"𝗙𝗘𝗥𝗠𝗘𝗥.𝗨𝗭" — @fermer_uzbekistan Telegram-kanali

𝗙𝗘𝗥𝗠𝗘𝗥.𝗨𝗭

21 Jan, 17:57

01:45

Video oldindan ko‘rish uchun mavjud emas

⚡️ИККИ ФЕРМЕРДА ТУРЛИЧА ҚУЁШ ПАНЕЛЛАРИ: Қашқадарё вилоятидан лавҳалар.

🔘🔘🔘

Фермерларимизнинг 1-рақамли канали: FERMER.UZ

3.8k 0 35 7 42

𝗙𝗘𝗥𝗠𝗘𝗥.𝗨𝗭

21 Jan, 06:21

⚡️ФЕРМЕРЛАРГА БИРДАН-БИР НАЖОТ: "Қишлоқ хўжалиги кооперативи" тўғрисидаги қонунга шарҳ.

👇👇👇
https://youtu.be/hkMykiukjyQ?si=dnsuf48924gA_13m

➡️FERMER.UZ

ҚОНУНГА ШАРҲ: Фермерлар учун долзарб тафсилотлар! https://t.me/fermer_uzbekistan

Телеграмдаги каналимизга ҳам обуна бўлинг! FERMER UZ канали: https://t.me/fermer_uzbekistan

7.4k 0 68 5 34

‼️АММОФОС ЎРНИГА "IKAR FOSTO" - БУЮК БРИТАНИЯ МАҲСУЛОТИ!

🔷 САРФ МЕЪЁРИ: ғалла экинлари учун 0,3-0,4 л/га.

🔷 НАРХИ: 340 минг сўм/литр.

🇪🇺Европада таниқли бўлган IKAR брендининг суюқ ўғитлари энди Ўзбекистонда!

🇬🇧Буюк Британияда ишлаб чиқарилган.

🔹Икар Фосто - ўта самарали бўлиб, фосфор ва аминокислоталарнинг юқори миқдори бўлган мураккаб ўғит ҳисобланади. У ўсимликлар ривожланишининг дастлабки босқичларида физиологик жараёнларнинг ўтишини рағбатлантириш учун махсус ишлаб чиқилган.

🔹Икар Фосто - ўсимликлар томонидан фосфорнинг тез сўрилишига ҳисса қўшадиган юқори миқдорда фосфор ва синергетик элементларга эга бўлган концентрланган суюқ ўғитдир.

Маълумки, фосфорнинг ўсимликлар томонидан тупроқдан сўрилишини бузадиган бир қатор омиллар мавжуд. Энг муҳим омиллар - P (фосфор) элементининг паст ҳаракатчанлиги, тупроқ pH кўрсаткичи ва ҳарорат таъсири ҳисобланади.

Фосфор (P) бутун вегетация даврида экинлар учун муҳим озуқа элементидир, лекин унинг асосий роли айнан ривожланишнинг дастлабки босқичларидадир. Фосфорнинг энг катта миқдори бу даврда ўсимликлар томонидан сўрилади ва ўзлаштирилади.

Вегетация даври бошида экинларнинг фосфор билан озиқланишини етишмаслиги туфайли йўқотишларни келажакда қоплаш мумкин эмас.

🔹"Икар Фосто" ўғитининг тўғри танланган компонентлари фосфорнинг кучли танқислиги бўлса, фосфор миқдори паст бўлган тупроқларда ёки асосий ўғитларда элементни ишлатмасдан экинларни етиштиришда ўсимликларнинг илдиз тизими ва вегетатив органларининг жадал ривожланишига ёрдам беради. .

Ўғит аминокислоталари ўсимликка озуқа моддаларининг тез кириб боришига ёрдам беради ва физиологик, биокимёвий ва ишлаб чиқариш жараёнларини фаоллаштиради. Глутамик кислотанинг муҳим қисми ўсимликлар томонидан озуқа моддаларининг узоқ вақт сўрилишига ва хлорофилл синтезига ёрдам беради.

ТАВСИЯЛАР:

🔹 "Икар Фосто" ўғити барглардан ва илдизлардан озиқлантириш учун, шунингдек, томчилатиб суғориш тизимлари орқали ишлатилиши мумкин.

✅Кузги буғдойнинг қишдан чиқиб, баҳорда экинларнинг қайта тикланиши даврида байроқ барглари фазасигача: 0,3-0,5 л/га

✅Баҳорги дон экинлари вегетация даврининг бошида: 0,3-0,5 л/га.

✅Барглардан ишлов бериш (вегетация бошида) - 0,2-0,3 л/га.

✅Кўчатларни суғориш: 10-15 мл/10л сув, барг орқали ишлов: 5-10 мл/10л сув.

✅Маккажўхорининг ривожланиш босқичида 3-4 баргдан 6-8 барггача: 0,3-1 л/га. Сарф меъёри: 25-30 мл/10 л сув.

✅Ғўза парвариши фазасида 4-6 баргдан 8-12 барггача: 0,3-1 л/га. Сарф меъёри: 25-30 мл/10 л сув.

✅Поясининг баландлиги 20 см дан ортиқ дуккаклилар - 0,3-1 л/га. Сарф меъёри: 25-30 мл /10 л сув.

🔹"Икар Фосто" ўғитини бир қатор кимёвий ўғитлар ва пестицидлар (инсектицидлар, фунгицидлар) билан аралашмаларда бирга қўшиб ишлатиш мумкин.

🔴 Мис сульфат, минерал мойлар ва уларнинг гидроксидини (pH>8) ўз ичига олган препаратлар билан биргаликда фойдаланишга йўл қўйилмайди. Аралаштиришдан олдин чўкинди ҳосил бўлганлигини текшириш учун аралашманинг оз миқдорини тайёрлаш тавсия этилади, ўсимликларга фитотоксик таъсири бор-йўқлигини текшириш учун кичик майдонда синаб кўринг.

🔷Таркиби:

Азот (N) 9,5%
Фосфор (P) 37,5%
Магний (Mg) 2%
Марганец (Mn) 1,3%
Рух (Zn) 0,7%
Аминокислоталар 9,2%
глутамик кислота 4,8%.

Қадоқ сиғими: 5л.

ЕВРОПА ФЕРМЕРИДЕК ИЛҒОР БЎЛИНГ!

Ўзбекистондаги расмий дистрибьютери Agromineral LLC компанияси.

Мурожаат учун телефонлар:
+998997132363
+998970099691

Қорақалпоғистон Республикаси бўйича вакил:
+998993112771
+998905752771

📱 IKAR Uzbekistan

3.6k 0 32 1 26

𝗙𝗘𝗥𝗠𝗘𝗥.𝗨𝗭

21 Jan, 01:29

03:42

Video oldindan ko‘rish uchun mavjud emas

Telegram'da ko‘rish

⚡️ҚОНУН ЛОЙИҲАСИ МУҲОКАМАСИ: Қишлоқ хўжалигига мўлжалланган ер участкалари икки гуруҳга бўлинмоқда (+видео).

Хабар қилинишича, кеча Олий Мажлис Қонунчилик палатасидаги сиёсий партиялар фракцияларининг йиғилишлари бўлиб ўтди. Уларда бир қатор қонун лойиҳалари муҳокама қилинди.

Жумладан, Ўзбекистон Экологик партияси фракциясининг йиғилишида “Ўзбекистон Республикасининг Ер кодексига ўзгартириш ва қўшимчалар киритиш тўғрисида”ги қонун лойиҳаси биринчи ўқишда кўриб чиқилди.

— Мазкур қонун лойиҳаси билан суғориладиган ер участкаларини бошқа тоифага ўтказиш бўйича талабларни қонун даражасида янада кучайтириш таклиф этилмоқда, — деди фракция аъзоси Моҳира Хўжаева.

— Шунингдек, қишлоқ хўжалигига мўлжалланган ер участкаларини фойдаланиш турига қараб 2 гуруҳга, яъни қишлоқ хўжалиги ер участкалари ва қишлоқ хўжалигига хизмат кўрсатувчи ерларга бўлиш бўйича аниқ нормалар киритилмоқда.
Бундан ташқари, суғориладиган ерларни қатъий муҳофаза қилиш, бундай ерлардан бошқа мақсадларда фойдаланиш масаласини фақатгина суғориладиган ерларнинг сув таъминоти ва тупроқ сифати билан боғлиқ жиддий ўзгаришлар юз берган тақдирда кўриб чиқилиши юзасидан ҳуқуқий нормалар белгиланмоқда. Қонун лойиҳасининг қабул қилиниши мамлакатимизда қишлоқ хўжалигига мўлжалланган ер участкаларида қишлоқ хўжалигига хизмат кўрсатувчи объектларни жойлаштириш, ерга бўлган ҳуқуқларни ишончли ҳимоя қилишга хизмат қилади.

Йиғилишда қонун лойиҳаси қизғин муҳокама қилиниб, фракция аъзолари томонидан таклиф ва тавсиялар берилди ҳамда қонун лойиҳаси қўллаб-қувватланди, дейилади хабарда.

🔘🔘🔘

Фермерларимизнинг 1-рақамли канали: FERMER.UZ

4.5k 0 37 5 41

𝗙𝗘𝗥𝗠𝗘𝗥.𝗨𝗭

21 Jan, 01:29

⚡️TEXTRADER: Нью-Йорк товар биржаси томонидан жорий йилнинг 17 январ ҳолатига пахта толаси фьючерс котировкасига асосан бошланғич қийматлар нархномаси.

🔘🔘🔘

Фермерларимизнинг 1-рақамли канали: FERMER.UZ

4.1k 0 14 19

𝗙𝗘𝗥𝗠𝗘𝗥.𝗨𝗭

21 Jan, 01:10

⚡️НАМАНГАН ВИЛОЯТИ: Янги Наманган туманида "Мироб" чорвачилик фермер хўжалигининг ерлари ноқонуний сотилишига вилоят кадастр агентлиги мутасаддилари ҳомийлик қилмоқдами?

Хабар қилинишича, "Мироб" фермер хўжалиги номига берилган Наманган шаҳар ҳокимининг 2008 йил 09 январдаги 25-сонли қарорини асос қилиб, тугатилган "Баркамол соф қурилиш" МЧЖ номига иккинчи қалбаки гувоҳномани ёзиб, ерни сотишга асос қилишга уринишмоқда.

Ушбу гувоҳнома Андижон вилоят Балиқчи тумани ИИБ ТБ томонидан сохта деб топилган ва вилоят кадастр бўлими бошлиғи Хасанов Абдурашид ЖКнинг 228-моддаси 1-қисми 1-бандида кўрсатилган жиноят содир этган, деб топилган.

Лекин "Мироб" фермер хўжалиги 2023 йилгача солиқларни тўлаб келаётганлиги, ҳоким қарори ва унга берилган эгалик ҳуқуқини берувчи гувоҳнома кучида эканлиги ва бекор бўлмаганлигига қарамай, судларга таъсир қилиш ниятида "Мироб" фермер хўжалиги ерини кадастр онлайн солиқ реестрига қасддан киргизмасдан, нақд пулга ер олган фуқароларга "амнистия" асосида ҳужжат тайерламоқчи бўлишмоқда.

Яъни, ишга таъсир қилиш ниятида "Мироб" фермер хўжалигини солиқ тўламаётган қилиб кўрсатиш учун 0,80 га ерни қасддан солиқ реестрига киритмасдан келмоқда.

Ҳозир А.Джамалдиновга нисбатан ЖКнинг 168-моддаси ва 228-моддалари билан жиноят иши қўзғатилган бўлса-да, фуқаролар алданишига сабаб бўлиб яна учта ерни сотиб, жиноят содир этишни давом эттирмоқда.

Юқоридагиларга асосан,

- "Мироб" ф/х ери ҳақидаги маълумотларни солиқ реестрга киритилишини;

- ноқонуний қурилишларни тўхтатиб, қонуний чора кўрилишини сўрайман, демоқда "Мироб" фермер хўжалиги вакили Қамбарали Асқаров.

Вилоят ташкилотлари устидан шикоят қилинаётганлиги сабабли ҳолатни республика ташкилотлари, жумладан, Бош прокуратура, Ички ишлар вазирлиги, Кадастр агентлиги назоратга олишлари мақсадга мувофиқ бўларди.

🔘🔘🔘

Фермерларимизнинг 1-рақамли канали: FERMER.UZ

3.1k 0 6 32

𝗙𝗘𝗥𝗠𝗘𝗥.𝗨𝗭

21 Jan, 01:09

⚡️ҲУҚУҚИЙ ЭСЛАТМА: Айрим қишлоқ хўжалиги техникалари божхона божи ва утилизация йиғимидан озод қилинган.

2024 йилнинг декабр ойида “Қишлоқ хўжалигини механизациялаш даражасини янада ошириш чора-тадбирлари тўғрисида”ги Президент қарори (ПҚ-431-сон, 12.12.2024 й.) қабул қилинганди.

Қарорга кўра, 2025 йил 1 январдан, қишлоқ хўжалиги техникалари етказиб беришда амалдаги қонунчиликка мувофиқ қўлланиладиган имтиёзлар (субсидия, солиқ ва божхона имтиёзлари ва молиявий ёрдамлар) фақат маҳаллий ишлаб чиқарувчилар ва дилерлар орқали муомалага чиқариладиган қишлоқ хўжалиги техникаларига нисбатан татбиқ этилади.

2027 йил 1 январгача қуйидагилар божхона божидан ва утилизация йиғимидан озод қилинади:

-белгиланган талабларга жавоб берадиган пахта териш комбайнлари, ўзиюрар озуқа йиғувчи ва боғдорчилик комбайнлари, кўчат кўмиш ва очиш техникалари;

-маҳаллий ишлаб чиқарувчилар ва дилерлик хизмати томонидан хориждан олиб келинадиган янги пахта териш комбайнлари, ўзиюрар озуқа йиғувчи ва боғдорчилик комбайнлари, кўчат кўмиш ва очиш техникалари.

2025 йил 1 мартдан имтиёзлардан фойдаланган ҳолда харид қилинган, шу жумладан, республикада ишлаб чиқарилган ва импорт қилинган янги тракторлар ва комбайнларни уларга GPS қурилмасини ўрнатмаган ҳолда давлат рўйхатидан ўтказиш ва улардан фойдаланиш тақиқланади.

2028 йил 1 январдан асосий пахта ва ғалла ҳосили учун пахта чигити ва буғдойни экишда аниқ доналаб экмайдиган сеялкалардан фойдаланиш тақиқланади.

🔘🔘🔘

Фермерларимизнинг 1-рақамли канали: FERMER.UZ

3.2k 0 14 30

𝗙𝗘𝗥𝗠𝗘𝗥.𝗨𝗭

21 Jan, 01:08

ANGUZAL AGROSERVIS dan repost

⚡️"ҒАЛЛА-2025": КАМ САРФЛАБ, КЎПРОҚ ДАРОМАД ОЛИШ - ШУ КУННИНГ ЭНГ ДОЛЗАРБ МАВЗУСИ!

✅2024 ЙИЛДА РЕСПУБЛИКА БЎЙЛАБ ЎН МИНГДАН ЗИЁД ФЕРМЕРЛАР БИЛАН МУВАФФАҚИЯТЛИ ИШЛАДИК!

✅2024 ЙИЛДА ФЕРМЕР ХЎЖАЛИКЛАРИ ТОМОНИДАН БИОЛОГИК СУСПЕНЗИЯЛАР УЧУН "ЭКИШДАН ҲОСИЛГАЧА" ДАСТУРИ БЎЙИЧА ГЕКТАРИГА 750 МИНГ СЎМГАЧА ҲАРАЖАТ ҚИЛИНДИ!

✅МИНЕРАЛ ЎҒИТЛАР САРФИ 60%ДАН 90% ГАЧА КАМАЙДИ!

✅ҲОСИЛДОРЛИК ЙИЛИГА КАМИДА 20 ДАН 30% ГАЧА ОРТИБ БОРАДИ!

Марказий Осиёда ягона бўлган микробиологик препаратлар ишлаб чиқарувчи "Anguzal Agroservis" компанияси ғаллачилик кластерлари ва фермер хўжаликлари билан "Экишдан ҳосилгача" тизимида шартномалар имзолашда давом этмоқда.

Компаниямиз 2009 йилдан буён хўжаликлар билан ғаллачилик ҳамда пахтачилик йўналишида ҳамкорлик қилиб, уларнинг юқори сифатли маҳсулот етиштиришида ўз ҳиссасини қўшиб келмоқда.

Биз билан бирга ишлаётган хўжаликлар экин майдонларининг унумдорлик даражаси юқорилашда давом этмоқда, ҳосилдорлик йилига 20-30%гача ортиб бормоқда.

1). Эрта баҳорги пуркаш ишлари (февраль-март ойлари). Гектарига 2л Плантастим + 2л Спорагин + 2л Бактомин. Натижа: буғдой занги, фузариоз, септориоз касалликларига қарши профилактика, поя ва илдизнинг умумий ривожланишини таъминлаш.

‼️Бегона ўтларга қарши гербицид билан ишлов 1-суспензиядан сўнг 2 ҳафта ўтказиб амалга оширилиб, ундан 15 кун ўтказиб, 2-суспензия қилиниши тавсия этилади.

2). Буғдойнинг найчалаш ва бошоқланиш даврида: пуркаш ишлари 2л/га Бактомин + 2л/га Спорагин + Плантастим 2л/га + 2 л/га Фосфомакс. Натижа: бошоқ фузариозига қарши кураш, генератив органларнинг тўлиқ шаклланиши ва дон массасининг ортишини таъминлаш.

3). Найчалаш ва бошоқланиш даврида гектарига кўпи билан 150-200 кг аммиак селитраси тупроққа киритилади. Бошқа азотли минерал ўғитлар берилмайди. Ҳамма ишловлар микробиологик суспензиялар орқали қилинади. Улар тупроқдаги барча макроэлементларни илдиз учун ўзлашадиган шаклга келтиради.

✅Бизнинг дастуримиз бўйича кам сарфлаб, кўпроқ даромад олинг!

Саволлар бўйича Телеграмда @Anguzal манзилига ёзинг.

15 ЙИЛДАН БУЁН ЎЗГАРМАС СИФАТ!

БИРГАЛИКДА СОҒЛОМ МАҲСУЛОТ ЕТИШТИРАМИЗ!

Марказий Осиёда ягона бўлган биологик препаратлар ишлаб чиқарувчи: "Anguzal Agroservis" компанияси.

Бош офис манзили: Тошкент шаҳри, Олтин водий кўчаси, 1-уй.
📍Локация: https://t.me/AnguzalAgroservis/2259

Компания телефонлари:
+998994300064
+998941150064

Телеграмдаги расмий каналимиз:
@AnguzalAgroservis
Телеграмдаги мулоқот учун гуруҳимиз:
@AnguzalAgroservis_guruhi

2.8k 0 17 1 25

𝗙𝗘𝗥𝗠𝗘𝗥.𝗨𝗭

21 Jan, 00:53

⚡️ҚЎШНИ ҚОЗОҒИСТОН: Февралдан 343 тенге (8382 сўм) қийматига кўтарилаётган дизел ёқилғисидан фермерлар учун тўғридан-тўғри субсидияларгача...

Хабар қилинишича, Қозоғистон Энергетика вазирлиги ёқилғи бозорида бензин ва дизель нархини нархларнинг “даромадлар тенгсизлиги” (диспартитет) деб ҳисоблайди. Вазирликнинг бензин ва дизель нархига таърифида айтилишича, бундай тенгсизлик 2024 йилда “кулранг экспорт” ҳажмини оширган.

“Ёнилғи-мойлаш материалларини ноқонуний олиб чиқиб кетишга қарши кўрилаётган чора-тадбирларга қарамай, бензин ва дизель ёқилғиси захиралари ойига 1,007 миллион тоннадан 646 минг тоннагача, ҳар ой 10 минг тоннадан 50 минг тоннагача камайган. Шундан бензин захираси 453 минг тоннадан 382 минг тоннага (-16 фоиз), дизель ёқилғиси захираси 554 минг тоннадан 264 минг тоннага (52 фоиз) камайган”, — дейилади хабарда.

Вазирлик мутахассислари ёқилғи нархини белгилаш бўйича ўз сиёсатини қуйидагича изоҳлайди.

“2024 йил 18 ноябрда ҚР Президенти ҳузуридаги Энергетика кенгаши 2025 йил январидан ёқилғи-мойлаш материалларининг чакана ва улгуржи нархлари бўйича амалдаги чекловни олиб ташлаш тўғрисида қарор қабул қилди. Бироқ нархларни бирданига литрига 50-75 тенгега кескин ошириш ўрнига, 2027 йилгача босқичма-босқич ва мунтазам тенглаштирган ҳолда мувозанатли нархларни шакллантириш механизми қабул қилинади. Масалан, 2025 йил февраль ойидан 2026 йил август ойигача асосий ёқилғи нархи ҳар ой литри учун 4 тенгега ошириш ҳисобига тенглаштирилади”, - дейилади вазирликда.

Хусусан, бензин нархи 2025 йил февралдан 2026 йил августгача литрига 205 тенгедан 281 тенгега, дизель ёқилғиси нархи эса 295 тенгедан 343 тенгега кўтарилади.

“Бироқ нархларни босқичма-босқич ошириш механизми бозор конъюнктураси, Россия Федерациясидан етказиб бериш харажатларини ҳисобга олмаганда ёқилғи нархи ва қўшни давлатлардаги ўртача нархга қараб қайта кўриб чиқилиши мумкин. Чунки бу давлатларга ноқонуний ёқилғи оқими бор ва Қозоғистон орқали ёқилғи транзити учун субсидиялар тўланади. Қишлоқ хўжалиги ишлаб чиқарувчиларига жорий билвосита субсидиялар ўрнига тўғридан-тўғри субсидиялар тўлаш масаласи ишлаб чиқиляпти, – дейди Энергетика вазирлигининг Нефтни ташиш ва қайта ишлаш департаменти директори ўринбосари Талғат Макуов.

🔘🔘🔘

Фермерларимизнинг 1-рақамли канали: FERMER UZ

2.8k 0 5 33

𝗙𝗘𝗥𝗠𝗘𝗥.𝗨𝗭

21 Jan, 00:52

⚡️ЧОРШАНБАДАН ҲАВО ҲАРОРАТИНИНГ КЕСКИН СОВИШИ КУТИЛМОҚДА: Фермерларимизга чорвани совуқдан ҳимоялаш бўйича тавсиялар.

Чорва ҳайвонлари сақланадиган биноларнинг мақбул ҳарорати +7 дан +17 даражагача ва майда шохли қорамоллар учун +10 дан +12 даражагача бўлиши талаб этилади (ёш қорамоллар учун бу кўрсаткичлар бироз юқори бўлиши керак).

Чорва молларини кескин совуқдан асраш учун:

чорва ҳайвонларини ширали озуқалар билан озиқлантириш ва сув билан суғоришни ёпиқ биноларнинг ичида ташкил этиш;

етук ёшдаги чорва ҳайвонларининг +10..+12 даража ва ёш молларнинг +16..+30 даража ҳароратдаги сув билан суғорилиши мақсадга мувофиқ.

Бир кунда етук ёшдаги қорамолларга ўртача 60−100 литр, ёш қорамолларга 20−30 литр, майда шохли қорамолларга 5−10 литр сув ичириш керак;

хўжалик ҳудудларини тўлиқ ўраш ва унинг ҳудудига ёввойи ҳайвонлар киришининг олдини олиш;

турли турдаги чорва ҳайвонларини битта бинода сақламаслик керак;

чорва биноларида табиий ва махсус вентиляция тизими бўлиши талаб этилади.

🔘🔘🔘

Фермерларимизнинг 1-рақамли канали: FERMER.UZ

3.1k 0 17 21

𝗙𝗘𝗥𝗠𝗘𝗥.𝗨𝗭

20 Jan, 23:01

ПФ-7.pdf

12.5Mb

Paxta taqdimoti 2025 (final).pdf

2.2Mb

⚡️7-СОНЛИ ПРЕЗИДЕНТ ФАРМОНИ ВА УНИНГ ТАҚДИМОТИ БЎЙИЧА PDF-ТАЛҚИН:

1). “Пахта хомашёсини етиштириш ва сотишда бозор механизмларини қўллашни изчил давом эттириш чора-тадбирлари тўғрисида”ги Президент фармони.

🔹Жами: 44 саҳифа. ПФ-7, 17 январ, 2025 йил.

2). Пахта хомашёсини биржа савдолари орқали сотиш тартиби ва механизми.

🔹Жами: 12 саҳифа.

🔘🔘🔘

➡️ FERMER.UZ

4.7k 0 50 23

𝗙𝗘𝗥𝗠𝗘𝗥.𝗨𝗭

20 Jan, 23:01

⚡️7-СОНЛИ ПРЕЗИДЕНТ ФАРМОНИ: Батафсил тафсилотлар.

Президентнинг “Пахта хом ашёсини етиштириш ва сотишда бозор механизмларини қўллашни изчил давом эттириш чора-тадбирлари тўғрисида”ги фармони қабул қилинди. Бу ҳақда Адлия вазирлиги хабар берди.

Ўзбекистон республика товар-хом ашё биржаси календарь йилининг 1 ноябрь кунида (2025 йил ҳосили учун 1 февралда) пахта толасининг Нью-Йорк биржасидаги фьючерс котировкаларининг охирги 6 ойдаги ўртача котировкасидан келиб чиққан ҳолда келгуси йил ҳосили учун пахта хом ашёсининг бошланғич нархини (биринчи нав, иккинчи синф) аниқлаб, Биржанинг расмий веб-сайтида эълон қилади;

мулкчилик шаклидан қатъи назар барча пахта хом ашёси етиштирувчи хўжаликлар ва кластерлар ҳамда пахта хом ашёсини қайта ишлаш ва ип-калава ишлаб чиқариш занжирига эга тўқимачилик корхоналари ўртасида пахта хом ашёси етказиб бериш бўйича олди-сотди (фьючерс, форвард ва спот) шартномалари Биржанинг пахта хом ашёси сексиясида ҳар бир ҳудуд бўйича алоҳида ўтказиладиган савдоларда тузилади;

хўжаликлар ҳамда қайта ишловчилар ўртасида тузиладиган шартномалар томонларнинг эркин танлови асосида ўтказиладиган биржа савдолари орқали хўжаликлар томонидан етказиб бериш муддатларини ҳамда бир ёки бир нечта харидорни мустақил равишда танлаш орқали расмийлаштирилади.

Биржада барча шартномалар “Агроплатформа” ахборот тизими билан интеграция қилинган маълумотлар базасида мавжуд бўлган хўжаликлар ва қайта ишловчилар ўртасида тузилади.

Фармонга мувофиқ, 2025 йил пахта ҳосилидан фьючерс шартномалари календарь йилнинг 1 ноябридан кейинги йилнинг 1 июнигача хўжаликлар ва қайта ишловчилар ўртасида биржада эркин шаклланадиган, бироқ эълон қилинган бошланғич нархдан паст бўлмаган нархда тузилади.

Шунингдек, форвард шартномалари календарь йилнинг 1 ноябридан кейинги йилнинг 1 мартигача хўжаликлар ва қайта ишловчилар ўртасида ўзаро келишилган нархларда тузилади.

Шу билан бирга, спот шартномалари реал вақт режимида омборда сақланаётган пахта хом ашёси ҳажмига хўжаликлар ва қайта ишловчилар ўртасида ўзаро келишилган нархда тузилади.

Бундан ташқари, сақлаш омборлари ёки ижара шартномалари мавжуд бўлмаган хўжаликлар ўзи етиштирадиган пахта хом ашёси бўйича ҳар ҳосил йилининг 1 мартигача форвард ёки 1 июнигача фьючерс шартномалари расмийлаштиради.

2025 йил ҳосилидан пахта хом ашёсини ўз маблағлари ва тижорат кредитлари ҳисобидан етиштириб, Биржада сотган хўжаликларга шаклланган ҳисобварақ-фактура қийматининг 10 фоизи миқдорида субсидия ажратилади.

Бундан ташқари, пахта хом ашёсини етиштириш учун олинган имтиёзли кредитларни ҳосил йилининг якунига (тегишли йилнинг 31 декабрига) қадар қайтарган хўжаликларга ушбу кредитлар бўйича тўланган фоиз тўловларининг 4 фоизлик пунктини субсидия сифатида қайтариб бериш тартиби жорий этилади.

2024 йили Ҳукумат томонидан 9 октябрдан бошлаб қўлда терилган 1 кг пахта учун 2500 сўмдан тўлаш белгилангани ҳақида хабар берилганди.

2023 йили Ўзбекистонда пахта терими учун янги тўлов нархлари эълон қилингани, унда 1 килограмм пахта учун биринчи теримда 2100 сўмдан, иккинчи теримда 2600 сўмдан кам бўлмаган миқдорда ҳақ тўланиши белгилангани ҳақидаги хабарлар тарқалганди.

Қишлоқ хўжалиги вазирлиги бундай хабарлар асоссиз эканини маълум қилиб, айни кунларда пахта теримига нарх белгилаш бўйича ишлар вазирликлар билан келишув жараёнидалигини билдирганди. Кейинроқ Ўзбекистонда пахта хом ашёси нархи талаб ва таклифдан келиб чиқиб томонлар келишуви асосида белгиланиши айтилган эди.

🔘🔘🔘

Фермерларимизнинг 1-рақамли канали: FERMER.UZ

4.6k 0 52 3 37

𝗙𝗘𝗥𝗠𝗘𝗥.𝗨𝗭

20 Jan, 22:32

⚡️ФЕРМЕРЛАРИМИЗ УЧУН ҲАФТАЛИК ОБ-ҲАВО ПРОГНОЗИ: Чоршанба кунидан кириб келиши кутилаётган совуқ ҳарорат туфайли ёмғир ва қор ёғиши кутилмоқда.

"Ўзгидромет" хабарига кўра , бугун, 21 январ, сешанба куни Ўзбекистоннинг аксарият ҳудудларида ёмғир ёғиши, баъзи жойларда қорга айланиши кутилади. Айрим тоғолди ва тоғли ҳудудларда кучли ёғингарчилик бўлиши мумкин. Фақат Фарғона водийси ҳудудларида ёғингарчилик эҳтимоли паст. Ҳаво ҳарорати кечаси 0…+5, кундузи +5…+10 даража илиқ бўлиши кутилади.

Маълум қилинишича, 22 январ, чоршанба куни Ўзбекистон ҳудудига Волга бўйидан нам ва совуқ ҳаво массалари кириб келиши кутилмоқда, дея хабар берди «Ўзгидромет». Натижада Республика бўйлаб ёғингарчилик (ёмғир қорга айланиши) кузатилиши кутилмоқда. Ушбу кунда Қорақалпоғистон Республикаси ва Хоразм вилоятида ёғингарчилик кутилмайди. Ҳаво ҳарорати кечаси ва кундузи 0…+5 даражадан ошмаслиги эҳтимоли катта.

Пайшанба кунининг биринчи ярмида республиканинг фақат марказий ва шарқий ҳудудларида қор ёғиши кутилмоқда. Ҳаво ҳарорати кечаси –2…–7 даража совуқ, кундузи –2…+3 илиқ атрофида, шимолий ҳудудларда кечаси –8…–13 даража совуқ, кундузи 0…–5 даража совуққача пасайиши кутилмоқда.

Жума куни Ўзбекистонда ёғингарчилик кутилмайди, ҳаво ҳарорати кечаси –2…–7 даража совуқдан ошмаслиги, кундузи +2…+7 даража илиққача, шимолда кечаси -8…-13, кундузи –2…+3 даража илиқ атрофида бўлиши кутилади.

Ҳафта давомида республика бўйлаб туман тушиши мумкин. Шамол шарқдан ғарбга ўзгариб турган ҳолда 7–12 м/с тезликда эсиши, 21–23 январ кунлари айрим жойларда 13–18 м/с гача, 21–22 январ кунлари 20–23 м/с гача кучайиши мумкин.

Тошкент шаҳрида бугун, 21 январ, сешанбa куни вақти-вақти билан ёмғир ёғиши, кечаси ва эрталаб туман тушиши мумкин, ҳаво ҳарорати кечаси +2…+4, кундузи +8…+10 даража илиқ бўлиши кутилади. Чоршанба куни ёмғир ёғиши, қорга айланиши кутилмоқда, кечаси ва эрталаб туман тушиши мумкин. Шамол тезлиги 12–14 м/с гача кучайиши мумкин. Кечаси ва кундузи ҳаво ҳарорати +1…+3 даража атрофида бўлиши кутилади. Пайшанба куни кечаси ва эрталаб қор ёғиши мумкин. Ҳаво ҳарорати кечаси –4…–6 даража совуқ, кундузи –1…+1 даража илиқ атрофида бўлиши кутилади.

🔹Бошланган янги кун барчамизга ҳайрли бўлсин!

🔘🔘🔘

Фермерларимизнинг 1-рақамли канали: FERMER.UZ

4.6k 0 12 1 23

𝗙𝗘𝗥𝗠𝗘𝗥.𝗨𝗭

17 Jan, 01:34

⚡️ОТАБЕК БАКИРОВ, таниқли иқтисодчи: Пахта хариди қоидалари яна ўзгаради.

"Энди кластерлар пахтага талаби ва нарх таклифини биржага қўяди, фермерлар эса ўзига маъқулини танлаб, фьючерс шартномасини тузади. 2024 йилда фермерлар пахта хом-ашёси контрактациясини биржага қўйиши ва кластерлар бу таклифлар учун курашиши керак эди.

Сентябрга келиб, қоидаларга тўсатдан ўзгартириш киритилган ва пахта нархи кластерлар фойдаси учун сунъий равишда пасайтирилганди. 2018 йилдан ҳисобланса, пахта хариди қоидалари ҳар йили ўзгартирилади ва афсуски, қоидалар бирон мавсум охиригача қатъий ушланмаган.

Янги тартибда агар ҳудудий чегаралар олиб ташланмаса, кластерларнинг диктати пайдо бўлиши мумкин. Чунки бир вилоят ҳудудида ўзаро таниш ва ҳокимиятларга чатишиб кетган кластерлар бемалол паст нархни ушлаш бўйича ўзаро тил бириктириши мумкин.

Фермерлар мавжуд вазиятларда зудлик билан кооперацияларга уюшишлари ва кичик пахта тозалаш заводларини қуришлари керак бўлади.

Яхши хабарлар ҳам йўқ эмас, имтиёзли кредит олмай, ўзи пахта етиштирган фермерларга биржада сотган пахтасини 10 фоизи миқдорида субсидия берилиши эълон қилинмоқда.

Имтиёзли кредитни йил якунигача тўлиқ қайтарган фермерларга кредитнинг 4 фоизи қайтариб берилади. Уларга кредит фоизи амалда 10 фоиздан 6 фоизга тушади. Лекин бунинг учун кластерлар пахта учун ҳисоб-китобни вақтида қилиши керак.

🔹16 январ, 2025 йил.

🔘🔘🔘

Фермерларимизнинг 1-рақамли канали: FERMER.UZ

11.3k 0 99 9 102

𝗙𝗘𝗥𝗠𝗘𝗥.𝗨𝗭

16 Jan, 20:29

01:47

Video oldindan ko‘rish uchun mavjud emas

Telegram'da ko‘rish

⚡️БУГУНГИ ВИДЕОСЕЛЕКТОР ТАФСИЛОТЛАРИ: Қишлоқ хўжалигига оид қисми.

🔷Фермерлар гуруҳларида улашинг!

🔘🔘🔘

Фермерларимизнинг 1-рақамли канали: FERMER.UZ

15.8k 0 309 1 64

𝗙𝗘𝗥𝗠𝗘𝗥.𝗨𝗭

16 Jan, 17:50

⚡️ПРЕЗИДЕНТ ИШТИРОКИДАГИ ВИДЕОСЕЛЕКТОР ЙИҒИЛИШИ ТАФСИЛОТЛАРИ:

Мамлакатимиздаги 22 та эркин иқтисодий зонада ишга тушган 589 та корхона ўтган йили 42 триллион сўмлик маҳсулот чиқарган.

Ишлаб чиқарилган маҳсулотнинг бор-йўғи 16 фоизи юқори технологияли товарлар ҳисобланади. Маҳсулотларнинг атиги 18 фоизи ташқи бозорларга сотилган, 372 та корхона умуман экспорт қилмаган.

Эркин иқтисодий зоналардаги корхоналар киритган сармоясига қараб имтиёз олмоқда. Лекин бу маблағлар таннархни пасайтириш, экспортга чиқиш учун хизмат қилмаётгани кўрсатиб ўтилди.

Шу боис, энди фақат экспортга ишлайдиган эркин иқтисодий зоналар ташкил этилиши белгиланди. Ушбу зоналарда хорижий брендлар билан юқори қийматли, ташқи бозорларда талаби бор маҳсулотлар ишлаб чиқарилади. Хорижий тажрибада ҳам бу ўзини оқлагани таъкидланди.

Бундай зонанинг биринчиси Наманганда ташкил қилиниб, тўқимачиликка ихтисослашади.

Иқтисодий комплекс раҳбарларига эркин иқтисодий зоналар бўйича мавжуд тизимни қайта кўриб чиқиб, уларни экспортга ихтисослаштириш бўйича таклиф киритиш топширилди.

Ўтган йилда янги ёндашув асосида 12 та технопарк хорижий корхоналар бошқарувига берилди. Ушбу ҳудудларда 2,5 миллиард долларлик 27 та лойиҳа жойлаштирилди.

Бундай технопарклар Туркия компаниялари билан Зангиотада, Татаристон билан Карманада, Хитой билан Андижон, Кармана туманлари, Олмалиқ, Чирчиқ, Зарафшон, Қўқон ва Тошкент шаҳрида ташкил қилинмоқда.

Мутасаддиларга хорижий инвесторларни топиб, мавжуд иқтисодий зоналарнинг бўш ҳудудларида технопарк ташкил қилиш бўйича таклиф киритиш топширилди.

Ташқи бозордаги кучли рақобат, логистикадаги қийинчиликларга қарамасдан, бу йил экспортни 30 миллиард доллардан ошириш зарурлиги қайд этилди.

Ўзимизда хом ашёси бўлган тўқимачилик, электротехника каби “драйвер” тармоқларда бор имконият тўлиқ ишга солинмаётгани кўрсатиб ўтилди. Креатив ёндашувлардан фойдаланиб, бу тармоқлар экспортини 2-3 карра ошириш имконияти борлиги таъкидланди.

Шу боис, бу иккита драйвер тармоқни ривожлантириш, экспортга ишлаётган корхоналарни ҳар томонлама қўллаб-қувватлаш катта қарор лойиҳаси тайёрланди.

Хусусан, экспортчиларни айланма маблағ билан таъминлаш учун алоҳида Факторинг ташкилоти очилиб, унга 100 миллион доллар ажратилади. Корхоналарнинг халқаро сертификат талабларига мослашиш харажатларининг 20 минг долларгача қисми қоплаб берилади.

Ривожланиш ва тадқиқот марказлари учун олиб келинадиган лаборатория жиҳозлари божхона божларидан озод қилинади. Халқаро маркетплейслар орқали маҳаллий маҳсулотларни илгари суриш учун 2 миллион доллар йўналтирилади.

Мутасаддиларга ҳар бир тармоқнинг ташқи бозорлардаги имкониятини таҳлил қилиб, уч йиллик экспорт стратегиясини ишлаб чиқиш топширилди.

Пахта етиштириш ва қайта ишлашда қўшимча бозор механизмлари жорий қилиниши белгиланди.

Жорий йилдан бошлаб кластерлар пахтага талаби ва нарх таклифини биржага қўяди, фермерлар эса ўзига маъқулини танлаб, фьючерс шартномасини тузади.

Имтиёзли кредит олмай, ўзи пахта етиштирган фермерларга биржада сотган пахтасини 10 фоизи миқдорида субсидия берилади.

Имтиёзли кредитни йил якунигача тўлиқ қайтарган фермерларга кредитнинг 4 фоизи қайтариб берилади. Уларга кредит фоизи амалда 10 фоиздан 6 фоизга тушади.

Президентимиз инвестиция ва бозорларни эгаллаш учун жаҳонда қаттиқ кураш кетаётганини қайд этди.

Лойиҳалар учун четдан маблағ олиб келиш қанчалик қийин бўлаётганини, уни самарали ишлатиш кераклигини барча раҳбарлар тушуниши шарт.

Белгилаб берилган вазифалар ижроси устидан назоратни кучайтириш, аниқ механизмини белгилаб, энг қуйи бўғингача тушириш топширилди.

Вазирлар, тармоқ раҳбарлари, вилоят ҳокимлари олдига туманларга тушиб, ўз ишини жойида ташкил қилиш вазифаси қўйилди.

Йиғилиш давомида вазирлик ва ҳудудлар раҳбарларининг ҳисоботлари тингланди.

🔷16 январ, 2025 йил.

🔘🔘🔘

Фермерларимизнинг 1-рақамли канали: FERMER.UZ

6.5k 1 37 54

𝗙𝗘𝗥𝗠𝗘𝗥.𝗨𝗭

16 Jan, 17:45

⚡️ПРЕЗИДЕНТ ИШТИРОКИДАГИ ВИДЕОСЕЛЕКТОР ЙИҒИЛИШИ ТАФСИЛОТЛАРИ:

Ҳар бир доллар инвестициянинг самарадорлигини ошириш ҳудуд ва тармоқлар раҳбарларининг асосий вазифаси бўлиши кераклиги таъкидланди.

Сўнгги етти йилда киритилган 120 миллиард доллар инвестиция ҳисобига 6 мингдан ортиқ корхона ишга тушди. Таҳлиллар кўрсатишича, жалб қилинган ҳар 1 минг доллар инвестиция йилига ўртача 530 доллар қўшилган қиймат яратмоқда.

Тоғ-кон саноатида бу кўрсаткич 700 долларга етгани сабабли соҳага Германия, Туркия, Хитой ва бошқа давлатлардан инвесторлар кириб келишни бошлади.

Лекин “Ўзбекнефтгаз”, "Ўзметкомбинат" ва қурилиш материаллари тармоғида инвестиция самарадорлиги бошқа тармоқларга нисбатан 2 баробар паст. Инвестиция ҳисобига қўшилган қиймат Сирдарёда республика кўрсаткичидан 3 баробар, Бухоро ва Қорақалпоғистонда 2 баробар кам.

230 та тадбиркорнинг божхона омборларида узоқ муддатдан буён сақланаётган 120 миллион долларлик ускуналар эгаларига етказилди. Лекин яна 105 та тадбиркорнинг 110 миллион долларлик ускуналари омборларда турибди.

Мутасаддиларга ушбу ускуналарни эгаларига етказиш бўйича “йўл харитаси”ни тасдиқлаш топширилди.

Президент инвестиция лойиҳаларида маҳаллий компонентларни кўпайтиришга алоҳида эътибор қаратиш лозимлигини таъкидлади.

Бунинг ҳисобига жуда кўп янги иш ўринлари яратилиши, валюта тежалиши ва ёндош соҳалар ривожланиши кўрсатиб ўтилди.

Вилоят ҳокимларига ҳар ой тадбиркорлар билан ярмарка ўтказиб, ўзида янги-янги маҳсулотларни ишлаб чиқариш тизимини йўлга қўйиш топширилди.

Ҳозир амалга оширилаётган 75 миллиард долларлик йирик инвестиция лойиҳаларининг 28 миллиард долларини маҳаллий маҳсулотлар орқали қоплаш мумкинлиги ҳисоб-китоб қилинган.

Мутасаддиларга тармоқлар ва вилоят ҳокимлари билан биргаликда туман ва корхоналар кесимида 2025 йилда янги маҳсулотларни ишлаб чиқариш бўйича дастур тайёрлаш топширилди.

Илғор корхоналар мустақил равишда ташқи бозорларга чиқиб, тўғридан-тўғри маблағ олиб келишни бошлаган.

Савдо-саноат палатасида Тадбиркорларга ташқи молия бозорларига чиқишга кўмаклашиш маркази ташкил қилинди.

Йил якунигача камида 200 та тадбиркорни халқаро молия бозоридан 2 миллиард доллар жалб қилишга тайёрлаш муҳимлиги таъкидланди.

Шунингдек, бу йил ОКМК 1 миллиард, НКМК 500 миллион, “Навоийуран” ва “Ўзметкомбинат” ҳар бири 300 миллион долларлик евробонд жойлаштириши зарурлиги кўрсатиб ўтилди. “Uzbekistan Airways” ва “Uzbekistan Airports”, Автомобиль йўллари қўмитаси ҳам халқаро рейтинг олиб, ташқи бозордан жами 700 миллион доллар олиб келиши муҳимлиги таъкидланди.

2025 йил учун 2 миллиард доллар грант олиш бўйича ҳар бир вазирлик, тармоқ ва ҳудудларнинг режаларини шакллантириш топширилди.

Бу йил халқаро молия институтлари маблағлари ҳисобидан 5,2 миллиард долларлик ишлар бажарилиши режалаштирилган.

Инвестицияларни ўзлаштиришда ҳалигача бюрократия кўплиги танқид қилинди.

Шу муносабат билан Бош вазир бошчилигида молия институтлари билан ишлаш бўйича алоҳида Фавқулодда штаб ташкил қилиниши белгиланди. Штаб ҳар бир лойиҳани ичига кириб, аниқ ишларни амалга оширади, ҳар ҳафта лойиҳама-лойиҳа муҳокама ўтказади.

Жорий йилда Европа тикланиш ва тараққиёт банки билан 1,1 миллиард доллар, Ислом тараққиёт банки билан эса 1 миллиард долларлик лойиҳаларни амалга ошириш белгиланган.

Мутасаддиларга ушбу 2 та халқаро банк билан яқиндан ишлаб, туманма-туман юриб, тадбиркорлар билан давлат кафолатисиз қилиш мумкин бўлган лойиҳаларни кўпайтириш топширилди. Уларга аниқ масъуллар бириктирилади, маблағ жалб қилишда тадбиркорларга кўмаклашилади.

🔷16 январ, 2025 йил.

🔘🔘🔘

Фермерларимизнинг 1-рақамли канали: FERMER.UZ

4.8k 0 11 30

Энергетические итоги 2024 Uz

Чистая Энергия ӏ Sof Energiya UZ

Чистая Энергия ӏ Sof Energiya

𝗙𝗘𝗥𝗠𝗘𝗥.𝗨𝗭

Kanal geosi va tili

Toifa

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

𝗙𝗘𝗥𝗠𝗘𝗥.𝗨𝗭

11 777

Kanalda mashhur

Sayt tili

Энергетические итоги 2024 Uz

Чистая Энергия ӏ Sof Energiya UZ

Чистая Энергия ӏ Sof Energiya

𝗙𝗘𝗥𝗠𝗘𝗥.𝗨𝗭

Kanal geosi va tili

Toifa

11 777

Kanalda mashhur