Руҳият манзараси
...

Мендан кетди дея чапаклар чалманг,
Энг одил туйғудан қочаяпсиз сиз.
Ўзингизча мағрур қадамлар ташлаб,
Янги довонларни очаяпсиз сиз.

Туйғусиз дилларда кезасиз сарсон,
Менсиз дунёда жон ҳалак бўласиз.
"Дардкаш"лар кетади бир куни ташлаб,
На бахтдан куласиз на-да тўласиз.

Худойим, туғёнлар бергансан шукур,
На қилай бир бебош дилни суйибман.
Аммо яна сизни кечирмоқ учун,
Қирқинчи жонимни асраб қўйибман.