IHMA Toshkent viloyati

@ihma_toshkentviloyati

Kanal geosi va tili: O‘zbekiston, O‘zbekcha

Toifa: Telegram

Kanal geosi va tili

O‘zbekiston, O‘zbekcha

Toifa

Statistika

Saralanganlar

Postlar filtri

O‘chirilganlarni yashirish

Repostlarni yashirish

IHMA Toshkent viloyati

21 Jun, 17:28

Rasmiy munosabat

Toshkent viloyati Quyi Chirchiq tumani "Baliqchi" mahallasida yashovchi 1970-yilda tug‘ilgan fuqaro X.N.ning ijtimoiy tarmoqlarda yo‘llagan murojaati yuzasidan Ijtimoiy himoya milliy agentligi Toshkent viloyati boshqarmasi quyidagilarni ma’lum qiladi:

Joriy yilning 15-iyun kuni tungi soat 01:00lar atrofida Quyi Chirchiq tumani "Baliqchi" mahallasida istiqomat qiluvchi I.J.ning uyidan yong'in chiqqan. Yong'in qo'shnisi X.N.ning xonadoniga ham o'tib, uyning tom qismi zararlangan.

Ayni paytda ushbu oila Quyi Chirchiq tumani “Inson” ijtimoiy xizmatlar markazi tomonidan nazoratga olindi hamda mahallalarda kompleks xizmat ko‘rsatuvchi ijtimoiy xodim biriktirildi.

Tez kunda holat yuzasidan qo'shimcha ma'lumot beriladi.

🧠 Ijtimoiy himoya milliy agentligining
Toshkent viloyati boshqarmasi matbuot xizmati

📝 telegram 🎖 www.ihma.uz

339 0 1

IHMA Toshkent viloyati

21 Jun, 13:17

Ijtimoiy himoya milliy agentligi dan repost

Bugun Oliy Majlis Senatining 53-yalpi majlisida “Nogironligi bo‘lgan shaxslarning huquqlari to‘g‘risida”gi O‘zbekiston Respublikasi Qonuniga qo‘shimcha va o‘zgartirishlar kiritish haqida”gi O‘zbekiston Respublikasining qonuni loyihasi ko‘rib chiqildi va ma'qullandi.

Ijtimoiy himoya milliy agentligi tashabbusi va muallifligi ostida ushbu o‘zgartirishlar orqali nogironligi bo‘lgan shaxslarning huquqiy kafolatlarini mustahkamlashga hamda BMTning “Nogironlar huquqlari to‘g‘risida”gi Konvensiya tushunchalarini milliy qonunchilikda aks ettirishga qaratilgan normalar belgilanmoqda.

Agentlik direktori o‘rinbosari Jamshid Abruyev mazkur yig‘ilishda quyidagilarni ta’kidlab o‘tdi:

“Qonunga kiritilayotgan mazkur o‘zgartirish va qo‘shimchalar nogironligi bo‘lgan shaxslarning huquqlarini yanada mustahkamlashga hamda ushbu sohadagi milliy qonunchilikni yanada takomillashtirishga xizmat qiladi. Barcha amalga oshirilayotgan islohotlar nogironligi bo‘lgan shaxslarni jamiyatga integratsiya qilish, ular uchun to‘siqsiz muhit yaratish, ularning kasbiy, ijodiy, kundalik turmushning barcha bosqichlarida teng imkoniyatlar asosida ishtirok etishlari uchun shart-sharoitlar yaratib berishga qaratilgan.

Majlis davomida ijtimoiy obyektlarni xalqaro standartlar asosida nogironligi bo‘lgan shaxslar uchun moslashtirish bo‘yicha taklif va mulohazalar tinglandi hamda bu yo‘nalish bo‘yicha milliy qonunchilik tizimi takomillashtirilayotgani qayd etildi.

📝 telegram 💻 instagram
📝 facebook 🐧 xcom
🎞 youtube 🎖 ihma.uz

288 0 3 11

IHMA Toshkent viloyati

21 Jun, 10:31

Tuman (shahar) “Inson” ijtimoiy xizmatlar markazida "Bolalarni ijtimoiy himoya qilish sho‘balari" qanday vazifalarni bajaradi?

1️⃣ Yetim va ota-ona qaramog‘idan mahrum bo‘lgan bolalarni aniqlaydi va “Yagona milliy ijtimoiy himoya” axborot tizimiga kiritadi;
2️⃣ Vasiylik yoki homiylikka, oilaga tarbiyaga (patronat), farzandlikka berish, oilaviy bolalar uyini tashkil etish hamda unga bolani joylashtirish ishlarini amalga oshiradi...

______________

Какие задачи будут выполнять "Cекторы по социальной защите детей" районного (городского) центра социальных услуг “Инсон”?

1️⃣ Выявляет детей-сирот и детей, оставшихся без попечения родителей и вносит их в информационную сиcтему “Единая национальная социальная защита”;
2️⃣ Осуществляет работу по передаче детей-сирот и детей, оставшихся без попечения родителей на опекунство и попечительство, в семью на воспитание (патронат), на усыновление/удочерение, организацию семейных детских домов и устройство в них ребенка...

Batafsil/Подробнее

🧠 Ijtimoiy himoya milliy agentligining
Toshkent viloyati boshqarmasi matbuot xizmati

📝 telegram 🎖 www.ihma.uz

943 0 6 3

IHMA Toshkent viloyati

20 Jun, 14:25

Ijtimoiy himoya milliy agentligi dan repost

#Protez

Ijtimoiy himoya milliy agentligi va Uzum Market bilan hamkorlikda POM va RTV ga muhtoj shaxslarga yetkazib berishning yangi tizimi bo‘yicha ta'minlanganlik haqida ma'lumot

🦿🦽 19-iyun holatiga ko'ra, umumiy hisobda jami 6163 ta vaucher shakllantirilgan bo‘lib, ularning 2042 tasi POM, 4121 tasi RTV uchun ro‘yxatga olingan.

👥 Xususan, buyurtma berganlar soni 1772 kishini tashkil etmoqda va ularning 825 nafari POM uchun, 947 nafari Uzum market orqali RTV mahsulotlari uchun so‘rov qoldirgan.

✅ Shundan, 1258 nafar muhtoj shaxs kerakli vositalar bilan ta’minlangan. 514 nafar fuqaroga POM va RTV mahsulotlari yetkazib berish jarayonida.

🇺🇿 Ma'lumot uchun: Ushbu tizim dastlab sinov tariqasida Toshkent shahri va Samarqand viloyatida vaucher asosida ishga tushirilgan edi.

1-iyuldan boshlab Respublikaning boshqa hududlarida yo‘lga qo‘yilishi rejalashtirilmoqda.

Bunda nogironlik belgilanayotgan shaxsga POM va RTV olish uchun muhtojlikni qayd etayotganda avtomatik tarzda vaucher ham shakllantiriladi.

✅ Muhtoj shaxs uyali raqami orqali POM yoki RTV xarid qilish huquqi vujudga kelganligi to‘g‘risida SMS-xabar oladi va platforma orqali buyurtma berishi mumkin bo‘ladi.

👮‍♂️ POM yoki RTV ni buyurtma berishda qiyinchiliklar yuzaga kelganda mahalladagi ijtimoiy xodim muhtoj shaxs xonadoniga borib yordam beradi.

📝 telegram 💻 instagram
📝 facebook 🐧 xcom
🎞 youtube 🎖 ihma.uz

246 0 3 4

IHMA Toshkent viloyati

19 Jun, 10:01

02:37

Video oldindan ko‘rish uchun mavjud emas

Telegram'da ko‘rish

🧠 “Inson uchun” xayriya platformasi ishga tushgandan so’ng 2 oy davomida 1 312 356 399 so’m yig’ilgan xayriya mablag‘lari evaziga 50 nafar bola uchun yangi hayot eshiklari ochildi.

👫 Tug’ma patologik muammolari bor bo’lgan murg’ak qalb egalari tengdoshlari kabi endi baxtli bolalik zavqi ila ota-onasi va yaqinlari bag’rida sog’lom unib o’sishadi.

👩‍👩‍👧‍👦 Bizning ko‘magimizga muhtoj bo‘lgan bolajonlarga ertangi kunga umid va ishonch bag‘ishlashdan to‘xtamaylik!

✅Zero, har bir bola baxtli va sog‘lom kelajak uchun haqlidir.

🧠 Ijtimoiy himoya milliy agentligining
Toshkent viloyati boshqarmasi matbuot xizmati

📝 telegram 🎖 www.ihma.uz

473 0 1 8

IHMA Toshkent viloyati

19 Jun, 09:51

😊 Manzilli o‘rganishlar o‘z samarasini bermoqda

Avval xabar berganimizdek, Bekobod shahar “Inson” ijtimoiy xizmatlar markazi tomonidan xatlov ishlari amalga oshirilayotgan edi.

🦽 Ushbu xatlovda bir qancha fuqarolardan reabilitatsiya vositalariga ehtiyoji borligi aniqlandi. Hamda shu vaqtning o‘zida ularga zamonaviy nogironlik aravachalari va tirsakli qo‘ltiq tayoqlar taqdim etildi.

🧠 Ijtimoiy himoya milliy agentligining
Toshkent viloyati boshqarmasi matbuot xizmati

📝 telegram 🎖 www.ihma.uz

441 0 3 4

IHMA Toshkent viloyati

16 Jun, 04:37

#Qurbon_hayiti_bilan

🟢 Hurmatli yurtdoshlar, Ijtimoiy himoya sohasining tinib-tinchimas, zahmatkash fidoyilari!

Siz azizlarni saxovat va mehr-oqibat ayyomi – muborak Qurbon hayiti bilan chin yurakdan samimiy tabriklayman!

💚 Barchamizga ma’lum, xalqimiz Qurbon hayitini ulug‘ bayram sifatida asrlar davomida nishonlab keladi. Bu kunda yaqinlarimizni yo‘qlab, ularning holidan xabar olish, yoshi ulug‘larni ziyorat qilish, muhtojlarga mehr-muruvvat ko‘rsatish, oilalarga xursandchilik ulashish kabi ezgu fazilatlarga alohida e’tibor qaratiladi.

😊 Ana shunday insoniylik ezgu amallarni o‘zida mujassam etgan ushbu ulug‘ ayyomda ona yurtimiz Yangi O‘zbekistonning kelajagi yorug‘, xalqimiz hayoti yanada farovon, davlatimiz rahbari boshchiligida amalga oshirilayotgan barcha xayrli ishlar bardavom bo‘lsin!

🤝 Mana shunday saodatli ulug‘ ayyom kunlarida sohamizga hissasini qo‘shayotgan hamkasblarimning oilalariga tinchlik va xotirjamlik hamda farovonlik tilayman.

Ixtiyor Xo‘jayorov
O‘zbekiston Respublikasi Prezidenti huzuridagi Ijtimoiy himoya milliy agentligi Toshkent viloyati boshqarmasi boshlig‘i

🧠 Ijtimoiy himoya milliy agentligining
Toshkent viloyati boshqarmasi matbuot xizmati

📝 telegram 🎖 www.ihma.uz

868 0 5 9

IHMA Toshkent viloyati

16 Jun, 04:36

Ijtimoiy himoya milliy agentligi dan repost

🥹Oʼzbekiston Respublikasi Prezidenti huzuridagi Ijtimoiy himoya milliy agentligi jamoasi Sizni va oila aʼzolaringizni ulugʼ ayyom Qurbon Hayiti bilan muborakbod etadi!

💚 Ushbu qutlugʼ va fayzli kunda Sizga va yaqinlaringizga sihat-salomatlik, oilaviy xotirjamlik, fayzu-baraka va tinchlik tilab qolamiz. Ezgu, muqaddas bayram qalbingizga va xonadoningizga tuganmas baxt va quvonch olib kelsin.

📝 telegram 💻 instagram
📝 facebook 🐧 xcom
🎞 youtube 🎖 ihma.uz

502 0 1 4

IHMA Toshkent viloyati

15 Jun, 15:41

🟢 Toshkent viloyatida manzilli o‘rganishlar olib borilmoqda

Ijtimoiy himoya milliy agentligi Toshkent viloyati boshqarmasi boshlig‘i Ixtiyor Xo‘jayorov boshchiligida boshqarma mas’ullari, "Inson" ijtimoiy xizmatlar markazi rahbarlari, shoʻba mudirlari tomonidan Bekobod tumani hamda Bekobod shaharlarida manzilli o‘rganishlar olib borilmoqda.

🖋 Ushbu xatlov jarayonida yolg‘iz va yolg‘iz yashovchi keksalar holidan xabar olindi, ularning oilaviy sharoiti va ko‘rsatilayotgan ijtimoiy xizmatlar yuzasidan o‘rganishlar olib borildi. Qolaversa, aholiga bir qancha yo‘nalishlarda huquqiy maslahatlar berildi.

🧮 Maqsadimiz mahallalarda aholining ijtimoiy-iqtisodiy turmush tarzini o‘rganish, aholiga ko‘rsatilayotgan ijtimoiy xizmatlar qamrovini yanada kengaytirish va samaradorligini oshirishdan iborat.

✅ Ta’kidlash joizki, ushbu o‘rganishlar boshqa shahar va tumanlarda ham davom etmoqda.

🧠 Ijtimoiy himoya milliy agentligining
Toshkent viloyati boshqarmasi matbuot xizmati

📝 telegram 🎖 www.ihma.uz

475 0 2 6

IHMA Toshkent viloyati

14 Jun, 12:49

🟢 Navbatdagi sayyor qabul Olmaliq shahrida o'tkazildi

☺️ Olmaliq shahar "Inson" ijtimoiy xizmatlar markazi rahbari Baxtiyor Shirov boshchiligidagi ishchi guruh tomonidan "Temur Malik" MFYda navbatdagi sayyor qabul o‘tkazildi.

🖋 Qabulda mahalla aholisidan 20 dan ortiq, ya’ni, voyaga yetmagan shaxslarga qonuniy vakil tayinlash, reablitatsiya texnik vositalari bilan ta’minlanish, nogironlikni belgilash va nogironlik guruhini o‘zgartirish, og‘ir va uzoq vaqt davolanish talab etiladigan kasalliklarga chalingan shaxslarga yordam ko‘rsatish, sanatoriylarga yo‘llanmalar olish hamda bir qancha psixologik va huquqiy masalalari yuzasidan murojaatlar kelib tushdi.

Murojaatlarning aksari manzilli hal etildi, bir qanchasi mas'ullarga yo'naltirildi.

🧠 Ijtimoiy himoya milliy agentligining
Toshkent viloyati boshqarmasi matbuot xizmati

📝 telegram 🎖 www.ihma.uz

493 0 3 6

IHMA Toshkent viloyati

14 Jun, 08:40

🥹 Boshqarma rahbariyati hamda NNT tashkilotlar masʼullari bilan davra suhbati oʼtkazildi

🟢 Oʼzbekiston Respublikasi Prezidenti huzuridagi Ijtimoiy himoya milliy agentligi Toshkent viloyati boshqarmasi boshligʼi oʼrinbosari Dilmurod Karimov hamda Oʼzbekiston nodavlat notijorat tashkilotlari milliy assotsiatsiyasi viloyat hududiy boʼlinmasi bilan hamkorlikda Nurafshon shahar “NNT va doʼstlik uyi” konferensiyalar zalida "Nogironligi boʼlgan fuqarolarni qoʼllab-quvvatlash borasida davlat va nodavlat notijorat tashkilotlar oʼrtasida ijtimoiy sheriklik tamoyiliga asoslangan hamkorlikni kuchaytirish" mavzusida davra suhbati oʼtkazildi.

👥 Unda boshqarmaning shoʼbalaridan masʼullar, Nogironlar assotsiatsiyasi, Reabilitatsiya markazi, Koʼzi ojizlar, Karlar jamiyatlari hamda Nodavlat notijorat tashkilotlari vakillari ishtirok etdi.

🎅 Bugungi kunda nogironligi bor shaxslar uchun toʼsiqsiz muhit yaratish, muhtoj shaxslarni sifatli va zamonaviy protez-ortopediya buyumlari bilan taʼminlash hamda nogironlik guruhlarini toifalash borasida olib borilayotgan ishlar haqida maʼlumotlar berildi. Qolaversa, nogironligi bor shaxslarni ish bilan taʼminlash, ijtimoiylashuvini oshirish va “Ihma sanatoriya” modullari haqida soʼz yuritildi.

🧠 Ijtimoiy himoya milliy agentligining
Toshkent viloyati boshqarmasi matbuot xizmati

📝 telegram 🎖 www.ihma.uz

580 0 10 8

IHMA Toshkent viloyati

13 Jun, 16:01

Ijtimoiy himoya milliy agentligi dan repost

01:26

Video oldindan ko‘rish uchun mavjud emas

Telegram'da ko‘rish

🧠"Eng faol ijtimoiy xodim" ko‘rik-tanlovinining respublika bosqichi g’oliblari taqdirlandi!

👍Tanlovning dastlabki kuni ijtimoiy xodimlar o‘z mahoratlarini namoyish etishgan bo‘lsa, Ikkinchi kundan ijtimoiy xodim assistentlari ijtimoiy ish va keys menejmentga asosidagi faoliyatlarini namoyish qildilar.

🏃 Qizg‘in munozaralarga boy bo'lgan ko‘rik-tanlovda ikkala nominatsiya bo‘yicha g‘oliblar aniqlandi.

👍"Eng faol ijtimoiy xodim" nominatsiyasi bo'yicha g’oliblar taqdirlandi:

1️⃣-o‘rin
Farg‘ona viloyati, Bag‘dod tumanidan
Xidirov Islomjon Muhitdin o‘g‘li

2️⃣-o‘rin
Toshkent viloyati, Toshkent tumanidan
Xamidullayeva Umida Abdurafovna

3️⃣-o‘rin
Namangan viloyati, Kosonsoy tumanidan
Jabborova Nazokat Abdusamatjon qizi

******

👮‍♂️"Eng faol ijtimoiy xodim assistenti" nominatsiyasi bo'yicha esa quyidagi ijtimoiy xodim assistentlari taqdirlandi:

1️⃣-o‘rin
Farg‘ona viloyati, Bag‘dod tumanidan
Muxamedova Shaxnozaxon Murodil qizi

2️⃣-o‘rin
Jizzax viloyati, Zarbdor tumanidan
Egamberdiyeva Shaxriniso Eshquvatovna

3️⃣-o‘rin
Navoiy viloyati, Qiziltepa tumanidan
Zayniyeva Gulrux Eshpulotovna

🧠 Agеntlik dirеktori Mansurbеk Olloyorov ko’rik tanlov g’olib va sovrindorlarini taqdirlash marosimida ishtirok etdi va barcha tadbir qatnashchilarining kelgusidagi faoliyatlarida omad va zafarlar tiladi.

📝 telegram 💻 instagram
📝 facebook 🐧 xcom
🎞 youtube 🎖 ihma.uz

393 0 6 6

IHMA Toshkent viloyati

13 Jun, 08:56

💐 TABRIKLAYMIZ!

"Eng faol ijtimoiy xodim" ko‘rik tanlovining Respublika bosqichida:

2️⃣-o‘rin Xamidullayeva Umida Abduraufovna — Toshkent tumani "Inson" ijtimoiy xizmatlari markazi, mahallada kompleks ijtimoiy xizmat ko'rsatuvchi xodimi.

💚 Toshkent viloyati jamoasi Umida Xamidullayevani qutlaydi hamda kelgusi ishlariga rivoj tilaydi!

🧠 Ijtimoiy himoya milliy agentligining
Toshkent viloyati boshqarmasi matbuot xizmati

📝 telegram 🎖 www.ihma.uz

1.3k 0 48 36

IHMA Toshkent viloyati

12 Jun, 17:17

Ijtimoiy himoya milliy agentligi dan repost

01:03

Video oldindan ko‘rish uchun mavjud emas

Telegram'da ko‘rish

Agar og‘ir hayotiy vaziyatga tushib qolgan bo‘lsangiz, "INSON" ijtimoiy xizmatlar markazlari sizning yoningizda.

90 dan ortiq ijtimoiy xizmat va yordamlar, 4800 dan ortiq ijtimoiy xodimlar va 2300 nafar ijtimoiy xodim assistentlari farovon hayotingiz uchun qayg‘urishmoqda.

Markazlar orqali siz tibbiy yordam, psixologik qo‘llab-quvvatlash, ijtimoiy reabilitatsiya, parasportga yo‘llanma olish va ishga joylashishda yordam olishingiz mumkin.

Har qanday murakkab vaziyatda, "INSON" ijtimoiy xizmatlar markazi sizga yordam berishga tayyor.

Batafsil ma'lumot: 1140 qisqa raqamlari
www.ihma.uz sayti orqali

📝 telegram 💻 instagram
📝 facebook 🐧 xcom
🎞 youtube 🎖 ihma.uz