ОМОН БЎЛИНГ, ЮРТНИНГ ЖАСУР ПОСБОНЛАРИ...

Сиз борсизки, тинч, осуда кечаётир,
Умримизнинг ҳар сония, ҳар онлари.
Элим дея тун-кун ҳушёр, хизматдасиз,
Омон бўлинг, юртнинг жасур посбонлари.

Ватан меҳри жо этилган қалбингизга,
Қадамингиз матонатдан сўзлар ҳар дам.
Кўнглингизда она юрт деб ёнмоқ ишқи,
Сиз борсизки, юракларда ҳаловат жам.

Тонглар гўзал отар қанча ният билан,
Омон бўлинг, эй ҳаётнинг тиргаклари.
Адл туринг, юртпарвар, мард билакларим,
Сиз аслида шу Ватаннинг юраклари.