МЕНИНГ ЁЗГАНЛАРИМ

Гоҳо забун, гоҳо бахтдан сўзлайверар,
Нолиб қолсам, ёзғирма деб бўзлайверар.
Баъзан юксак қояларни кўзлайверар,
Менинг ёзганларим.

Кечалари уйқу билан олишади,
Қўлга қалам олсам ойдай тўлишади.
Кўнглим билан неларнидир бўлишади,
Менинг ёзганларим.

Самоларга сирин сочар юлдуз бўлиб,
Оқибатга йўл кўрсатар кундуз бўлиб.
Томиримда отар бир кун илдиз бўлиб,
Менинг ёзганларим.