O‘zbekiston Kinematografiya agentligi

🗺 Bugun O‘zbekiston Respublikasi Madaniyat vazirligi huzuridagi Kinematografiya agentligida navbatdagi apparat yig‘ilishi bo‘lib o‘tdi.

👨‍👩‍👦 Tizim tashkilotlari vakillari, agentlikning mas’ul xodimlari ishtirok etgan mazkur yig‘ilishni Agentlik direktori o‘rinbosari Alisher Xodjayev olib bordi.

🖊 Unda Kinematografiya agentligining 2025-yil uchun tayyorlangan Ish rejasi tahlil etilib, O‘zbekiston Respublikasi Prezidentining PQ-455-sonli qarorida belgilangan 2025-2027-yillar uchun byudjet mablag‘laridan samarali foydalanish bilan bog‘liq maqsadli indikatorlar ijrosini ta’minlash xususida so‘z yuritildi.

✔️ Shuningdek, yig‘ilishda tizim tashkilotlari rahbarlarining hisobotlari tinglanib, 2024-yil Biznes rejasining bajarilish holati va 2025-yil davomida daromadlarni yanada oshirish rejalari muhokama qilindi.

🎞 Kinematografiya agentligi Axborot xizmati

🌐 Website 🔵Facebook 📷Instagram 🚀Telegram

#Jamoatchilik_muhokamasi

❗️O‘zbekiston Respublikasi Madaniyat vazirligi huzuridagi Kinematografiya agentligida “O‘zbekiston – 2030” strategiyasining “Atrof-muhitni asrash va “yashil iqtisodiyot” yilida amalga oshirish bo‘yicha davlat dasturi va uni tasdiqlash to‘g‘risida”gi O‘zbekiston Respublikasi Prezidenti Farmoni loyihalari muhokamasiga bag‘ishlangan davra suhbati bo‘lib o‘tdi.

📝 “Siyosiy-ma’rifat soati”da Kinematografiya agentligi direktori Shuhrat Rizayev so‘zga chiqib, davlat dasturining jamiyatdagi o‘rni, maqsadi, unda ko‘zda tutilgan masalalar haqida batafsil ma’lumot berib, jumladan, agentlikda faoliyat olib borayotgan har bir xodimni ushbu jamoatchilik muhokamasida faol ishtirok etishga chorladi.

💭 Samimiy va qizg‘in muhokamalarga boy o‘tgan ushbu davra suhbati davomida bir qator qiziqarli takliflar o‘rtaga tashlandi. Yakunda barcha takliflar chuqur tahliliy o‘rganilib, agentlikning umumjamoa xulosasi ishlab chiqildi va jamoatchilik portaliga kiritildi.

🎞 Kinematografiya agentligi Axborot xizmati

🌐 Website 🔵Facebook 📷Instagram 🚀Telegram

DIQQAT!

O‘zbekiston Respublikasi madaniyat vazirligi huzuridagi Kinematografiya agentligi kinoijodkorlar o‘rtasida 2025-yilda davlat buyurtmasiga asosan ishlab chiqilishi rejalashtirilgan kinoloyihalar uchun ijodiy tanlov e’lon qiladi!

Tanlov mavzulari bo‘yicha adabiy ssenariy uchun sinopsislar tanlab olinadi. Sinopsisda quyidagi g‘oyalar yuqori badiiy saviyada aks ettirilishi lozim:

✔️ Yurtimizda “Inson qadri uchun” tamoyili asosida amalga oshirilgan islohotlar;
✔️ Yangi O‘zbekistonda amalga oshirilayotgan iqtisodiy, ijtimoiy va siyosiy islohotlar, ma’naviy, ma’rifiy va madaniy sohalardagi ijobiy o‘zgarishlar;
✔️ mahallaning jamiyatdagi o‘rni va rolini kuchaytirish, xalq bilan davlat o‘rtasidagi “ko‘prik” vazifasini bajaruvchi ijtimoiy tuzilma sifatida tashkil etish bo‘yicha amalga oshirilayotgan islohotlar;
✔️ xalqimizning o‘ziga xos urf-odatlari, an’analari, qadriyatlari, ezgu fazilatlari, yoshlarni vatanparvarlik ruhida tarbiyalashga xizmat qiladigan ibratli hayotiy saboqlar;
✔️ “oila – muqaddas”, “keksalarga hurmat”, vatanparvarlik, adolat, ezgulik kabi qadriyatlar;
✔️ nogironligi bo‘lsa-da, muayyan yuksak natijalarni qo‘lga kiritgan hamyurtlarimiz haqidagi ma’lumotlar aks etishi;
✔️ nogironligi bor shaxslarga umid bag‘ishlovchi, ularni turfa xil sport turlariga ruhan rag‘batini oshiruvchi omillardan foydalanilishi;
✔️ yoshlarni vatanparvarlik ruhida tarbiyalashga xizmat qiladigan g‘oyalar aks etishi;
✔️ oilaviy qadriyatlar, milliy urf-odatlar asnosida hayotiy voqeliklar bilan yo‘g‘rilgan syujetlar aks etishi;
✔️ o‘zbek xalq ertaklari hamda dostonlari asosida yoshlarga milliy qadriyatlarni singdirish;
✔️ portret filmlarda qahramonga oid ma’lumotlar ishonarli, hujjatli-xronikal hamda hayotiy voqeliklar bilan o‘rganilgan bo‘lishi;
✔️ loyiha ssenariysida nogironligi bo‘lgan shaxs ishtirokidagi epizodlar mavjud bo‘lishi lozim.

Tanlovda bu va boshqa turli yo‘nalishdagi hayotiy mavzularni aks ettirishda o‘zbek badiiy adabiyatining mumtoz va zamonaviy asarlariga murojaat etishga ustivor ahamiyat berish tavsiya etiladi. Qo‘shimcha ustuvor mavzular ro‘yxati bilan tanishish uchun ushbu havola ustiga bosing!
Tanlovga taqdim etilgan sinopsislar quyidagi talablarga muvofiq bo‘lishi lozim:

▪️ o‘zbek tilida, adabiy til va imlo qoidalariga rioya qilingan holda A4 formatda, 14 shriftda, 1,5 intervalda yozilgan bo‘lishi kerak.
Kinoloyihada quyidagi ma’lumotlar aks etishi lozim:
▪️ filmning ishchi nomi; formati va davomiyligi (xronometraji);
▪️ janri va auditoriya yosh chegarasi;
▪️ taxminiy xarajatlar smetasi;
▪️ loyiha taqdimoti (ijodiy guruh, aktyorlar, lokatsiyalar va boshqa ma’lumotlar). Filmning asosiy qahramonlari, ularning o‘ziga xos xarakteri, asosiy syujet liniyasi, voqealar, avj nuqtasi va yechimi aks etgan bo‘lishi lozim.

Tanlov 2025-yilning 17-yanvardan 17-fevral sanasiga qadar davom etadi. Sinopsislar va kinoloyihalar belgilangan muddatlarda tanlov ishtirokchilarining (kino faoliyati bilan shug‘ullanuvchi studiya) arizasi bilan Kinematografiya agentligiga taqdim etilishi lozim.
Tanlovga taqdim etilgan sinopsislar va kinoloyihalar taqriz qilinmaydi va mualliflarga qaytarilmaydi.
Tanlov mavzulariga mos bo‘lmagan va talablariga zid bo‘lgan kinoloyihalar muhokama uchun qabul qilinmaydi.
Tanlovga takliflar 2025-yil 17-fevral soat 18.00.ga qadar qabul qilinadi.
☎️ Qo‘shimcha ma’lumot uchun telefon: 71 277-81-49.
📍 Manzil: Toshkent shahri, Chilonzor ko‘chasi, 1A-uy.