⭐️ “Daydi shamol” filmi: Kiberjinoyatchilikka qarshi kurashni yorituvchi yangi kino loyihasi

Kinematografiya agentligi buyurtmasiga asosan, Davlat Xavfsizligi Xizmati va Kiberxavfsizlik markazi hamkorligida “Yoshlik” kinostudiyasi tomonidan yangi badiiy film — “Daydi shamol” suratga olinmoqda. Ushbu loyiha zamonaviy jamiyatda o‘ta dolzarb mavzu bo‘lgan kiberjinoyatchilikka qarshi kurashni o‘zida aks ettiradi.

Film syujeti bugungi kunda tobora keng tarqalayotgan kiberjinoyatchilikning odamlar hayotiga va butun jamiyatga bo‘lgan jiddiy tahdidlari haqida hikoya qiladi. Bundan tashqari, ushbu xavflarga qarshi davlat va maxsus xizmatlar tomonidan ko‘rilayotgan chora-tadbirlar ham yoritiladi. Ushbu muhim ijtimoiy masalani yorituvchi loyiha tomoshabinlarga kiberxavfsizlikning ahamiyatini tushuntirish va ogohlikni oshirishni maqsad qiladi.

Film ijodiy guruhi quyidagilardan iborat:
Ssenariy muallifi: Sanjar Matkarimov
Postanovkachi rejissyorlar: Sanjar Matkarimov, Azamat Nurmatov
Postanovkachi operator: Dilmurod Turdiboyev
Postanovkachi rassom: Dilshod Nuritdinov
Film direktori: Ilhom Absalomov

“Daydi shamol” filmi faqatgina badiiy tasvirlar orqali kiberjinoyatchilikni yoritibgina qolmay, balki bu mavzuda jamiyatda tushunchani kengaytirishga xizmat qilishi kutilmoqda. Filmning suratga olish jarayonlari qizg‘in davom etmoqda va yaqin orada keng jamoatchilikka taqdim etilishi rejalashtirilmoqda.

Ushbu loyiha nafaqat kiberxavfsizlik mavzusidagi bilimlarni oshirishga, balki o‘zbek kinematografiyasining yangi va dolzarb mavzularni o‘rganish yo‘nalishidagi qadamlarini ko‘rsatishga xizmat qiladi.

Kinematografiya agentligi Axborot xizmati

🌐 Website 🌐 Facebook 🌐 Instagram 🌐 Telegram