Ғаллаорол тумани Ғофур Ғулом маҳалласида қурилаётган Стамотология биноси олдида ободонлаштириш ишлари олиб борилиб, тўпланган чиқиндилар чиқариб ташланган ҳамда Олимлар, Бахт маҳалласи туман маркази аҳолисига қулайлик яратиш мақсадида пиёдалар эркин ва хавфсиз темир йўл кесишмасидан ўтишлари учун кўприк қурилмоқда.

Олимлар маҳалласида жойлашган "Олимлар" оилавий шифокорлик пункти ҳудудида ободонлаштириш ишлари амалга оширилган, бино ҳовлисида ҳожатхона учун ажратилган ерда чуқур ковлаш ишлари олиб борилмоқда ҳамда бино хоналарига керакли жиҳозлар олиб келиниб, ҳозирги кунда ҳудуд аҳолисига хизмат кўрсатиб келмоқда.

Олимлар маҳалласида жойлашган умумий ётоқхона биноси ҳовлисида ободонлаштириш ишлари давом этмоқда.

Бахт маҳалласи ҳудудидаги Лалмикор кўчасида сув қувири ёрилганлиги сабабли таъмирлаш ишлари олиб борилган бўлиб, ҳозирги кунда таъмирлаш ишлари якунига етказилган.

Бахт маҳалласи Бахт-2 кўчасида жойлашган 2-қаватли уйларнинг ҳожатхонаси янгидан қурилган ҳожатхонадан фойдаланишмоқда.
Кўп қаватли уйлар атрофида ободонлаштириш ишлари олиб борилиб, ҳудудга яшил макон дастурига асосан мевали ва манзарали дарахт кўчатлари экилмоқда.

Бахт маҳалласида жойлашган кўп қаватли уйлардан чиқаётган канализация тизими 2025 йилда Халқаро Молия институти маблағлари ҳисобидан тўлиқ таъмирлаш ва қайта қуриш ишлари амалга оширилади.

Бахт маҳалласи ҳудудидан ўтган 4Р42 Ғаллаорол-Қўйтош-Янгиқишлоқ автомобил йўлининг 4+500 кмдаги темир йўл кесишмасини кенгайтириш мақсадида ПҚ-404-сонли қарор бўйича эни 15 метр, 20 погонаметрли йўл ўтказгич, икки ёнидан пиёдаларга қулайлик яратиш мақсадида пиёдалар йўлаги ҳамда ушбу йўлакда қуёш панели билан жиҳозланган кўча ёритиш устунлари ўрнатилади.

Марказий деҳқон бозори ҳудуди тўлиқ ободонлаштирилиб, бозор ҳудудидаги ирригация тармоқлари чиқиндилардан тозаланган.

Маржонбулоқ шаҳарчаси ҳудудидаги кўп қаватли уйларнинг атрофлари ободонлаштирилиб, мевали ва манзарали кўчатлари экилмоқда.
Ҳудуддаги болалар майдончаси тартибга келтирилмоқда ҳамда ҳудуддаги канализация қувури таъмирланган бўлиб ковланган чуқур кўмилди.

Гулистон маҳалласидаги Тиббиёт бирлашмасига қарашли тез тиббий ёрдам шаҳобчаси ҳудудида ободонлаштириш ишлари олиб борилиб, аниқланган камчиликлар бартараф этилмоқда.