🐈‍⬛Poytaxtda boshpanasiz hayvonlarga g‘amxo‘rlik qilishga qaratilgan ajoyib tashabbus — yangi mushuk uychalari ko'paymoqda. "Mushukkent" loyihasi Milliy gvardiya va IIBB bilan hamkorlikda kichik do‘stlarimizning yashash sharoitlarini yaxshilashga sezilarli hissa qo‘shmoqda.

🐈Aholi tomonidan hayvonlarga ko‘rsatilayotgan e’tibor ortib borayotganidan mamnunmiz. Biroq, ularga nisbatan mehribonlik mas’uliyatli bo‘lishi lozim. Eslatib o‘tamizki, mushuk va itlarning sog‘lig‘i uchun faqat maxsus ozuqalardan foydalanish muhimdir. Palov, makaron yoki boshqa taomlar kabi ovqat qoldiqlari ularning organizmiga zarar yetkazishi mumkin.

Shuningdek, hayvonlarni boqayotganlardan, turar-joy hududlarida ozodalik va tartibni saqlash maqsadida, ozuqa qadoqlari va ovqat qoldiqlarini qoldirmaslikni so‘raymiz.

😻Hayvonlarga ko‘rsatgan g‘amxo‘rligi va mehribonligi uchun barcha sahovali insonlarga samimiy minnatdorchiligimizni bildiramiz, axir yilning sovuq mavsumida jonivorlar bizning e’tiborimizga ayniqsa muhtoj bo‘lishadi.

☘️Atrof-muhitga oid soʻnggi yangiliklarni @ekologuz saytida oʻqing. Bizga obuna bo'ling va taklif va tilaklaringizni @eklguz_bot orqali yuboring!

Instagram | Facebook | Twitter | Sayt | Youtube