Darslikda notoʻgʻri qoʻllanilgan termin: «Despotiv shakl» haqida.

9-sinf Konstitutsiyaviy huquq darsligi 5-mavzusida Hokimiyatning 2 xil shakli bor ekanligi tasvirlangan (suratda):
1) Despotiv shakl
2) Demokratik shakl

8-sinfda esa bizga «Hokimiyatning shakli» emas «Hokimiyatning siyosiy rejimi» bor ekanligi oʻrgatilgan. Shakl esa «Davlatning boshqaruv shakli» sifatida keltirilgan. Davlatning boshqaruv shakli esa: Monarxiya va Respublika.

Chalkashib ketdingiza ?! Menda ayb yoʻq, darslikda asli shu ahvol. Mayli qisqaroq tushuntiraman.

Demak yuqoridagi rasmdagi «Hokimiyat shakli» aslida «Davlatning siyosiy tartiboti (rejimi)» hisoblanadi.

8-sinf darsligiga koʻra esa Siyosiy tartibot 2 ga boʻlinadi:
1) Demokratik
2) Nodemokratik

Hech qanaqa «Despotiv shakl»ga oʻrin yoʻq. Aslida Despotiv (yakka hokimlik) shakl ham Nodemokratik tartibot maʼnosini bildiradi. Ammo bu soʻz oʻyini oʻquvchilarni chalgʻitishdan boshqasiga yaramaydi.

Shu sababli Suratdagi «Despotiv shakl»ni «Nodemokratik tartibot» deb oʻrganavering.

© Bekzod Chorshanbiyev

👉 @huquqiyformat