#Нызамшылықтағы_жаңалықлар

❗️"Қымбатлы қағазлардың биржадан тысқары шөлкемлескен базарында алды-сатты келисимлерин әмелге асырыў тәртиби ҳаққында"ғы реже Әдиллик министрлигинде мәмлекетлик дизимнен өткерилди (дизим номери 3596)

✅ Реже қымбатлы қағазлардың биржадан тысқары шөлкемлескен базарында акциялар, корпоратив облигациялар, инфраструктура облигациялары ҳәм қымбатлы қағазлардың туўындыларының алды-сатты питимлерин әмелге асырыў тәртибин белгилейди.

🖥 Биржадан тысқары саўдаларды шөлкемлестириўши өз қарыйдарларына төмендеги хызметлерди көрсетеди:

🔹 юридикалық ҳәм физикалық шахслардан қымбатлы қағазларды сатып алыў ҳәм сатыўға буйыртпаларды қабыл етиў ҳәм олардың қанаатландырылыўы ушын буйыртпаның шәртлерине муўапық шараятлар жаратыў;

🔹қымбатлы қағазлар алды-саттысы бойынша саўдаларды шөлкемлестириў;

🔹қымбатлы қағазларға болған мүлк ҳуқықларын өткериўди рәсмийлестириў ушын барлық зәрүр ҳәрекетлерди тәмийинлеў;

🔹қымбатлы қағазлар алды-сатты питимлерин дизимнен өткериў;

🔹БТСС (биржадан тысқары саўдалар системасы)нда айланыста болған қымбатлы қағазлардың котировкасы ҳаққында мағлыўмат бериў;

🔹қымбатлы қағазлар менен келисимлер бойынша өз-ара миннетлемелерди анықлаў ҳәм есапқа алыў (клиринг).

✔️Фонд биржасының биржа котировкалаў бетинде болмаған қымбатлы қағазлардың биржадан тысқары шөлкемлесиўши базарындағы саўдаларға қойылыўы мүмкин.

💻Қымбатлы қағазлардың биржадан тысқары шөлкемлескен базарында баҳалы қағазлар менен питимлерди дүзиў ҳәм дизимнен өткериў электрон түрде әмелге асырылады.

📱 Telegram | 📱 Facebook
📱 Telegram | 📱 You tube