқда. Келажакда ўрдаклар сонини 20 мингтагача етказиш режалаштирилган.

Шунингдек, Пахтакор туманида йўл ёқасида жойлашган 28-К-1 коллекторининг 6 километр масофасидаги жойларда ўрдак етиштириш истагида бўлганларга ерлар берилиши Орзибек Холбеков томонидан маълум қилинди.

Жиззах вилоятида ҳам вилоят ҳокими вазифасини бажарувчи Улуғбек Мустафоев Ҳурматли Президентимиз Шавкат Мирзиёевнинг фаол ташаббусини барча туманларда кенг кўламли ободонлаштириш ва кўкаламзорлаштириш ишлари билан давом эттирмоқда.

Энг чекка ҳудудларда йиллар давомида аҳолини қийнаб келаётган муаммолар тизимли тартибда ҳал этилмоқда, аҳоли масканлари эса тобора обод бўлмоқда.

Хусусан, Зафаробод туманининг Бирлик қишлоқ фуқаролар йиғинида бугунги кунда иш қизғин давом этмоқда. Бўлаётган ҳар бир жараёнда вилоят ҳокими вазифасини бажарувчи Улуғбек Мустафоев шахсан иштирок этиб, аҳоли муаммоларини ўрганиб, уларни ҳал этишда фаоллик кўрсатмоқда.

Бирлик қишлоқ фуқаролар йиғини аҳолиси 7850 кишидан иборат бўлиб, 1310 та хонадон мавжуд. Шунингдек, 1850 та оила истиқомат қилади. Умумий ҳисобда 19 та кўча мавжуд бўлиб, уларнинг 6 тасида жорий таъмирлаш ишлари олиб борилмоқда. Шу билан бирга, 4 км бетон ариқлар ётқизилиб, мелиорация ҳолати яхшиланмоқда. Хонадонларни ободонлаштириш ишларига ҳам катта эътибор қаратилмоқда.

Электр таъминотини яхшилаш мақсадида 12 км СИП кабеллар тортилиб, 74 та бетон устун ва 5 та трансформатор ўрнатилмоқда.

Ободонлаштириш ишлари жадал суръатлар билан давом эттирилмоқда. Бундай ислоҳотлар нафақат қишлоқнинг ташқи қиёфасини ўзгартиради, балки аҳоли турмуш тарзининг яхшиланишига ҳам хизмат қилади.

Шаҳар тозалиги ва экологик назорат кучайтирилмоқда

Жиззах шаҳар ҳудудларида чиқиндиларни ўз вақтида тозалаш, чиқинди ташиш шохобчаларининг ҳолатини яхшилаш ва уларни замонавий талабларга мос равишда қайта таъмирлаш ишлари жадал олиб борилмоқда. Шу билан бирга, маҳаллаларда ноқонуний чиқиндихоналар ва ҳудуддаги санитар ҳолат назорат қилинмоқда.

Бироқ, шаҳар тозалигини сақлаш борасида жойларда аҳолининг беэътиборлиги кузатилмоқда. Маҳаллаларда чиқиндиларни белгиланган жойларга ташламаслик, жамоат ҳудудларини ифлослантириш ҳолатлари ҳамон учраб турибди. Шу боисдан, Жиззах шаҳар экологик назорат органлари мунтазам равишда рейдлар ўтказиб, тарғибот ишларини олиб бормоқда.

Муаммолар ва уларни бартараф этиш чоралари

Масъул идоралар томонидан Жиззах шаҳридаги маҳаллалар ўрганилганда санитар ҳолат ачинарли эканлиги аниқланди. Айрим ҳудудларда чиқиндилар ўз вақтида олиб кетилмаётгани, аҳоли томонидан турли жойларга чиқинди ташлаш ҳолатлари мавжудлиги қайд этилди.

Бу каби муаммоларни ҳал этиш мақсадида:

✅ Қўшимча чиқинди контейнерлари ўрнатиш,
✅ Чиқинди полигонларини модернизация қилиш,
✅ Аҳоли ўртасида экологик тарғибот ва тушунтириш ишларини кучайтириш,
✅ Маъмурий жазо чораларини қўллаш каби чора-тадбирлар амалга оширилмоқда.

Жиззах шаҳар ободонлиги ва санитар тозалиги барча учун муҳим. Давлат ва жамоат ташкилотлари томонидан амалга оширилаётган ишлар аҳоли томонидан ҳам қўллаб-қувватланиши лозим. Чунки тозалик — нафақат шаҳар кўрки, балки барчамиз учун соғлом ва гўзал муҳитнинг гаровидир.

Хусусан, Эски шаҳар ва Марказий деҳқон бозори ҳудудида мавжуд камчиликларни бартараф этиш, тозалаш ва тартибга солиш ишлари амалга оширилмоқда.

Бозор ҳудудини такомиллаштириш ва харидорлар учун янада қулай муҳит яратиш мақсадида бир қатор чора-тадбирлар амалга оширилмоқда.

Савдо нуқталари атрофи озодалигига эътибор қаратилиб, йўлаклар тозаланмоқда, санитария талабларига мувофиқ шароитлар яратилмоқда.

Шу билан бирга, бозор олдида транспорт ҳаракатини яхшилаш ҳамда пиёдалар хавфсизлигини таъминлаш мақсадида замонавий инфратузилма объектлари барпо этилмоқда.

Айни пайтда Жиззах шаҳрининг Мирзо Улуғбек маҳалласида жойлашган Марказий деҳқон бозори олдида Алишер Навоий ва Ҳамид Олимжон маҳаллаларини боғловчи Ўзбекистон кўчалари кесишмасида ер ости йўлаги қурилиши жадал суръатларда давом этмоқда.

Мазкур йўлак фуқаролар ва савдо марказига келувчилар учун қулайлик яратиш билан бирга, йўл ҳаракати хавфсизлигини оширишга ҳам хизмат қилади.

Шунингдек, Эски шаҳар деҳқон бозорида ҳам инфратузилмани яхшилаш ишлари жадаллик билан олиб борилмоқда. Бозор олдидаги ер ости йўлаги қайта таъмирланиб, унинг икки тарафига замонавий бекатлар барпо этилмоқда.

Мазкур бекатлар тез кунларда фойдаланишга топширилиши режалаштирилган.
Мутасаддиларнинг маълум қилишича, ушбу ободонлаштириш ишлари шаҳар аҳолиси ва меҳмонлари учун янада қулай муҳит яратишга қаратилган.

Бозор ва йўлаклар инфратузилмасининг такомиллаштирилиши савдо жараёнларини енгиллаштириш билан бирга, Жиззах шаҳрининг умумий қиёфасини янада кўркам ва замонавий қилиб шакллантиришга ҳисса қўшади.

Жиззах вилояти ҳокимлигида вилоят ҳокими вазифасини бажарувчи Улуғбек Мустафоев ва “AVIAGEN GROUP” генетик компанияси вакиллари ўртасида учрашув бўлиб ўтди. Музокаралар давомида Ўзбекистонда гўшт йўналишидаги паррандаларнинг I тартибли наслчилик корхонасини ташкил этиш масалалари муҳокама қилинди.

Ушбу лойиҳа Ўзбекистон Республикаси Президентининг 2024 йил 28 июндаги ПҚ–238-сон қарори асосида амалга оширилмоқда.

40 млн долларлик инвестиция ва 100 гектар ер майдони

Музокаралар натижасида “AVIAGEN GROUP” генетик компанияси 40 млн доллар миқдоридаги лойиҳа доирасида  инвестиция киритиш орқали гўшт йўналишидаги паррандаларнинг I тартибли галаси наслчилик корхонасини фаолиятини амалга ошириш борасида ўз  таклифини билдирди.

2024 йил июнь, октябрь ва 2025 йил январь ойларида компания томонидан Зомин туманида лойиҳа учун 100 гектар ер майдони танланган. Лойиҳаларни амалга ошириш босқичма-босқич режалаштирилган бўлиб, AVIAGEN GROUP компанияси бу борада тақдимот ўтказади.

Вилоят ҳокимлиги ҳамкорликка тайёр

Учрашув давомида вилоят ҳокими вазифасини бажарувчи Улуғбек Мустафоев “AVIAGEN GROUP” компанияси вакиллари томонидан билдирилган таклифларни ўрганиб чиқиб, мазкур лойиҳани амалга оширишда ҳамкорлик қилишга тайёр эканлигини маълум қилди.

Ушбу лойиҳа амалга оширилиши билан Жиззах вилоятида паррандачилик соҳаси янада ривожланиши, озиқ-овқат хавфсизлиги таъминланиши ва янги иш ўринлари яратилиши кутилмоқда.

Жиззах вилоят футбол ассоциациясининг навбатдан ташқари конференцияси бўлиб ўтди. Йиғилишда кузатувчи сифатида Ўзбекистон Футбол Ассоциацияси Биринчи вице-президенти Равшан Ирматов ва Футбол Ассоциациясининг Ҳудудий футбол ассоциациялари билан ишлаш бўлими бошлиғи Бахтиёр Ширинов иштирок этдилар.

Конференцияни вилоят ҳокими вазифасини бажарувчи, вилоят футбол ассоциацияси президенти Улуғбек Мустафоев очиб берди. У ўз нутқида Жиззах футболи тарихи, машҳур тарбияланувчилари ва ҳозирги кунда мавжуд муаммолар ҳақида сўз юритди.

Футболни ривожлантиришни янги босқичга олиб чиқиш мақсадида, Жиззах вилоят футбол ассоциациясининг биринчи вице-президенти лавозимига вилоят футбол мактаби директори Юлдашев Шуҳрат Мўминович номзоди тавсия этилди. Конференция делегатлари ушбу номзодни бир овоздан қўллаб-қувватладилар.

Шуҳрат Юлдашевнинг футбол соҳасидаги тажрибаси, вилоятдаги футбол инфратузилмасини ривожлантириш борасидаги режалари ва иқтидорли ёшларни тарбиялашга бўлган эътибори янги лавозимда самарали ишлашини таъминлашга асос бўлиши кутилмоқда.

Жиззах вилоят футбол ассоциациясининг янги раҳбарияти вилоятда футболни янги босқичга олиб чиқиш, ёш иқтидорларни тарбиялаш ва миллий терма жамоалар учун кучли футболчилар етиштириш мақсадида фаолият олиб боради. Янги вице-президент Шуҳрат Юлдашевга бу борада катта ишонч билдирилди ва ундан вилоят футболи учун юқори натижалар кутилмоқда.

Жиззах вилоятидан бир қатор машҳур ва иқтидорли футболчилар етишиб чиққан. Улар орасида Даврон Файзиев, Жасур Ҳасанов, Сардор Рашидов, Иззатилла Абдуллаев, Азиз Ғаниев, Шароф Мухитдинов, Абдувоҳид Неъматов, Руслан Жиянов ва Шоҳжахон Султонмуродов каби футболчилар бор. Ушбу спортчилар Ўзбекистон миллий терма жамоаси, олимпия терма жамоаси ва ёшлар терма жамоаларида ўз ўйинлари билан мухлислар қалбидан жой олган.

Бугунги кунда Жиззах вилоятида футболни ривожлантириш мақсадида,1 та футбол академияси,1 та футбол мактаби,14 та спорт мактаби,1 та ихтисослаштирилган спорт мактаби ва 4 та хусусий футбол клуби фаолият юритмоқда.

Шу билан бирга, кейинги йилларда Жиззах футболининг миллий терма жамоаларга футболчи етказиб бериш салоҳияти камайгани қайд этилди. Ҳозирда Ўзбекистон миллий терма жамоасида Жиззахдан фақатгина икки нафар футболчи — Абдувоҳид Неъматов ва Руслан Жиянов ўйнамоқда.

Вилоятда футбол билан шуғулланиш учун етарлича шароитлар яратилган бўлса-да, Ўзбекистон Республикаси Президенти ва Вазирлар Маҳкамаси томонидан қабул қилинган футболни ривожлантиришга оид қарор ва фармойишлар ижроси тўлиқ таъминланмаган.

Мактабдаги муаммолар

Маҳаллада жойлашган Жиззах шаҳар мактабгача ва мактаб таълими бўлимига қарашли 13-сонли умумтаълим мактабида ҳозирги кунда 522 нафар ўқувчи таълим олмоқда. Аммо мактабнинг моддий-техник базаси талаб даражасида эмас.

Жумладан, мактабнинг мажлислар зали таъмирталаб аҳволда, пол ҳалигача бетон қопламаси билан қопланган.
Тадбирлар ўтказиладиган залдаги ўриндиқлар яроқсиз ҳолатга келиб қолган.Мактаб кутубхонасидаги шарт-шароитлар талабга жавоб бермайди.

Йўлаклардаги электр шитлари очиқ ҳолда туради, бу эса ўқувчи ва ўқитувчилар учун хавф туғдиради.Мактаб ташқарисидаги болалар қўл ювиш жойи санитария талабларига мутлақо жавоб бермайди.

Шунингдек, мактаб маъмурияти ҳовлидаги ташландиқ жойни ободонлаштириб, мевали ва манзарали дарахт кўчатларини экишга ҳаракат қилмоқда. Бироқ мактаб биносини тўлиқ таъмирлаш масаласи ҳали ҳамон очиқ қолмоқда.

Инфратузилма муаммолари

Нурлиобод маҳалласи инфратузилмаси ҳам қониқарли аҳволда эмас. Хусусан, ички кўчалардаги оқова сув тармоқлари чиқиндилар ва тупроқ билан тўлиб кетган. Бу ҳолат санитария талабларига зид бўлиб, аҳоли саломатлигига жиддий хавф туғдиради.

Маҳалла кўчаларига янги ўрнатилган бетон устунларга ҳали электр кабеллари тортилмаган.
Баъзи кўчалар таъмирталаб бўлиб, ёғингарчилик пайтида йўллар лой ва кўлмаклар билан қопланади, бу эса аҳолига ноқулайлик туғдиради.

Қатор кўчаларга трансформатор ўрнатилган бўлса-да, электр кабеллари уланмагани сабабли ҳали ишга туширилмаган. Бу эса аҳоли турмуш даражасига салбий таъсир кўрсатиб, энергия таъминотида муаммолар келтириб чиқармоқда.

Қабристондаги муаммолар

Маҳалла ҳудудида жойлашган Сўлоқли қабристони ҳам эътиборга муҳтож. Қабристон назоратчиларига кўра экилган дарахтларга сув етказиб бериш учун артизан қудуғи қазиш зарур.Қабристон ҳудудида ёритгич чироқлар мавжуд эмас, бу эса тунги назоратни мураккаблаштиради.

Кириш қисмида автомашиналар учун жой тадбиркорга хусусийлаштириб берилган, бу эса келувчилар учун ноқулайлик туғдирмоқда.
Жиззах шаҳрининг Нурлиобод маҳалласи ҳануз қатор муаммолар гирдобида қолмоқда.

Тегишли масъуллар ўз йўналишлари бўйича мазкур ҳудудда амалга оширилиши лозим бўлган вазифаларни белгилаб, уларни босқичма-босқич бартараф этишлари шарт.

Жиззах шаҳри Иттифоқ маҳалласидаги инфратузилма муаммолари эътибор талаб этмоқда

Хусусан, болалар майдончалари таъмирталаб ҳолга келиб қолган, электр симлари очиқ ҳолда бўлиб, хавфсизлик талабларига жавоб бермайди.

Шунингдек, уйлар атрофида тартибсизлик ва чиқиндилар кўпайиб, санитария талаблари бузилмоқда.

Болалар майдончаларининг аҳволи

Ҳар бир маҳаллада болалар учун хавфсиз ва қулай ўйин майдончаси бўлиши керак.

Аммо Иттифоқ маҳалласининг айрим ҳудудларида бу майдончалар ҳозирги кунда таъмирталаб ҳолатда. Карусел ва ўйин майдонлари бузилган, айрим жойларда эса майдончалар умуман мавжуд эмас. Бу эса маҳалла аҳолисининг норозилигига сабаб бўлмоқда.

Очиқ электр симлари — хавф омили

Кўп қаватли уйлар атрофидаги электр симларининг очиқ ҳолда қолгани нафақат болалар, балки катталар учун ҳам жиддий хавф туғдиради. Электр таъминоти тизимидаги бу каби муаммоларни зудлик билан бартараф этиш талаб этилади.

Чиқиндилар ва санитария муаммолари

Охирги вақтларда маҳаллада чиқиндилар йиғилиб, атроф муҳитнинг ифлосланишига сабаб бўлаётгани кузатилмоқда.

Чиқиндилар ўз вақтида олиб кетилмаётгани туфайли антисанитария ҳолати юзага келмоқда.

Бу эса нафақат экологик, балки санитар-гигиеник хавфни ҳам келтириб чиқаради.

Муаммоларни ҳал қилиш учун таклифлар

Болалар майдончаларини таъмирлаш ва янги ўйин зоналарини яратиш;
Очиқ ҳолдаги электр симларини изоляция қилиш ва хавфсизлик чораларини кўриш;
Чиқиндиларни ўз вақтида олиб кетиш ва санитария ҳолатини яхшилаш;
маҳалла ҳудудини ободонлаштириш ва тартибсизликларни бартараф этиш;
Иттифоқ маҳалласи аҳолиси ушбу муаммолар юзасидан тегишли ташкилотлардан амалий ёрдам кутади.

Инфратузилмани яхшилаш ва аҳоли учун қулай шароит яратиш нафақат ҳозирги кун учун, балки келажак авлодлар учун ҳам муҳим аҳамиятга эга.

Йиғилишда Жиззах вилояти Ички ишлар бошқармаси бошлиғи, генерал-майор Ғайрат Қодиров сўзга чиқиб, вилоятдаги кўп квартирали уйларда хавфсизликни таъминлаш бўйича амалга оширилаётган ишлар ҳақида маълумот берди. Хусусан, бошқарув сервис компаниялари томонидан 60 та кўп квартирали уйларга хавфсизлик қурилмалари ўрнатиш ва қўриқлаш хизматига улаш режалаштирилган бўлиб, бугунги кунда ушбу вазифанинг 40 фоизи бажарилган.

Шунингдек, вилоятдаги кўп квартирали уйларнинг кириш йўлакларига 300 дона домофон ўрнатиш режаси белгиланган. Бироқ, айрим туманларда, жумладан, Фориш туманида, бошқарув сервис компаниялари томонидан таъминотчи корхоналар билан шартномалар имзоланган бўлса-да, кўп квартирали уйлар атрофига 360 градуслик камералар ўрнатиш ва аҳоли мурожаатларини ўрганиш ишлари суст олиб борилгани таъкидланди.

Юқоридаги камчиликларни бартараф этиш ва белгиланган вазифаларни ўз вақтида ҳамда сифатли бажариш мақсадида, Жиззах вилояти Қурилиш ва уй-жой коммунал хўжалиги бошқармаси бошлиғи Б. Маматовга зарурий кўрсатмалар берилди.

Мазкур йиғилиш Ўзбекистон Республикаси Президентининг 2025 йил 3 январда қабул қилинган "2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида"ги қарори ижросини таъминлаш доирасида ўтказилди.

Ушбу қарорга мувофиқ, маҳаллаларда хавфсиз муҳит яратиш, ҳуқуқбузарликларнинг олдини олиш ва жамоатчилик фаоллигини ошириш бўйича аниқ вазифалар белгилаб берилган. Жиззах вилоятида ўтказилган мазкур йиғилиш ҳам ушбу вазифалар ижросини таъминлашга қаратилган муҳим қадамлардан бири ҳисобланади.

Спорт соҳасидаги камчиликлар танқид қилинди

Йиғилиш давомида вилоят ҳокими соҳадаги камчиликларга алоҳида эътибор қаратди. Масъул шахсларга кескин танқидий эътирозлар билдирилиб, ўз ишига масъулиятсизлик билан ёндошаётган мутасаддиларга жиддий огоҳлантириш берилди. Шунингдек, вилоят ҳокимининг спорт соҳасига жавобгар ўринбосари Акмал Савурбаев, вилоят спорт бошқармаси бошлиғи Жалолиддин Ўктамовга мавжуд муаммоларни қисқа муддатларда бартараф этиш бўйича аниқ топшириқлар берилди.

Олимпия ва Паралимпия ўйинларига тайёргарлик

Йиғилишда олимпия ва паралимпия ўйинларига тайёргарлик масаласи ҳам муҳокама қилинди. Спортчиларни халқаро мусобақаларга муносиб тайёрлаш, уларга зарур шарт-шароитларни яратиш ва юқори натижаларга эришиш учун барча имкониятларни сафарбар этиш муҳимлиги таъкидланди.

Спорт мактаблари фаолияти таҳлил қилинди

Ихтисослаштирилган спорт мактаблари фаолияти ҳам вилоят ҳокими томонидан танқид остига олинди. Мавжуд ҳолат қониқарсиз деб баҳоланиб, мазкур спорт мактаблари раҳбарларига ёшларни спортга жалб этиш бўйича аниқ чора-тадбирлар ишлаб чиқиш ва ишни тўғри ташкил этиш топшириғи берилди.

Спорт федерациялари олдига янги вазифалар қўйилди

Йиғилиш якунида спорт федерациялари раҳбарларига федерациялардаги спортчиларни ҳар томонлама қўллаб-қувватлаш ва натижадорликни ошириш бўйича аниқ топшириқлар берилди.

Танқидий-таҳлилий муҳокама натижалари асосида спорт соҳасини ривожлантириш ва мавжуд муаммоларни бартараф этиш бўйича комплекс чора-тадбирлар белгилаб олинди.

Жиззах вилояти ҳокимлигида тиббий хизмат кўрсатиш сифатини ошириш масаласига бағишланган танқидий-таҳлилий йиғилиш бўлиб ўтди.

Вилоят ҳокими вазифасини бажарувчи Улуғбек Мустафоев раҳбарлигида ўтказилган йиғилишда соҳага оид мавжуд муаммолар ва камчиликлар атрофлича муҳокама қилинди.

Йиғилиш давомида тиббиёт соҳасидаги камчиликлар ва қонунбузарликлар таҳлил қилиниб, масъул шахслар танқидий баҳоланди.

Улуғбек Мустафоев тиббий хизмат кўрсатиш даражасини ошириш, фуқароларга тезкор ва сифатли тиббий ёрдам кўрсатиш борасида соҳа раҳбарларига қатъий талаблар қўйди.

Шунингдек, тиббиёт муассасаларидаги моддий-техник базани мустаҳкамлаш, малакали мутахассисларни жалб этиш ва аҳоли учун тиббий хизматларни янада қулай қилиш юзасидан аниқ чора-тадбирлар белгилаб олинди.

Йиғилишда соҳа ходимларига белгиланган вазифалар ижроси устидан қатъий назорат ўрнатилиши таъкидланди.

Шу билан бирга, келгусида тиббий хизмат сифатини яхшилаш бўйича амалга ошириладиган чоралар юзасидан аниқ таклифлар билдирилди.

Ўзбекистон Республикаси Вазирлар Маҳкамасининг 2023 йил 31 августдаги 428-сонли қарорига мувофиқ, ташқи реклама ва ижтимоий ахборот айланиши соҳасидаги муносабатларни тартибга солишни янада такомиллаштириш мақсадида Жиззах шаҳрида кенг кўламли ўрганиш ишлари олиб борилмоқда.

Ташкил этилган ишчи гуруҳ шаҳардаги тадбиркорлар томонидан ўрнатилган ташқи реклама объектларини ўрганди.

Текширувлар давомида ноқонуний ўрнатилган реклама баннерлари, ахборот ёзувлари ҳамда қонун талабларига жавоб бермайдиган ташқи рекламалар аниқланиб, уларни бартараф этиш ишлари амалга оширилди.

Шунингдек, тадбиркорлар ўртасида реклама қонунчилигига риоя қилиш, ташқи рекламаларни ўрнатишда белгиланган меъёрларга амал қилиш бўйича тарғибот ва тушунтириш ишлари олиб борилди.

Ҳудудда ташқи реклама бозорини тартибга солиш, ноқонуний қурилмалар ва ахборот воситаларини бартараф этиш орқали шаҳар кўринишини яхшилашга алоҳида эътибор қаратилди.

Шу билан бирга, ташқи рекламаларни ўзбек тилида чоп этиш ва чиқариш бўйича ҳам тушунтириш ишлари олиб борилди. Мутасадди идоралар вакиллари томонидан бундай ишлар мунтазам давом эттирилиши, реклама қонунчилигини бузганларга нисбатан тегишли чоралар кўрилиши таъкидланди.