IELTS Speaking ballini oshirishning sakkiz yoʻli
Speaking – aksariyat nomzodlar uchun IELTS imtihonining eng noqulay va “qoʻrqinchli” qismidir.
Chunki imtihon oluvchi bilan yuzma-yuz turgan holda, bir vaqtning oʻzida
savollarga tezkor javob qaytarish, toʻgʻri talaffuz qilish, fikrlarni tartibli yetkazish va boshqalarni bajarish oson emas.
Quyidagi maslahatlar sizga Speaking vaqtida
vaziyatni nazorat qilish va yuqoriroq ball olishda yordam beradi.
Bu maslahatlar oddiy insonning emas, IELTS
ekspertining maslahatlaridir.
1. Xotirjamlikni saqlashga urining. Toʻgʻri, bu oson emas. Lekin bir narsani hisobga oling: imtihon oluvchining vazifasi
nutqingizdagi ijobiy jihatlarni baholashdir, xatolaringizni izlash emas. Va u imtihon hayajonli ekanini juda yaxshi tushunadi.
Speakingʼni xuddi
doʻstingiz bilan boʻladigan suhbatdek tasavvur qiling. Bu – bor-yogʻi
oddiy suhbat, axir siz har kuni suhbat qilasiz!
2. Uzunroq javob bering. Qanchalik ravon gapirishingizni koʻrsatish uchun uzoqroq gapirishingiz kerak (faqat mavzudan chetlashib ketmang). Shu sababli, koʻp gapirib yuboryapman, degan xavotirga bormang, zarur boʻlsa, imtihon oluvchi oʻzi sizni toʻxtatadi.
Agar imtihon oluvchi sizdan
“Nega?” deb soʻrayversa, bilingki, javoblaringizda yetarlicha maʼlumot bermayapsiz. Javoblaringizda
sabab va misollarni ham keltiring.
3. Bir daqiqangizdan unumli foydalaning. 2-boʻlimda sizga beriladigan 1 daqiqadan oqilona foydalaning. Mavzu sizga notanish boʻlsa,
biror nima toʻqib gapirishingiz ham mumkin. Imtihon oluvchi sizning roʻstgoʻyligizni baholamaydi, nutqingiz ravonligi, soʻz boyligingiz, talaffuzingiz kabilarni baholaydi.
1 daqiqada gapirish kerak boʻlgan muhim jihatlarni qaydlar varagʻiga albatta qisqa-qisqa qilib yozib oling.
4. Yodlab olmang! Imtihon oluvchilar
yodlangan javoblarni aniqlashga alohida oʻqitilgan boʻladi. Muayyan savollarga oldindan javoblarni yodlab olgan boʻlsangiz va ularni yoddan aytsangiz, buni osonlik bilan payqashi mumkin.
Albatta, muayyan iboralar, soʻz birikmalari, aloqador soʻzlarni yodlashingiz va ularni ishlatishingiz siz uchun foydali. Lekin butun boshli javoblarni yodlab, ularni aytmang. Buning oʻzniga
maʼlum mavzularga oid soʻzlarni guruhlagan holda yodlab chiqishingiz mumkin.
5. Aniq va tabiiy tezlikda soʻzlang. Tez gapirishga urinmang va shoshmang. Tez gapirganingiz uchun ballingiz koʻtarilmaydi. Aksincha, atay tez gapirishga urinish va shoshish ayrim xatolarga yoʻl qoʻyishga sabab boʻlishi mumkin.
6. Taslim boʻlmang! Qaysidir soʻzni eslolmay qolsangiz, hafsalangiz tushib ketmasin. Uning sinonimlarini ishlating yoki uni sharhlash orqali tushuntiring.
Savolga tushunmay qolsangiz ham oʻzingizni yoʻqotmang. Imtihon oluvchidan savolni aniqlashtirishni soʻrang (Could you repeat that, please? Could you explain that, please? Could you explain what X means, please? va h.k.).
7. Ovozingizni yozib olib mashq qiling. Ingliz tilidagi nutqingizni yozib olib, uni etishish va tahlil qilish nutqqingizni keskin yaxshilaydi.
Nutqingizni tinglaganda, talaffuzdagi kamchiliklar, ravonlik darajasini aniqlashingiz mumkin. Yana tahlil qilishingiz mumkin: Murakkabroq gaplar tuzish mumkinmidi? Yaxshiroq soʻzlarni ishlatish mumkinmidi?
Oʻzingiz aniqlagan kamchiliklar ustida ishlang.
8. Nimani kutish kerakligini biling. Birinchi marta IELTS topshirayotgan boʻlsangiz, bu imtihon haqida batafsil oʻrganing. Imtihon qanday oʻtishi, sizdan nima kutilishini bilish asablarni tinchlantirishga yordam beradi.
Eng kamida
quyidagi savollarga javoblarni bilishingiz kerak:
– Imtihon (yoki har bir boʻlim) qancha davom etadi?
– Nechta qismdan iborat?
– Har bir qismda mendan nima kutiladi?
– Baholash mezonlari nimalardan iborat?
💪 Dadil boʻling, Speaking – bu kundalik hayotingizda har kuni uchraydigan oddiy suhbatdir!
@grantlar_namuna
