Huquq | Bekzod Chorshanbiyev

Qaysi lavozimlarda ikki muddatlik «limit» mavjud ?!

Bilasiz Konstitutsiyamiz shunday lavozimlar borki, bu lavozimda bir kishi surunkasiga ikki muddatdan ortiq qolishi mumkin emas. Ammo bu kabi lavozimlar siz oʻylagandan koʻproq. Keling bugun shu lavozimlarni bir joyga jamlaymiz.

Demak, Konstitutsiyaga koʻra quyidagi lavozimlarga ayni bir shaxs surunkasiga ikki muddatdan ortiq ushbu lavozimga saylanishi (tayinlanishi) mumkin emas:

Bular:

1) Qonunchilik palatasi Spikeri (100-modda);
2) Senat Raisi (101-modda);
3) Oʻzbekiston Respublikasining Prezidenti (106-modda);
4) viloyat, tuman, shahar xalq deputatlari Kengashining raisi (120-modda);
5) hokim (121-modda);
6) Oliy sudning raisi va rais oʻrinbosari (134-modda);
7) Sudyalar oliy kengashining raisi va rais oʻrinbosari (135-modda);
8) Markaziy saylov komissiyaning raisi (129-modda);
9) Bosh prokuror lavozimlaridir (144-modda).

© Tayyorladi: Bekzod Chorshanbiyev

Abituriyentlarga yuboramiz.

👉 @huquqiyformat

Bosh vazir nomzodi "maʼqullanishi" va "tayinlanishi" ikki xil narsa.

Bu ikkisini bir narsa deb tushunish notoʻgʻri.

Bosh vazir Nomzodini koʻrib chiqish va maʼqullash Qonunchilik palatasining mutlaq vakolatiga kiradi (K-94).

Bosh vazirni Qonunchilik palatasi maʼqullagandan soʻng yana bir bosqich bor. Yaʼni tayinlash. Prezident maʼqullangan Bosh vazirni lavozimga tayinlashi ham kerak (K-109).

Demak Bosh vazir nomzodi birinchi Qonunchilik palatasi tomonidan maʼqullanishi, soʻng esa Prezident tomonidan lavozimga tayinlanishi kerak ekan.

© Bekzod Chorshanbiyev

👉 @huquqiyformat

Yurisprudensiya abituriyentlariga mazza.

Chunki oʻrganayotgan qonunlarini amalda koʻrib ham oʻrganib, takrorlab ketishlari mumkin.

Misol uchun, Vazirlar Mahkamasi bugun isteʼfoga chiqdi. Qaysi asosga koʻra ?!

Konstitutsiyasining 116-moddasi va “O‘zbekiston Respublikasi Vazirlar Mahkamasi to‘g‘risida”gi Qonunning 7-moddasida Vazirlar Mahkamasi Oliy Majlis oldida o‘z vakolatlarini zimmasidan soqit qilishi belgilangan. Buni oʻqigansiz. Mana amalda ham koʻrib turibsiz. Bu yaxshi takrorlash.

Bundan tashqari, Oliy Majlis saylovi boʻlib oʻtdi, Qonunchilik palatasi va Senat qayta shakllantirildi. Qonunchilik palatasi Spikeri va Senat raisi tayinlandi. Vazirlar Mahkamasi ham yangidan shakllantirilmoqda. Bosh vazir va vazirlar yangidan tayinlanadi. Yangiliklarda bu jarayonlar toʻliq tartibi bilan yoritib borilmoqda.

Bu degani abituriyentlar shunchaki yangiliklarni oʻqib ham kitob oʻqigandek boʻlishlari mumkin.

👉 @huquqiyformat

Yurisprudensiya abituriyentlari uchun kerakli manbalar:

1️⃣ Huquqshunoslik fanidan oʻquv dasturlari

2️⃣ Huquqshunoslik fanidan oʻquv darsliklar

3️⃣ Huquqshunoslik fanidan tavsiya etilgan qoʻshimcha 35 ta qonun hujjatlari.

👉 @huquqiyformat

Jinoiy jazo turlari.

JK ning 43- moddasiga koʻra, asosiy jinoiy jazoning 9 ta turi bor:


✅jarima;
✅muayyan huquqdan mahrum qilish;
✅majburiy jamoat ishlari;
✅axloq tuzatish ishlari,
✅xizmat bo‘yicha cheklash;
✅ozodlikni cheklash;
✅intizomiy qismga jo‘natish;
✅ozodlikdan mahrum qilish. 
✅umrbod ozodlikdan mahrum qilish

👉 @huquqiyformat

8-sinf Huquq darsligidagi 3 ta mavzu bitta postda.

DAVLAT quyidagi asoslarga koʻra "TURLARGA" bo'linadi:

1️⃣ Boshqaruv shakli
2️⃣ Hududiy tuzilishi
3️⃣ Siyosiy tartibi (siyosiy rejimi)

–––––––––––––––––––––

1️⃣ Davlatning boshqaruv shakli:

🅰 Monarxiya.

a) mutlaq monarxiya
b) cheklangan monarxiya

🅱 Respublika

a) prezidentlik respublikasi
b) parlamentar respublika

–––––––––––––––––––––

2️⃣ Davlatning tuzilish shakli :

a) unitar
b) federativ
c) konfederativ

–––––––––––––––––––––

😀 Davlatning siyosiy tartiboti (rejimi):

a) demokratik
b) nodemokratik

–––––––––––––––––––--

© Bekzod Chorshanbiyev

👉 @huquqiyformat

Huquq fanidan Milliy sertifikat masalasida savollarga shaxsiy tajribamdan javoblar.

1️⃣ Huquq fanidan Milliy sertifikat imtihonlari qanday boʻladi ?!

Albatta Milliy sertifikat imtihonlari BMBA imtihonlaridan farq qiladi. Milliy sertifikat imtihonlarida ham ochiq, ham yopiq savollar, testlar boʻlishi mumkin. Soʻnggi aprobatsiyalardan shunday xulosa qilish mumkin.

2️⃣ Huquq fanidan Milliy sertifikat imtihonlarida savollar qaysi manbalar asosida tuziladi ?!

Katta ehtimol bilan, BMBA imtihonlarida foydalanilgan manbalar asosida. Yaʼni Konstitutsiya, darsliklar va 35 ta qonun hujjatlaridan foydalaniladi. Yagona farq milliy sertifikatda Oʻquv dastur chegarasi boʻlmasligi sababli, 35 ta qonun hujjatlaridan kengroq foydalanilishi mumkin.

3️⃣ Huquq fanidan Milliy sertifikat savollar darajasi qanday boʻladi ?!

Milliy sertifikat savollari BMBA testlaridan daraja va shakl jihatidan farq qiladi. Baʼzi savollar BMBA dan ham qiyinroq boʻlishi mumkin. Ammo Milliy sertifikat imtihonlarida bosim abituriyentlarda psixologik kamroq boʻlishi hisobiga bu savollar qiyinlik qilmaydi.

4️⃣ Huquq fanidan Milliy sertifikat qachon joriy etiladi ?!

2025-yilda joriy etilish ehtimoli katta. Chunki BMBA da bu borada tashkiliy ishlar ancha oldin boshlangan. Ammo rasmiy xabar eʼlon qilinmaganligi sababli fakt mavjud emas.

5️⃣ Huquq fanidan Milliy sertifikatga tayyorgarlikni qachon boshlash kerak ?!

Milliy sertifikat joriy etilishi rasman eʼlon qilingandan soʻng. Ungacha esa tayyorlanishning iloji yoʻq. Chunki Huquqshunoslik fanlaridan Milliy sertifikat joriy etilishi oldidan yakuniy aprobatsiya boʻlmasa, spesifikatsiya chiqmasidan tayyorgarlik koʻrish mumkin emas. Shu sababli hozircha bevosita BMBA imtihonlariga tayyorlanaverish kerak.

© Bekzod Chorshanbiyev

🇺🇿 O'zbekiston a'zo bo'lgan xalqaro tashkilotlar:

1️⃣ MDH - 1991-yil 21-dekabr
2️⃣ BMT - 1992-yil 2-mart
3️⃣ YXHT - 1993-yil 26-fevral
4️⃣ YUNESKO - 1993-yil 29-oktabr
5️⃣ Interpol - 1994 yil
6️⃣ YUNISEF - 1995-yil 22-dekabr
7️⃣ SHHT - 2001-yil 15-iyun

👉 @huquqiyformat