Yangi loyihalarni ishga tushirish doim hayajonli, ayniqsa, ular mamlqatimizning eng himoyaga muhtoj qatlamiga qaratilgan bo'lsa.

Joriy yilning oxirida, ota-onasining g'amxo'rligidan mahrum bo'lgan bolalar uchun mo’ljallangan muassasaning yangi modeli yaratildi — kichik hajmdagi bolalar uyi.

Bu jarayonda biz mutaxassislarning tavsiyalari va ilg'or tajribalarni inobatga olgan holda, bolalar uchun oila muhitiga yaqin shart-sharoitlar yaratishga harakat qildik. Bu esa ularga yanada uyning nafasini va mehr shukuhini his qilish imkoniyatini beradi.

Bizning birinchi tashabbusimiz Toshkentning Mirzo-Ulug’bek tumanidagi kichik hajmdagi bolalar uyi bo'ldi. Hozirda bu yerda 7 nafar bola yashamoqda, ularga tajribali mutaxassislar tomonidan mehr va g'amxo'rlik ko'rsatilmoqda. Ularning yarmidan ko'prog'i nogironligi bor bolalardir.

“Ishonamanki, bu tajriba, ota-ona mehridan mahrum bo'lib, farzandlikka olinmagan barcha bolalar uchun ham shu kabi sharoitlar yaratishning asosini belgilab beradi.” -

Shahnoza Mirziyoyeva

📝 telegram    💻 instagram  
📝 facebook   🐧 xcom
🎞 youtube     🎖 ihma.uz