Quvasoy shahrida obodonlashtirish ishlari ko‘zdan kechirildi

Quvasoy shahar hokimi Zafarjon To‘raqulov shahardagi H.Olimjon, Guliston, Cho‘lpon, M.Ulug‘bek hamda Yoshlik mahallalari hududidagi obodonlashtirish ishlari bilan yaqindan tanishdi. Mahalla yettiligi vakillari tomonidan mahallalarda obodonlashtirish ishlari talab darajasida tashkil etilmaganligi tanqid ostiga olindi. Mahalla yettiligi o‘z faoliyati bilan birga jamoat ishlarining samarali tashkil etilishi uchun yangicha, samarali usullarni qo‘llashlari lozimligi ta’kidlandi.

Xususan, bahor fasli kirib kelganligiga qaramay, aholi tomorqalarida mavsumiy agrotexnik ishlar bajarilmagan. Jumladan, hech qanday ekin turlari ekilmagan, manzarali daraxtlarga ishlov berish, ularni oqlash kabi bahoriy tozalik ishlari bajarilmagani shahar hokimi tomonidan e’tirozga sabab bo‘ldi.

Hududlarni obodonlashtirishga qo‘yilayotgan talablarning faqatgina rejalashtirish bosqichida qolayotgani va amaliy harakatlarning sustligi haqida gapirildi.

Shahar hokimi tomonidan hududlar bo‘ylab o‘tkazilgan o‘rganishlarda asosiy yo‘llar bo‘ylarini ko‘kalamzorlashtirish, bino va inshootlarning fasad qismini tartibga keltirish, yo‘llarni ta’mirlash kabi bir qator vazifalar belgilab berilmoqda va bu borada amaliy ishlar qilinmoqda.

Shu munosabat bilan mutasaddilarga hududlarni tartibga keltirish va obodonlashtirish bo‘yicha bajarilishi lozim bo‘lgan topshiriqlar aniq belgilab berildi. Ushbu ishlar aholi farovonligini oshirish va turizm salohiyatini rivojlantirishga xizmat qilishi ta’kidlandi.

Quvasoy shahar hokimligi Axborot xizmati

📱Telegram      🌐Quvasoy.uz
📱Facebook     📱YouTube
📞Murojaatlar guruhi