ЭЪТИБОР

Гоҳ зорлардан сўз очар бўлсам,
Санчиб кетар юрак бечора.
Шивирлайди: "Чидамоқ шараф,
Ҳаёт-синов, бахтмас, начора".

Гоҳ сукунат бағрини ёриб,
Сўз сўрайди ҳамият-у ор.
Гоҳ кўнглингни нурга тўлдирар,
Кутилмаган битта эътибор.

Борлигингни сезасан шунда,
Осмонларга узатасан қўл.
Энг чиройли шеърлар битасан,
Гарчи дунё синов тўла йўл.

Ғурур билан ташлайсан қадам,
Ҳар изингга ишонч бўлгай ёр.
Ўз-ўзингдан туясан фахр,
Дейсан:" Яша, бор бўл, эътибор".