ШОФИРКОН ТУМАНИ 13-СОНЛИ ИДУМДАГИ ЗЎРАВОНЛИК ВА КОРРУПЦИЯ ҲОЛАТЛАРИ

Шофиркон тумани 13-сонли ИДУМ мактабида юз бераётган муаммолар ҳақида ота-оналар мурожаати.

Мактабнинг ремонти учун пул йиғилган бўлса-да, фарзандларимизга бундай салбий муносабат бўлишини кутмагандик. Ўқитувчилар томонидан дарслар ўтилмаётгани, доим телефон титкилаб ўтиришлари, ўқувчиларни аёвсиз калтаклаш ҳолатлари авж олган.

Янги директор Ф. Раҳматов тайинлангандан сўнг ҳолатлар яхши томонга ўзгаришига умид қилган эдик, аммо аксинча, вазият ёмонлашди. Директор манфаатдорликка асосланган ҳолда янги ўқитувчиларни ишга қабул қилган, мактабда етказиб бўлмас даражада ходимлар кўпаймоқда. Ҳар бир ўқувчига биттадан ўқитувчи тўғри келиши мумкинлиги хаёлига ҳам келгандай туюлади.

Бу ҳолатлар билан бирга, мактабдаги репетиторлик дарслари учун ижара пуллари тўғридан-тўғри директор қўлига тушади. Буфетда болаларга соғлиққа зарарли фаст-фуд ва хот-дог сотилаётгани, ижара шартномасидаги ноаниқликлар коррупция аломатларини кўрсатади.

Директорнинг ўзини тутиши ҳам саволлар туғдиради. У ўқитувчилар фаолиятини назорат қилиш ўрнига, доим маишатбозлик билан шуғулланиб, ҳар қандай шикоятга “Ҳоким ва прокурор менинг тарафимда, ҳеч нима қилолмайсизлар” деб жавоб қайтаради.

Бу мактабда қонунчилик умуман ишламаётганга ўхшайди. Ота-оналар сифатида фарзандларимизнинг таълими ва хавфсизлиги учун масъул ташкилотлардан жиддий чора кўришни талаб қиламиз.
Ўзбекистон Республикаси Мактабгача ва мактаб таълими вазирлигига мурожаат

Шофиркон тумани 13-сонли ИДУМдаги коррупция, қонунбузарлик ва таълимдаги камчиликлар юзасидан қонуний чора кўришингизни сўраймиз!

— 13-сонли ИДУМдаги ота-оналар.


💬Telegram |📱Facebook |
🐦Twitter |📱Instagram | ▶️YouTube