Президент Дональд Трамп БРИКС ташкилотига аъзо мамлакатларни АҚШ долларини захира валютаси сифатида алмаштирмасликка чақирди, йўқса уларга қарши 100% тариф қўллаш билан таҳдиди қилди.

Биз бу, афтидан, душманона бўлган мамлакатлардан янги БРИКС валютасини яратмасликлари ёки қудратли АҚШ долларини алмаштириш учун бошқа бирор валютани қўллаб-қувватламасликларига доир мажбурият олишни талаб қиламиз. Акс ҳолда, улар 100%лик тарифларга дуч келишади, — деди Трамп Truth Social’да берган баёнотида.

Ўз вақтида Россия АҚШнинг бошқа давлатларни доллардан фойдаланишга мажбур қилишга бўлган ҳар қандай уринишлари тескари таъсир кўрсатишини айтган эди.

БРИКС гуруҳига Бразилия, Россия, Ҳиндистон, Хитой ва Жанубий Африка киради, шунингдек, сўнгги йилларда қўшилган бир неча бошқа мамлакатлар ҳам бор.

Гуруҳнинг умумий валютаси йўқ, лекин бу мавзудаги узоқ йиллик муҳокамалар Ғарбнинг Украинадаги уруш туфайли Россияга нисбатан жорий этган санкцияларидан сўнг янада кучайди.

БРИКСнинг АҚШ долларини халқаро савдода ёки бошқа жойларда алмаштириш имконияти йўқ. Ва буни қилишга уринган ҳар қандай давлат Америка билан хайрлашиб, тарифларга салом айтсин!

, — деди у.

Долларнинг устунлиги — АҚШ долларининг жаҳон иқтисодиётидаги доминант ўрни — сўнгги вақтларда янада мустаҳкамланди. Бунга кучли иқтисодиёт, қатор пул-кредит сиёсатининг қатъийлиги ва геосиёсий таваккалчиликларнинг ортиши сабаб бўлди.

БРИКС мамлакатлари доллардан бошқа валюталарга ўтишга ҳаракат қилаётган бўлса-да, долларнинг ўрни сезиларли даражада қолмоқда.

Атлантика Кенгаши Геоиқтисодиёт марказининг ўтган йили ўтказган тадқиқотларига кўра, АҚШ доллари дунёдаги асосий захира валютаси бўлиб қолмоқда, ва ҳозиргача на евро, на БРИКС давлатлари долларга бўлган глобал қарамликни камайтира олганлари йўқ.


💬Telegram |📱Facebook |
🐦Twitter |📱Instagram | ▶️YouTube