Geografiya

Ko'k bo'ri

Ko‘k bo‘ri kezgan sarhad itlarga talosh endi,
Ko‘tarilgan bosh emas, birgina quyosh endi,
Uchqun sochgan ko‘zlarning topingani yosh endi,
Turkiy elning shiddati so‘nganga o‘xshayotir.

Sarbadorlar qonini sellar yuvib ketganday,
Millat uchun jon berar alpni devlar yutganday,
Ultontozlar kun sanab, e voh, shuni kutganday,
Elning kuni nomardga qolganga o‘xshayotir.

Yuz ellik yil otangni otganni og‘a sanab,
Dili buzuq kelganning qadamiga gul qadab,
Yo, HAQ, deya yonganning mozoriga tosh qalab,
Saroyingga qarg‘alar qo‘nganga o‘xshayotir.

Eldan chiqib elidan irganganlar ko‘ringay,
O‘z tarixin o‘zgadan o‘rganganlar ko‘ringay,
G‘ujuri-yu zaboni o‘zgarganlar ko‘ringay,
O‘z farzanding o‘zingni sotganga o‘xshayotir.

Kechang zavolga do‘ndi, haykalday qotib bo‘ldi,
Sening bor nasibangni beklaring totib bo‘ldi,
Bugundan-ku ayrilding, ertangni sotib bo‘ldi,
Yo‘l ko‘rsatar mayog‘ing o‘chganga o‘xshayotir.

Burgut uchgan zovlarda quzg‘un bazm etmoqda,
Ildizingni kavshabon to‘ng‘iz hazm etmoqda,
Ertangni belgilashga yotlar jazm etmoqda,
Qoshiq butun, qiliching singanga o‘xshayotir.

Kechagi yovqir nigoh bugun yerga qadalgan,
Vatan kutgan jasorat non topishga atalgan,
Bo‘yin egik, qo‘l qadoq, tizzalaring qavargan,
Umid ko‘zyosh sho‘ridan so‘lganga o‘xshayotir.

Uyg‘otay deb kelgan ul bahorlar bekor ketar,
Har tongda quyosh turtib, har shomda bezor ketar,
Bo‘g‘zin yirtib shoirlar ming hayqirib, xor ketar,
Alloh, bu xalq shu holga ko‘nganga o‘xshayotir.
Turkiy elning shiddati so‘nganga o‘xshayotir.

Najmiddin Ermatov

@geografiya_12

Assalomu alaykum qadrli geograflar!!!

Sizlarni barchangizni bir maqsad yo'lida hamkorlikka chaqirmoqchiman!

Hozirda menda bo'layotgan muammo, smart doskadan foydalanib o'tkaziladigan metodlar va slaydlarning yetishmasligi!

Bu muammo ko'pchilikda bor deb o'ylayman

Yaqinda bitta sifatli slayd tuzishimga 3 soatdan ko'p vaqt ketdi

Telegram guruhlarga tashlanadigan slaydlarning ahvoli esa o'ta og'ir, turli xira rasmlar, ruscha gaplar aralashib yotibdi

Shuning uchun hozir hammamiz birgalashib, o'zimizda qanday sifatli ekektron material bo'lsa izoh qismiga yuboraylik!

Sizning mehnatingizdan qancha ko'p odam foydalansa sizga shuncha ko'p savobi tegadi

Men ham shu 3 soatlik mehnatim qaysidir fleshkada qolib ketganidan ko'ra ko'proq odam foydalanishini xohlayman

Wordwall, jeopardy kabi elektron o'yinlaringiz bo'lsa ham albatta yuboring

Hammamiz hamkorlikda ishlasak, o'zimiz uchun ham, o'quvchilarimiz uchun ham, vatanimiz uchun ham foyda bo'ladi

Birlashgan o'zar, birlashmagan to'zar deb bekorga aytishmagan

Men o'zim boshlab beraman

@geografiya_12